Семејна драма и убиство во продавница во скопската населба Тафталиџе

55-годишен Скопјанец е убиен, а 25-годишно момче е повредено при пукање по семејна расправија, која синоќа се случи во продавница, во непосредна близина на пазарот во скопската населба Тафталиџе.

Пломбирана продавница и потресени соседи, денеска е сликата по синоќешното убиство во скопско Тафталиџе. Екипата на Канал 5 затекна граѓани кои збунето доаѓаа да пазарат во дуќанот и кои наидуваа на затворени врати.

Жителите од околните згради кај продавницата се изненадени од случката. За Канал 5 велат дека сопственикот на дуќанот кој синоќа пукал бил мирен човек. Но, со мотивите за расправијата која заврши фатално не биле запознаени.

Соседите не сакаа да зборуваат пред камера, но за Канал 5 велат дека го познаваат како мирен и тивок човек кој никогаш не создавал проблеми.

Сторителот е приведен. Истражните органи се уште ги утврдуваат причините за убиството, но неофицијално станува збор за нарушени семејни и имотно – правни односи.

Според МВР, 55годишниот скопјанец пукал во својот зет од сестра, кој починал на самото место. Пукано било и во 25годишниот внук кој завршил со повреди во ногата и итно бил префрлен во Ургентниот центар.

Пукањето се случило синоќа во дуќанот кој се наоѓа на улица Московска, непосредно до пазарот во Тафталиџе.

Хјундаи во наредните три години ќе инвестира 47 милијарди евра, пред сѐ за електрични возила

Компанијата Хјундаи денеска објави дека ќе инвестира 68 трилиони вони (околу 47 милијарди евра) во текот на три години во Јужна Кореја, главно за да го зголеми производството на електрични возила (ЕВ) и да вработи 80.000 нови работници во секторот.

Јужнокорејската компанија наведува дека повеќе од половина од таа инвестиција ќе биде наменета за електрични возила, односно за нова истражувачка и развојна инфраструктура, како и производствени линии, пренесе Ројтерс.

Агенцијата забележува дека зголемувањето на инвестициите се случува во време кога другите етаблирани производители на автомобили го намалуваат производството.

Главниот оперативен директор на Hyundai, Хозе Муњоз, на саемот за автомобили во Њујорк најави дека бројот на електрични возила ќе се удвои.

„Многу сме посветени на пазарот на Соединетите Американски Држави“, истакна тој.

Hyundai во ноември објави дека инвестира 11,6 милијарди евра во нови посебни капацитети за производство на електрични возила и батерии во Грузија, што е најголема инвестиција надвор од Јужна Кореја.

Додека јужнокорејската компанија ги зголемува инвестициите во електрични возила, конкурентските производители на автомобили планираат да го намалат производството на ЕВ и да го префрлат капиталот главно на хибридни модели.

Руски воен авион се урна во близина на Крим

Руски воен авион денеска се урна во морето во близина на кримското пристаниште Севастопол, изјави гувернерот на регионот назначен од Русија.

„Пилотот безбедно се катапултирал и бил спасен. Цивилни објекти не се оштетени“, изјави гувернерот на Севастопол, Михаил Развозаев, пренесува Ројтерс.

Претходно руските канали Телеграм објавија дека руски борбен авион Су-35 се урнал во близина на Севастопол.

Не е јасно како дошло до инцидентот.

Таравари на панел дискусијата за интеграција на лицата со попреченост

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија .

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија за интеграцијата на лицата со попреченост во општеството.

На панел дискусијата се разговараше за потребите и барањата на оваа значајна категорија.

Темата за интеграција на лицата со попреченост во општеството е многу важно прашање за кое е важно да се има широка свест и соработка на општествено и политичко ниво, а учеството на Таравари на овој панел ја покажува неговата посветеност да се справи со проблемите со кои се соочуваат оваа категорија лица и да се промовира поинклузивно и еднакво општество за сите.

Покрај дискусијата за потребите и барањата на лицата со попреченост, важно е оваа дискусија да води кон конкретни акции и политики ориентирани кон нивна поддршка, се наведува во соопштението.

притисни ентер