Македонија се уште е под опасност од африканска свинска чума

Опасноста од африканската свинска чума се уште ја демне земјава. 

Во Србија се утврдени нови жаришта од овој вирус во близина на Димитровград и Пирот, а минатата недела во Бугарија болеста зафати уште четири нови региони.

Првиот човек на АХВ Зоран Атанасов вели дека Македонија е безбедна и нема простор за паника. Мерките за безбедност остануваат на сила, вклучително и забраната за увоз од Србија и Бугарија. Ги потсети граѓаните кои се враќаат од патување во странство да не внесуваат производи од свинско месо, а фармерите строго да ги почитуваат биосигурносните мерки.

„Претпазливост мора да има. Мерките кои Агенцијата ги нареди и забраните остануваат на сила. Би набројал само дека е забрането да се чуваат свињи на отворено, свињите не смеат да се хранат со помии, а луѓето кои патуваат во странство да не носат во куферите храна од животинско потекло, поготово производи од свинско месо,“ вели Зоран Атанасовски .

Атанасов информираше и дека лани ниту еден пациент не престојувал во болница поради труење со храна. Деветнаесет лица се пожалиле на благи симптоми, но ниту еден од нив не бил сериозен случај. Праксата за затворање на угостителските објекти кај кои ќе се утврди дека служат небезбедна храна ќе продолжи.

„Лани во трите случаи не е потврден причинителот бидејќи и самите 19 лица кои се пријавиле имале само благи симптоми. Во едниот случај се работи за 500 луѓе присутни во ресторан од кои само двајца се жалат на благи болки,“ изјави Зоран Атанасов, директор на АХВ .

Од август до крајот на 2019 се отстрелани околу 1000 диви свињи, но мострите од лабораториските тестирања не покажале дека свињите го имаат заразниот вирус. Што се однесува до класичната свинска чума, во втората половина од годинава земјава од СЗО ќе побара да и биде доделен статус на слободна земја од болеста.

Видео: Успешно полета роботот птица со вистински пердуви

Научници креираа робот со име „PigeonBot“, кој е составен од 40 вистински пердуви и неколку други компоненти.

Додека авионите маневрираат така што ја менуваат позицијата на крилните елементи, птиците тоа го прават со менување на обликот на крилото во зависност од тоа на кој начин летаат.

Токму на тој начин се зголемува ефикасноста на крилјата, па научниците посакаа тие елементи да ги вметнат во летачка машина.

„PigeonBot“ успешно полета и успешно се спушти, што е огромен чекор за еволуцијата на летачките објекти.

Овој летачки робот би тебало да им послужи како инспирација на оние кои конструираат летала но и на оние кои ги проучуваат птиците.

Фолксваген нема да присуствува на саемот во Париз

Германскиот автомобилски гигант и оваа година како во 2018 нема да присуствува на автомобилскиот саем во Париз.

Многу влијателни магазини ја пренесоа информацијата дека Фолксваген нема да се појави на авто- саемот во Париз 2020 годна, што е голем удар за изложбата на автомобили.

Јирген Стакман, еден од директорите за продажба во Фолксваген тоа го потврди во разговор со германските новинари.

„Најверојатно нема да се појавиме во Париз, едноставно имам други планови за оваа година“, кратко објасни Стакман.

ОВој саем секоја година се менува, во парните години е во Париз а вонепарните во Франкфурт.

Саемот во Франкфурт веќе со години губи посетители, на пример во 2017 година имало 810.000 посетители а додека во 2018 биле само 560.000. Поради неприсуството на Фолксваген и оваа година во Париз се очекува пад на посетеноста.

Само пред неколку дена Ламборџини објави дека нема да учествува на саемот во Женева кој е закажан за март месец.

Ова е уште еден доказ дека важноста од појавување на саемите за автомобили се намалува и дека произведувачите се повеќе се одлучуваат самостојно да ги промовираат своите модели и да креираат сопствени изложби.

Тоа се покажало и како поевтино а и помалку се води сметка околу конкурецијата чии штандови на саемите можат да привлечат повеќе внимание.

Инстаграм воведува опција која корисниците долго ја чекаа

Социјалната мрежа Инстаграм полека почна да ја воведува можноста за праќање директни пораки и преку веб страницата.

„The Verge“ пушува дека се работи за тест, а дека опцијата за праќање директни пораки на Инстаграм преку веб страницата ќе им биде овозможена на сите корисници нешто подоцна.

Моментално оваа опција им е достапна на мал процент на корисници.

Праќањето на директни пораки преку веб станицата на Инстаграм ќе функционира на ист начин како и преку апликацијата. Корисниците до директните пораки ќе можат да пристапат од профилот на страницата или преку посебна страница за директни пораки, баш како што е тоа случај со апликацијата. Десктоп нотификациите за директни пораки исто така ќе бидат достапни доколку корисникот ги овозможи во својот интернет пребарувач.

притисни ентер