Дескоска: Борбата против корупција треба да почне од Јавното обвинителство

Клучните почетоци на сите постапки во борбата против криминалот и корупцијата треба да почнат од Јавното обвинителство.

Тоа го порача денеска министерката за правда Рената Дескоска пред почетокот на дијалогот за политики „Имплементација на Стратегијата за реформа на правосудниот сектор 2017-2022 година".

Дескоска информира дека денешната дебата е околу процесот на остварувањето на Стратегијата за реформи во правосудството, додавајќи дека во добар дел се завршени со носењето на законската рамка што Министерството за правда е надлежно да ја изготви, а Собранието да ја донесе.

– Остануваат уште Законот за јавно обвинителство, Законот за измени на советот на јавното обвинителство и некои други закони кои се готови, но нема да има некоја драматична промена да треба да чекаат институциите во спроведувањето. Сега останува клучниот предизвик на Советот за јавни обвинители и Судскиот совет да почнат на спроведување на овие реформи што се направени во законската рамка со цел да добиеме независно, професионално судство и особено јавно обвинителство, рече Дескоска.

Програмската координаторка на Институот за европска политика (ЕПИ) Ардита Абази Имери информира дека на денешната дебата ќе се направи преглед што досега е направено од реформата во правосудниот сектор, и ќе се детерминира кои се предизвиците во наредниот период.

Таа смета дека освен јакнењето на системот кој е во фокус на Стратегијата треба да се јакне и довербата на граѓаните во правосудството.

– Многу е важно паралелно како се јакне системот така да се јакне и довербата кај граѓаните првично преку транспарентност. Ние правиме и анкета со граѓаните за нивната задоволност и перцепција од реформите и таа анкета ќе биде објавена можеби до јануари и ќе биде споделена со јавноста, рече Абази Имери.

Целта на дијалогот е да придонесе кон подобра имплементација на Стратегијата за реформа на правосудниот сектор преку конкретни препораки за подобра имплементација на предвидените мерки. /МИА

Ким Кардашијан откри колку милиони заработиле од семејното ријалити шоу(ВИДЕО)

Ким Кардашијан се прослави преку шоуто Keeping Up With The Kardashians, а многу фанови неодамна беа изненадени од веста дека по 14 години популарното шоу згаснува.

"Никогаш не мислевме дека ќе снимаме втора сезона , а снимавме 20. Потребна ни е само пауза, едноставно е. Потребно ни е малку време да се прегрупираме", објасни Ким во едно интервју и неодамна му призна на Дејвид Летерман дека нејзината емисија повеќе не е примарен извор на приход.

Таа по тој повод рече дека заработува повеќе со еден спонзориран пост на социјалните мрежи отколку од целата сезона на шоуто.

„Без шоу немаше да бидеме тоа што сме денес и затоа продолживме, но, реално, можеме да објавиме нешто на социјалните мрежи и да заработиме повеќе отколку од целата сезона на шоуто“, рече Ким.

Според ТМЗ, кланот Кардашијан-Џенер во 2017 година потпишал договор за дополнителни пет сезони на шоуто за 150 милиони долари.

Нивната мајка, Крис Џенер, открила дека заработката се дели подеднакво меѓу сестрите и кога ќе одземете 10 проценти од заработката што Крис ја добива како нивен менаџер, тоа значи дека секој член на семејството добива околу 4,5 милиони долари по сезона.

Ким, инаку, се наоѓа на четвртото место на најплатените инфлуенсери во светот оваа година, а на страницата „Хоупер“, која секоја година го објавува списокот, се наведува дека Ким заработува дури 858 илјади долари по спонзорирано соопштение. Судејќи според тие податоци, Ким не заработува иста сума пари со еден пост како што заработува од една сезона, но не е далеку од вистината. Нејзината сестра Кајли заработува нешто помалку од еден милион долари по објава, нејзината цена е 986.000 долари.

Летерман ја праша кој заработува повеќе: таа или нејзиниот сопруг Канје Вест.

"Веројатно тој", рече Ким, додавајќи: "Нашата заработка е слична. Двајцата сме многу среќни што навистина добро се снаоѓаме и затоа сум многу благодарна".

Претходно овој месец, списанието Форбс објави дека богатството на Ким се проценува на 780 милиони долари.

Вучиќ: Ќе ги победиме мафијашите, тоа им го гарантирам

Претседателот на Србија, Александар Вучиќ и се обрати на јавноста преку Инстаграм со порака дека „државата ќе ја победи мафијата, без оглед на личните, политичките и какви било други последици“.

„Додека се боревме за подобар животен стандард, додека се боревме за Косово, за подобар здравствен систем за да можеме да лекуваме луѓе, некои во меѓувреме сметаа дека најисплатлива работа е да бидат мафијаши, да убиваат луѓе, да киднапираат наши граѓани, но ќе ги победиме, им гарантирам без оглед на личните, политичките и какви било други последици “, истакна Вучиќ во видеото.

Српскиот претседател рече дека „Србија во 2012, 2013 и 2014 година се бореше против тајкуните кои ја ограбуваа земјата и сакаа да ја уништат и кои успеаја во тоа“.

"Ја обновивме земјата. Денес, Србија е прва во Европа според стапката на раст, платите растат, пензиите растат, луѓето живеат подобро", заклучил Вучиќ.

Германец ги прскал луѓето со лут спреј ,зашто не одржувале дистанца

71-годишен Германец премногу сериозно го сфатил правилото за физичко растојание и ги прскал минувачите со спреј за самоодбрана базиран на лута пиперка, соопшти германската полиција.

Тој прво испрскал група џогери, а потоа и двајца велосипедисти во западниот град Ахен, се вели во полициското соопштение, додавајќи дека нападите биле извршени „без предупредување“.

Велосипедистите, брачна двојка на возраст од 51 и 49 години, успеале да го избегнат спрејот и застанале да повикаат полиција.

Човекот и рекол на полицијата дека нема друг начин да им покаже на другите да се придржуваат кон воспоставените мерки за борба против ширењето на коронавирусот.

Тој е обвинет за предизвикување сериозни повреди и опасно попречување на сообраќајот.

Ахен е еден од најголемите урбани центри во Германија кој во моментов е класифициран како област со висок ризик поради високата стапка на заразени.

притисни ентер