Престрелаката на полицијата со две вооружени лица избувна во вторникот по пладне во Џерси.
Меѓу шесте загинати има тројца цивили, еден полицаец и обајцата напаѓачи, објаснуваат властите.
Полицијата во Џерси најпрво соопшти дека мотивот за напаѓачот не е познат, но градоначалникот Стивен Фулоп истакна дека двете цели се очигледно еврејски кошер супермаркет, лоциран крај реката Хадсон, крај Манхетн.
„Врз основа на нашата првична истрага, сега веруваме дека напаѓачите ја таргетирале точно локацијата што ја нападнаа“, рече Фулоп во твитот.
„Поради зголемена претпазливост, заедницата може да види дополнителни полициски сили во наредните денови / недели“, напиша Фулоп, додавајќи дека засега нема индикации за каква било закана.
Полициски детектив е убиен обидувајќи се да ги запре осомничените, кои потоа побегнале во блискиот супермаркет.
Полицијата соопшти дека тројца цивили биле убиени најверојатно од вооружените лица, кои возеле во продавница во украден пикап и зеле заложници. Кризата траеше со часови, бидејќи вооружените напаѓачи одбија да се предадат. „Тие брзо се движеа внатре и околу продавницата цели четири часа“, рече Кели.
Локалните медиуми објавија дека пукањето се случило во супермаркетот „J.Ц. Кошер“.
Сите училишта во Њу Џерси беа привремено затворени.
Градоначалникот на Њујорк, Бил де Бласио, на Твитер напиша дека ја ставал во состојба на готовност полицијата, иако нема специфична закана во градот. Вчеравечер , њујоршката полиција беше „распоредена за да ги заштити клучните локации на еврејската заедница. Ние ќе објавиме дополнителни мерки утре“, рече тој.
„Оваа трагедија потврдува дека подемот на насилен антисемитизам сега се претвори во криза за нашата нација. И сега таа закана излезе на прагот на Њујорк“, истакна Де Бласио.