Македонците во Албанија ја одбележаа Василица

Македонците во Албанија го прославија празникот Свети Василиј Велики, со кој се означува почетокот на Новата година според јулијанскиот календар.

По традиција празникот се одбележа во духот на македонските обичаи и традиција.

Во Мала Преспа, Голо Брдо, Врбник, синоќа се палеа василичарски огнови, се пиеше вино и топла ракија, се пееја песни. Според традицијата наследена од дедовци прадедовци, деца маскирани и со некој музики инструмент во рака одат од куќа во куќа пеат песни и прават голема врева со тенџериња и ѕвонци кои ги носат со себе.

– Во секое македонско семејство ширум Албанија, во Тирана, Елбасан, Драч, Корча, Поградец… домаќинките подготуваат пита или како што ја нарекуваат мазник со паричка. Се верува дека на оној кому ќе му се падне, во текот на годината ќе му се случуваат убави нешта, велат од македонското друштво „Илинден".

Во исто време друштвото упати честитка по повод Православна Нова година, до сите Македонци во Албанија, во матичната земја и дијаспората, со желби за здравје, среќа, мир и благосостојба. /МИА.

Грчката забрана за Србите важи до 15 јули, мерката може и да се продолжи

Грција ќе ги затвори границите за српските граѓани од утре од 6 часот, а сега објавија колку долго ќе трае оваа мерка.

„Пристапот до Грција за сите граѓани на Србија, на сите премини, ќе биде забранет до 15 јули“, објави грчката влада.

Грција исто така напомена дека, во согласност со своите договори со ЕУ, може да ја преиспита оваа мерка и дека анализите се прават на дневна основа.

Треба да се додаде дека се наведува дека оние кои имаат „исклучителни причини“ за своето патување сепак ќе имаат право да влезат во Грција, но не е прецизирано што значи тоа, наведуваат српските медиуми.

Драматично во Јапонија: Најмалку 20 загинати и 14 исчезнати во големите поплави (ВИДЕО)

Најмалку 20 луѓе загинаа, а 14 се водат како исчезнати во поплавите и лизгањето на земјиштето, предизвикани од  рекордни поројни дождови во југозападна Јапонија, објавија локалните медиуми.

Се стравува дека 14 исчезнати лица се исто така мртви, ден откако поплавата го погоди руралното подрачје на префектурата Кумамото, јави телевизијата НХК, повикувајќи се на локалните власти.

Околу 50 луѓе се спасени од поплавен дом за стари лица во селото Кума, на околу 950 километри југоисточно од Токио, пренесува Kyodo News.

Властите во Кумамото наредија евакуација на околу 200 000 жители, бидејќи обилните дождови, лизгање на земјиштето и поплавите продолжуваат да се закануваат.

Јапонската метеоролошка служба очекува силниот дожд да зафати големи области од источна и западна Јапонија до вторник.

Префектурите Кумамото и Кагошима се зафатени од силен дожд уште од вчера.

Врнежи од дожд до 300 мм се очекуваат на југозападниот остров Шикуку, 250 мм на островот Кјушу, вклучувајќи го Кумамото, и 200 мм на источниот и централниот дел на земјата, вклучително и Токио, до понеделник вечер, соопшти метеоролошката служба.

Пред две години, поплавите и лизгањето на земјиштето во западна Јапонија однесоа повеќе од 220 животи, што претставува најголем број загинати поврзани со временски непогоди во три децении.

Во Србија 302 новозаразени , починале пет лица

Во последните 24 часа, 5030 лица биле тестирани за коронавирус во Србија, од кои 302 биле позитивни. Уште петмина починаа.

Во моментот има 81 пациент на респиратори.

Вчера 7.434 лица биле тестирани за коронавирус во Србија, од кои 325 биле позитивни, а осуммина починале.

Инаку, од утре во 6 часот наутро, Грција ќе ги затвори своите граници кон граѓаните на Србија. Српските туристи кои се веќе во Грција, популарна дестинација за одмор за Србите, ќе можат да ја напуштат земјата.

притисни ентер