Дескоска: Прочистувањето на корупцијата е најзначајниот процес во државата

Министерката за правда проф. д-р Рената Дескоска денеска се обрати на Осмата сесија на Конференцијата на државите потписнички на Конвенцијата на Обединетите нации против корупцијата (UNCAC).

Конференцијата се одржува на секои две години, а целта на одржувањето е проверка на напредокот на државите потписнички на конвенцијата.

Конвенцијата на Обединетите нации против корупцијата (UNCAC) е дел од македонскиот правен поредок, а нејзината имплементација е предмет на ревизија.

 “Корупцијата претставува закана за демократијата и владеењето на правото. Општествата со силни, независни и непристрасни механизми за борба против корупцијата се општества со значително подобар квалитет на живот. Прочистувањето на корупцијата во општеството е мошне предизвикувачки процес, но тоа е најзначајниот процес во една држава кој води кон подобро образование, здравство, административни услуги, подобар и поеднаков пристап до правда за нашите граѓани“ истакна Дескоска.

Во своето обраќање, министерката Дескоска ги наведе постигнувањата на Министерството за правда во насока на зајакнување на антикорупциската рамка и имплементација на препораките на Конвенцијата на ООН против корупција (UNCAC), а како најзначајно постигнување го наведе донесувањето на новиот Закон за спречување на корупцијата и судирот на интереси.

“Како резултат на дискусиите и експертските препораки добиени во рамки на спроведувањето на вториот циклус на преглед на имплементацијата на Конвенцијата, воведена е целосно транспарентна постапка за  избор и именување на претседателот и членовите на Државната комисија за спречување на корупцијата,  во која учествуваат и граѓанскиот сектор, новинарите и медиумите, а утврдени се зајакнати услови кои треба да ги исполнуваат кандидатите за претседател и член на оваа Државна комисија“ потенцираше Дескоска.

Со новиот Закон за слободен пристап до информации од јавен карактер од мај 2019 година, се зголемува пристапот до информации, а рокот за добивање одговор е значително скратен.

Како придобивка, министерката Дескоска ја наведе и зголемената транспарентност во трошењето на јавните средства, особено преку објава на интернет порталот „Отворени финансии“ со кој јавноста има увид во податоците за реализација на буџетските трансакции.

Министерката истакна дека добрите пракси и предизвици идентификувани од тековниот циклус на преглед на имплементацијата на Конвенцијата ќе ги користиме за аргументирање и предлагање на подобри решенија за превенција и борба против корупцијата, но истите и ќе ни послужат како референца за поддршка во активностите за обезбедување техничка помош.

Дескоска се заблагодари за експертската поддршка која ја обезбедува Канцеларијата на Обединетите Нации против наркотици и криминал (UNODC) и граѓанскиот сектор во унапредување на имплементацијата на одредбите на Конвенцијата.

Полета најдолгиот авион на светот – Историски лет на Боинг 777X (ВИДЕО)

Boeing Co го започна денеска пробниот лет на 777X, најголемиот светски двомоторен авион, во време кога американскиот производител , кој е сериозно погоден од кризата со 737 MAX, ја засилува борбата против европскиот конкурент „Ербас“.

777X, поголема, поефикасна верзија на успешниот мини-џамбо Боинг 777, полета од  комерцијалната база во близина на Сиетл во 10:09 часот по локално време, бидејќи силните ветришта ја принудија компанијата двапати оваа недела да го одложи пробниот лет.

Директорите на „Боинг“ најавија дека летот ќе трае помеѓу 3 и 5 часа и дека тестирањето и сертификацијата ќе бидат потребни неколку месеци пред да започне со работа во Емиратите во 2021 година.

Боинг претходно објави дека неговиот најголем двомоторен авион, дизајниран за просечно 406 лица, ќе полета за прв пат на почетокот на 2020 година, при што првата испорака се очекува во 2021 година. Првично, првата испорака беше закажана за средината на 2020 година, што не е можно поради проблеми во изведбата.

Овој авион, долг 77 метри е значително поголем од неговите претходници 777-300ER и Ербас А340-600. Дури и малку подолг од претходниот рекордер 747-8, најновата верзија на авионот Queen of the Skies.

Поради својата должина, авионот е дизајниран да прими меѓу 400 и 425 патници, во двете класи. Бројот на места ќе варира во зависност од барањата на одредени авиокомпании.

Најдолгиот патнички авион на светот, „Боинг 777X“, беше официјално откриен минатиот март од Управниот одбор на „Боинг“ во главниот производствен капацитет на компанијата во Еверет, Вашингтон.

777X првично требаше да го изврши првиот тест лет минатото лето, но беше одложен до 2020 година, поради проблеми со моторите GE9X произведени од General Electric. Проблеми се појавија и во септември минатата година за време на последниот тест на оптоварување кога експлодира вратата на авионот.

Конечните тестови ги надгледуваат инспекторите на Федералната управа за авијација (ФАА) како дел од процесот на сертификација на авионите.

Седум кинески државјани се пренесени во болница во Москва , под сомнение од коронавирус

Седум кинески државјани биле пренесени од хотел во северна Москва во болницата за заразни болести под сомнение за акутна вирусна респираторна болест.

Претставник на брзата помош на руската престолнина изјави за Спутник.

„Седум кинески државјани се префрлени од хотелот„ Арт Војковска “во болница за заразни болести“, рече тој, додавајќи:„Тестовите се во тек и медицинскиот персонал чека резултати од прегледот“.

Експлодира цистерна среде населба во Перу , најмалку 13 загинати (ВИДЕО)

Во експлозија на камион кој пренесувал бензин до Лима загинаа 13 лица, соопшти денеска перуанското Министерство за здравство.

„Новиот број на жртви е 13 мртви“, изјави денеска портпаролката на Министерството, Моника Месан, додавајќи дека меѓу загинатите има и  пет деца.

Експлозијата на цисртерната се случи во четвртокот во предградието на главниот град на Перу, каде што  живеат околу 500.000 луѓе.

Несреќата се случила наутро додека луѓето оделе на работа. Причината била истекување на една цевка од камионот. Вкупно 13 пожарникари го гаснеле пожарот што избувна по експлозијата.

притисни ентер