Спасовски: Врвен приоритет на оваа Влада е функционирање на институциите и владеење на правото

Врвен приоритет на сите министри во актуелната Влада без исклучок е да обезбедат континуитет на функционирањето на институциите, на владеење на правото и на демократијата.

Врвен приоритет на оваа Влада е функционирање на институциите и владеење на правото, но и организирање на фер и демократски избори на 12-ти април, порача претседателот на техничката влада Оливер Спасовски на својата прва прес конференција откако е избран на оваа функција. Спасовски побара од сите министри во Владата одговорни постапки со цел одржување на избори какви што доликуваат на една европска демократија.

„Врвен приоритет на сите министри во актуелната Влада без исклучок е да обезбедат континуитет на функционирањето на институциите, на владеење на правото и на демократијата. Да отвориме максимален простор за демократска волја на граѓаните да учествуваат во изборот на нова легитимна влада. Тој нагласи дека сите услуги на граѓаните ќе бидат испорачани во целост, на време и непречено, независно дали станува збор за субвенциите за земјоделците, помошта на социјалните категории на граѓани, покачувањето на платите во јавниот сектори или услугите на администрацијата“, рече Спасовски.

Спасовски ги повика министерот за внатрешни Наќе Чулев и неговата дополнителна заменичка Славјанка Петровска кои се во судир околу назначувањето на началник на СВР Скопје, но и повлекување на наредби за распредeлба на возила и полициски службеници да ги надминат недоразбирањата преку дијалог. Сепак, Спасовски вели состојбата најверојатно се должи на неразбирање на процедурите во МВР.

„Треба да се внимава во МВР затоа што е многу е важно да немаме никакви закани за безбедноста и да дојдеме до една ситуација на нестабилност и неизвесност на граѓаните. Не носи ништо добро што ќе создаде хаос. Очекувам дека сите овие недоразбирања ќе бидат надминати и низ дијалог да ги решат овие прашања“, порача Спасовски.

Во ВМРО ДПМНЕ му одговорија дека должност министрите работат во интерес на граѓаните и запирање на злоупотребите.

Премиерот Спасовски апелираше и за елиминирање и за „нула толеранција“ на говорот на омраза.

Заев: Коалицијата Можеме е победник на овие избори!

Претседателот на СДСМ Зоран Заев во обраќањето рече дека коалицијата Можеме е победник на предвремените парламентарни избори со најмалку три пратеника предност пред ВМРО-ДПМНЕ.

Заев рече дека коалицијата има сигурна и стабилна предност од најмалку тројц апратеници , со мошност за добивање уште двајца или тројца.

,,Со оваа ваша поддршка не обврзувате на одговорност, но може да работиме уште повеќе и уште подобро" , рече Заев .

ДИК: СДСМ 36,13%, ВМРО-ДПМНЕ 34,65%, ДУИ 11,57%, АА и А 8,79%

Од преброени гласови 96,93 отсто од избирачките ливчиња, Коалицијата предводена од СДСМ „Можеме" води со освоени 36,13 отсто од гласовите пред ВМРО-ДПМНЕ со 34,65.

Податоците објавени од Државната изборна комисија во нивното седиште, имајќи предвид дека веб страницата повеќе од еден час не им функционира, покажуваат дека за ДУИ гласале 11,57, за Алијанса на Албанците и Алтернатива 8,79, за Левица 3,96, ДПА 1,48 и за Интегра 1,33 , а другите партии и коалиции учесници на изборите имаат под 0,4 отсто, информира пред малку на прес конференција портпаролот на ДИК , Адмир Шабани.

Јанушев: ВМРО-ДПМНЕ влегува во трка за формирање на нова влада

Народот покажа дека народот не сака криминална и коруптивна власт, рече генералниот секретар на ВМРО – ДПМНЕ , Игор Јанушев.

Победивме во голем број градови и населени места рече Јанушев. Трката е тесна речиси изедначена , да почекаме да ги видиме финалните бројки.

ВМРО-ДПМНЕ влегува во трка за обезбедување мнозинство за формирање на нова влада .

притисни ентер