Чешка втор противник на македонските ракометари на ЕП 2020

Најдобрата ракометна репрезентација на Македонија попладнево од 16 часот против селекцијата на Чешка ќе го одигра вториот напревар на Европското првенство во Австрија, Шведска и Норвешка.

По минималниот триумф над Украина во стартниот меч од групата Б во Виена македонските ракометари попладнево се пред нов предизвик на еврошампионатот, во 2 коло ги очекува ранетата селекција на Чешка која во првото коло загуби од домаќинот Австрија и сега е без право на грешка. 

Но, црвено жолтите по денот одмор искористен за тренинг и анализа на првиот дуел со поддршка од фалангата во арената Штадхале очекуваат добра игра и резултат и против стариот должник од ЕП 2018 во Вараждин, Чешка.

Играта во одбрана против најдобриот стрелец од минатото Европско, капитенот на Чешка, Ондреј Здрахала е клучна за конечниот исход на средбата. Воедно избраниците на Брестовац денеска не смеат да се дозволат пад на концентрацијата како на мечот со Украина во решавачката делница од дуелот со квалитетната Чешка.

притисни ентер