Владата донесе одлука да се врати спортската сала и други објекти на општина Куманово

 Владата на вчерашната седница донесе одлука спортската сала и другите спортски објекти да и бидат вратени на општина Куманово како и други спортски сали и објекти од неколку други општини.

–Со овие одлуки, спортските сали се враќаат во владение и на управување на општините и стануваат поблиску до граѓаните и до спортските клубови во локалните заедници со што се отвораат можностите и потенцијалите за нивна поголема искористеност и за развој на спортот и физичката култура, се вели во соопштението.

Претходно и локалната власт информираше дека благодарение на позитивната волја на Владата, општината ќе си ги врати под управување градскиот стадион, стрелиштето, спортската сала и комплексот Соколана.

-Општина Куманово подолг временски период водеше иницијатива  да си ги врати спортските објекти во сопствена надлежност што своевремено и припаѓаа за да може да планира инвестиции во објектите, бидејќи  се наоѓаат во очајна, многу лоша состојба, поради нерасчистени должничко-доверителски односи, склучување договори од страна на субјекти кои не ги исполниле своите обврски, изјави тогаш кумановскиот градоначалник, Максим Димитриевски.

Првично беше вратен под владение спортскиот комлекс Соколана. Општината ќе има обврска да ги заштити овие објекти, да подготви планови за реконструкција. Претходно Куманово одвои два милиони денари за изработка на проект за спортската сала, но ќе се бараат дополнителни средства од Владата за реконструкција.

Претходно, кумановскиот градоначалник изјави дека не ја исклучува можноста за јавно-приватно партнерство и најави дека дивоизградените објекти околу спортските комплекси ќе бидат отстранети.

Сенатот одобри правила за постапката за отповикување на Трамп

По 13-часовна расправа, американскиот Сенат усвои правила за спроведување на процесот на отповикување на американскиот претседател Доналд Трамп, вклучително и одложување на дебатата за повикување сведоци до средината на судењето.

Со 53 гласа „за“ и 47 „против“, Сенатот усвои план со кој им се дозволува на сенаторите обвинители да почнат случај подоцна во текот на денот.. Американскиот сенат каде републиканците се мнозинство ги отфрли претходните обиди на три демократи да ја обврзат белата куќа да поднесе документ за исплата на воена помош за Украина.

 Таа одлука ја донесе Сенатот за време на првиот ден од судењето во процесот на отповикување на претседателот на САД, Доналд Трамп, што беше обележано со расправа за правилата формулирани во резолуцијата, предложени од Мич Меконел, лидер на мнозинството во Сенатот.

Просечната плата во ноември 25.787 денари

Просечната нето плата по вработен во ноември 2019 година изнесува 25.787 денари, објави Државниот завод за статистика.

Просечната месечна исплатена нето-плата по вработен во ноември 2019 година, во однос на ноември 2018 година, бележи раст од 5,1 отсто.

Ваквиот раст се должи, пред сѐ, на зголемувањето на просечната месечна исплатена нето-плата по вработен во секторите: транспорт и складирање за 9,5 отсто, преработувачка индустрија 8,9 отсто и дејности на здравствена и социјална заштита 8,2 отсто.

Зголемување на просечната месечна исплатена нето-плата по вработен, во однос на претходниот месец, е забележано во секторите: административни и помошни услужни дејности за 3,8 отсто, стручни, научни и технички дејности за 2,1 отсто и објекти за сместување и сервисни дејности со храна 1,6 отсто.

Просечната месечна бруто-плата по вработен, во ноември 2019 година, изнесува 38.319 денари.

Хиподром попладнево без вода

 Поради дефект на водоводна инсталација на ул. „Ордан Попјорданов" 6, без вода попладнево од 13 часот ќе бидат корисниците во скопската населба Хиподром.

Водоснабдувањето ќе биде прекинато до санирањето на дефектот, соопшти ЈП Водовод и канализација-Скопје.

притисни ентер