Илјадници егзопланети веќе се пронајдени од научниците, а сега е време и поблизу да ги истражат. Characterising Exoplanets Satellite (CHEOPS) е релативно мала опсерваторија, многу помала отколку вселенскиот телескоп Хабл. Сепак, додека Хабл извршува многу различни функции, Cheops е повеќе специјализиран. Тој е специјално дизајниран за мерење на дијаметарот на планетите, чии маси се веќе познати.
Имено, ако го знаеме радиусот и масата на една планета, можеме да ја процениме нејзината густина, што ни дава поточен увид во тоа од што е направена. На пример, планета потешка од Земјата би можела да биде карпеста, но ако има многу поголем дијаметар од Земјата, таа е веројатно гасовита, како малиот Нептун, пишува New Scientist.
Cheops има телескоп од 30 см дизајниран да ја мери густината, составот и големината на бројните егзопланети надвор од нашиот Сончев систем.
Според Европската вселенска агенција (ЕСА), Кеопс ќе ги набљудува оние sвезди за кои веќе се знае дека орбитираат околу планетите.
„Мисијата е чекор кон подобро разбирање на астрофизиката на сите овие неверојатни планети што ги откривме и се различни од планетите во нашиот Сончев систем“, рече Дидиер Квелоз, добитник на Нобеловата награда за физика во 2019 година.
Тој додаде дека Кеопс можеби нема да може да одговори на прашањето дали има живот на други планети, но бројни научници веруваат дека овие информации ќе ни дадат подобар увид во тоа која од овие планети е погодна за живот каков што го знаеме.
„Научниците ќе се фокусираат на планетите во опсегот со големина на Земјата и Нептун, а со помош на добиените податоци ќе имаме увид во густината на овие планети, што е прв чекор во нивното карактеризирањето.“,соопшти „Гардијан“.
„Ние сакаме да ги надминеме статистиките и детално да ги проучиме“, изјави водачот на мисијата Дејвид Еренраих.
Вселенското летало Кеопс ќе орбитира околу Земјата на оддалеченост од 700 км и ќе ги проучува планетите што орбитираат околу ѕвездите на оддалеченост од неколку светлосни години.
Првите резултати од набудување на егзопланетите треба да бидат познати за само неколку месеци.