Скандал во ,,Форд” – работниците открија како биле прелажани милиони купувачи

„Ја знаевме нивната тајна и не сторивме ништо во врска со тоа“, потврдија седумтемина вработени кои работеле на развивање и лансирање на моделите „Фиеста“ и „Фокус“ ​​од Форд.

Поточно, моделите на автомобили со неисправни менувачи се продадени на клиенти без шанси воопшто да се поправат.

„Нашите раце се валкани. Се чувствуваме лошо“, рече еден од инженерите, кој сакал да остане анонимен,а одиграл клучна улога во склопувањето и проверката на спорните автомобили.

На прашањето дали компанијата ги игнорирала раните предупредувања на своите експерти за дефект на менувачите, вработен во „Форд“ потврди дека „возилата биле испавни кога биле тестирани, но за време на пробното возење и откако поминале илјадници милји, тие биле свесни дека нешто не е во ред. “.

Инженерот изјави: „Ни беше кажано, не проверувајте ништо’. Ни беа дадени чудни наредби. После тоа, ако поставите прашања, вие сте обвинети за бунт. Некои колеги дури се обиделе да направат нешто, но без никаква корист, а на повеќето рацете им биле врзани. Сепак, бевме свесни дека ваквите преноси ќе предизвикаат механичка катастрофа “.

Тоа се однесувало на менувачот DPS-6 со двојна спојка наречен PowerShift, кој беше користен во два милиони продадени автомобили Фокус и Фиеста оваа деценија, што стана предмет на масовни парници и истраги за федерални измами, пренесува Yahoo News.

Најголем проблем со единицата ДПС-6 е што Форд продавал автомобили со овој шестстепен ДЦТ, „и покрај тоа што знаеше дека преносот не може да се санира“. Форд е свесен за степенот до кој е лош DPS-6 уште од 2011 година. Дизајнот е толку неуспешен што може да предизвика тотална загуба на енергија при возењето, како и брзина на автопат.

Во јули 2018 година, комисија од Лос Анџелес му додели отштета од 554.000 американски долари на сопственик кој го обвини Форд за „измама што му продал Фокус со ДПС-6, и покрај тоа што знаел дека не може да се поправи“. Со други зборови, компанијата Ford Motor го излажала клиентот.

Индустриското производство во февруари зголемено за 0,3 отсто

Индустриското производство во февруари годинава во однос на истиот месец лани е поголемо за 0,3 отсто. 

Во периодот јануари – февруари 2024 година, пак, споредено со првите два месеца од 2023, растот изнесува 1,5 проценти, соопшти Државниот завод за статистика.

Гледано по сектори, индустриското производство во секторот Рударство и вадење на камен во февруари 2024 година, во однос на февруари 2023 година, бележи пораст од 5.6 %, во секторот Преработувачка индустрија бележи пораст од 0.8 %, а во секторот Снабдување со електрична енергија, гас, пареа и климатизација опаѓање од 14.5 %. Зголемувањето во секторот Преработувачка индустрија е резултат, пред сѐ, на зголеменото производство во следните оддели: Производство на прехранбени производи, Производство на текстил, Производство на хартија и производи од хартија, Производство на хемикалии и хемиски производи, Производство на основни фармацевтски производи и фармацевтски препарати, Производство на производи од гума и производи од пластични маси, Производство на електрична опрема, Производство на машини и уреди, неспоменати на друго место, Производство на моторни возила, приколки и полуприколки, Производство на останата опрема за транспорт, Производство на мебел, Останата производствена индустрија и Поправка и инсталирање на машини и опрема.

Според главните индустриски групи, производството во февруари 2024 година, во однос на февруари 2023 година, бележи пораст кај Интермедијарни производи, освен енергија за 5.9 %, Капитални производи за 4.8 % и Трајни производи за широка потрошувачка за 3.4 %, додека опаѓање бележи кај Енергија за 15.4 % и Нетрајни производи за широка потрошувачка за 5.9 %

Фетел одговори на прашањето дали се враќа во Формула 1

Себастијан Фетел го прекина молкот за гласините за неговото враќање од пензија за да го замени Луис Хамилтон во Мерцедес.

Четирикратниот светски шампион се прости од трките на крајот на 2022 година во автомобил на Астон Мартин за да помине повеќе време со семејството, но германскиот возач тогаш за можното враќање рече: „никогаш не треба да се каже никогаш“.

Откако Хамилтон во февруари објави дека ќе го напушти Мерцедес и ќе се пресели во Ферари од 2022 година, се шпекулираше дека Фетел ќе го замени, но…

-Сè уште сум заинтересиран и ги следам трките. Во моментов се случува многу - на и надвор од патеката. Но, за мене Формула 1 не е во фокусот во моментов. Кога заминував, реков дека никогаш не вели никогаш за враќањето, но намерата не ми беше да застанам и потоа да почнам повторно, изјави Фетел и со тоа ги демантираше гласините дека се враќа. /МИА

Тројца загинати во сообраќајна несреќа во Кичево

Три лица загинаа во сообраќајна несреќа што денеска се случи на излезот од Кичево, во насока кон Скопје.

Според соопштението од СВР – Охрид, несреќата се случила утрово во 4:50 часот на улицата „Магистрален пат“ во Кичево, кога се судриле патничко возило „Пежо“ со кичевски регистарски ознаки, управувано од С.И.(19) од Кичево и патничко возило „Фолксваген голф“ со кичевски регистарски ознаки, управувано од К.Е.(32) од кичевското село Трапчин Дол.

Од здобиените повреди на местото на несреќата починале возачот К.Е. и неговиот сопатник А.С.(20) од село Трапчин Дол, додека возачот С.И. им подлегнал на повредите на пат кон Комплекс клиники „Мајка Тереза“ во Скопје.

Со тешки телесни повреди, констатирани во болницата „Св.Еразмо“ во Охрид и во Комплекс клиники „Мајка Тереза“, се здобиле 19-годишната Т.С. од Кичево, В.П.(21) од селото Подвис, кичевско, П.К.(21) од Кичево и еден малолетник од Кичево, сите сопатници во возилото „Пежо“.

На местото на несреќата увид извршиле јавен обвинител и полициски екипи. По наредба на јавен обвинител, телата на починатите се дадени на обдукција.

притисни ентер