Потврдено : Доаѓа преработката на најголемиот Божикен хит

Симпатичниот буцко Арчи Јејтс, несомнено ќе ги добие симпатиите на публиката ,  иако не е откриен датумот кога можеме да ја гледаме премиерата.

Неизбежното телевизиско шоу, еден вид празничен обичај и еден од знаците дека се приближува крајот на годината - е серијата филмови „Сам дома“.

Тоа  е првиот филм во кој Кевин МекАлистер, русокосо осумгодишно момче, останува дома поради серија несреќни околности додека остатокот од семејството оди на одмор во Париз.

Кевин, за оние екстремно ретки кои не го знаат тоа, со солидна доза на садизам уништува разбојничко дуо кое сака да ја ограби неговата куќа. Одличните Меколи Калкин и брилијантните Џо Песи и Даниел Стерн ги забавуваат милиони гледачи од декември 1990 година, кога оваа комедија на Крис Колумбо ги наполни кината и заработи 476,7 милиони долари, а e снименa со буџет од скромни 18 милиони.

Дури и остатокот од франшизата што порасна на крилјата на успехот не помина лошо, особено вториот дел, во кој исто така глуми Калкин. „Единицата“, сепак, до минатата година остана празничен филм со најголема заработувачка во историјата.

Во ера на римејк, сето ова е повеќе од доволен поттик да се снима „Сам дома“ за новите генерации. Со месеци се шпекулира, а сега, соодветно за времето од годината, од Дизни пристигна дефинитивна потврда: 11-годишниот Арчи Јејтс ќе ја игра главната улога, но тој во оваа нова верзија на приказната нема да го носи името Кевин Мекалистер.

Симпатичниот Арчи е еден од ѕвездите на комедијата „Јојо зајак“ на Таико Ваитити, која деновиве беше номиниран за „Златен глобус“, а започнува да се прикажува во кината на почетокот на 2020 година. Познато е и дека Ели Кемпер, актерката номинирана за Еми, ќе глуми во филмот , како и Роб Делани најпознат по неговите улоги во серијалот „Катастрофа“ и филмовите „Last Christmas" и ,,They Are Bombs“.

Филмот ќе биде во режија на Ден Мазер („Валканиот дедо“), сценаристи се Мики Деј и Стридер Сејдел (сценарист и актери од познатата емисија „Сајт вечер во живо“), а во продукција на Хачер Паркер и Ден Вилсон. Кемпер и Делани треба, барем според „Холивуд репортер“, да играат двојка „кои за да се спасат од финансиска пропаст,  почнуваат војна со момче кое украло непроценливо наследство“ што дефинитивно нема никаква врска со Кевин од првата верзија на „Сам дома“ .Не е познато кога треба да заврши филмот - се очекува да биде подготвен за следната празнична сезона , а дали ќе се прикажува во кина или само преку услугата за стриминг на Дизни Плус сè уште не е познато.

БМВ има нов хибрид кој е идеален за низ град

Баварскиот произведувач БМВ го претстави  „X2 xDrive25e“ плаг ин хибридот.

БМВ уште во септември го електрифицираше „X1“, а сега ист третман доби и кросоверот „Х2“. Срцето на хибридниот погонски систем е сочинето од троцилиндарски 1.5 литарски турбо- бензин мотор со 125 коњски сили кој прача сила на предна осовина со помош на 6 брзинскиот автоматски менувач.

На бензинскиот мотор му помага електромотор со 95 коњски сили, кој е на задните тркала, со што е овозможен погон на двете осовини кога автомобилот работи во хибриден режим. Вкупната комбинирана сила на хибридниот систем изнесува 220 коњски сили.

Доколку за возење се користи само електрична енергија, ова БМВ се движи со заден погон. Благодарение на литиум- јонската батерија од 10 киловат часа, автомобилот може да прејде и до 56 километри на струја, пред таа да се испразни, а тогаш се вклучува бензинскиот мотор.

Овој автомобил може да забрза од 0 до 100 км/ч за 6,8 секунди, додека максималната брзина е 195 км/ч. Кога се вози само на струја, максималната брзина која овој автомобил може да ја постигне е 135 км/ч.

Фото: Нејмар до уши вљубен во преубавата Русинка Катерина!!

Најскапиот светски фудбалер, Бразилецот Нејмар е заљубен до уши! Британскиот „Сан“ тврди дека асот на ПСЖ збудалел по убавата и атрактивна Русинка Катерина Сафарова.

Нејмар и Катерина се „пријатели“ на социјалните мрежи на кои имаат и неколку заеднички фотки.

Убавата Русинка воопшто не крие дека ги следи мечевите на клубот на Нејмар,  Пари Сен Жермен.

Тие двајца сепак не потврдуваат дека се во врска иако „Сан“ се пофали и уверува дека Нејмар и Катерина веќе некое време се во врска.  

Памела Андерсон по петти пат го изговори судбинското „да“, новиот сопруг има мистериозно минато

Една од најпознатите светски русокоси, поранешната зајачица на Плејбој Памела Андерсон синоќа го изненади светот и по петти пат го изговори судбинското „да“ .

 Но, јавноста е изненадена од нејзиниот избор. Новиот маж на Памела крие скандалозно минато.

52 годишната Памела стапи во брак со 74 годишниот продуцент Џон Питерс, на двајцата ова им е петтиот брак.

Според американските медиуми Памела и Џон прв пат биле во врска уште пред 30 години и оттогаш продуцентот наводно бил вљубен во популарната актерка. Тие двајца пред неколку месеци ја обновиле врската која сега ја крунисале со брак.  

Сега медиумите ја потсетуваат јавноста на шокантни детали од минатото на Питерс.

Продуцентот познат по хит филмовите,: Флешденс, Див див запад, Бетмен, Ѕвездата е родена, наводно е еден од првите холивудски ѕвезди кој бил пред судот поради обвинение за злоставување.

Според „Дејли маил“ Џон Питерс во периодот 1996 – 2008 година најмалку пет пати бил осомничен за сексуално злоставување. Една од неговите „жртви“ била неговата поранешна асистентка Шели Морита, која судски добила оштета од огромни 3 милиони долари.

Богатиот продуцент инаку многу често бил во врска и со други познати жени, некои од нив наводно се Барбара Стрејсед, Кетрин Зета Џонс, супермоделот Вендала Кирсбо....

притисни ентер