Французите шести ден штрајкуваат против пензиските реформи (ВИДЕО)

Масовните протести ги блокираа улиците на француските градови на шестиот ден од штрајкот, со кои што синдикатите сакаат да ја принудат владата да ја напушти својата планирана пензиска реформа.

Во Париз, метрото претежно беше затворено. Државната железница објави дека ќе работи секој петти брз воз, иако ова е зголемен број во однос на секој десетти воз што сообраќаше на првиот ден од штрајкот минатата недела.

Според проценките на полицијата, на улиците имало 339.000 луѓе, половина помалку од 806.000 на првиот ден од штрајкот во четвртокот.

Синдикатите се надеваат дека поради штрајкот, Макрон ќе го замрзне планот за измена на францускиот пензиски систем, составен од 42 различни модели, со систем на единечни поени.

Наставниците се едни од професиите што најверојатно ќе изгубат со воведување систем за поединечни поени, изјави за медиумите наставникот Жан-Батист Женевс, објаснувајќи: „Сите министри велат дека нема да изгубиме ниту цент, но факт е дека воопшто не им веруваме“. Тој додаде дека две третини од наставниците штрајкуваат, што е помалку од минатата недела кога чекаа да слушнат што би предложил премиерот.

Утре премиерот Едуард Филип треба да ги претстави клучните елементи на реформите. Тој им рече денеска на пратениците дека не очекува одеднаш да престане генералниот штрајк на синдикатите.

Владата е решена да ја спроведе реформата и ова е трет голем конфликт со историски моќните синдикати во Франција, кои сè уште се слаби и не се во состојба да ја запрат реформата на националните железници (СНЦФ) или измените во законот за работни односи, кои сега се  поповолни за работодавците.

Независно од синдикатите, владата деновиве претрпе два големи удари. Прво, високиот владин комесар за пензии, Жан-Пол Делевој, мораше да си даде оставка поради судир на интереси.

Потоа, вчера, четворица економисти вклучени во изготвувањето на економскиот дел од изборната програма на претседателот Макрон за 2017 година ја предупредија владата дека оди во погрешна насока. Тие рекоа дека предлог-реформата сугерира поедноставување и униформираност на пензискиот систем, наместо намалување на трошоците или зголемување на возраста за пензионирање.

Вонреден инспекциски надзор над пратка со отпад на граничниот премин Богородица

Од Министестерството најавуваат дека по извршениот увид на документацијата и анализа на земените примероци од страна инспекторите и царинските служби, резултатите ќе бидат споделени со јавноста. 

 Државниот инспекторат за животна средина во координација со Министерството за животна средина и просторно планирање и Царинската управа, врши вонреден инспекциски надзор над пратка со отпад (РДФ) запрена на граничниот премин Богородица помеѓу Македонија и Грција.

Од Министестерството најавуваат дека по извршениот увид на документацијата и анализа на земените примероци од страна инспекторите и царинските служби, резултатите ќе бидат споделени со јавноста. 

„Сити мол“ евакуиран поради дојава за бомба

Трговскиот центар „Сити мол“ во Скопје е авакуиран по дојава за бомба. 

Посетителите и сите вработени во трговскиот центар се евакуирани од молот. 

Според вработените во центарот  полицијата ги евакуирала откако добиле дојава за бомба. 

СДСМ: ВМРО-ДПМНЕ и Мицковски го блокираат решавањето на проблемот на граѓаните со долговите и каматите кај извршителите и нотарите

ВМРО-ДПМНЕ и понатаму со своите штетни политики нанесува директна штета на граѓаните и на нивната благосостојба.

Веќе една недела ВМРО-ДПМНЕ го блокира Законот за отпис на камати и репрограмирање на долгови на физички лица.

Пратениците од оваа партија очигледно се против отписот на каматите и долговите што граѓаните ги имаат.

Христијан Мицковски и неговите пратеници блокираат Закон кој ќе значи конечно решавање на проблемот со старите судски и извршни предмети, трансферирани кај извршителите и нотарите во 2011 година, како и предметите дадени за извршување за наплата на долгови пред извршителите заклучно со 31.12.2017 година.

Ете толку ВМРО-ДПМНЕ и Христијан Мицковски се грижат за граѓаните и нивните проблеми.

Наместо граѓаните да се одлободат од нивните долгови, поради штетните политики на ВМРО-ДПМНЕ тие и понатаму ќе стравуваат како да се справат со каматите и долговите.  

Доколку ВМРО-ДПМНЕ продолжи со политиката на блокада и кочење на се што е добро за граѓаните, постои опасност ова законско решение да не биде усвоено, бидејќи има уште десетина дена до распуштањето на Собранието.

ВМРО-ДПМНЕ со своите деструктивни политики прави се за да ги блокира и законот за отпис на камати и репрограмирање на долгови за јавни претпријатија, законот за легализација на бесправно изградени објекти,  законот за Академија за судии и јавни обвинители, законот за поништување на лустрацијата...

Сите овие законски решенија се во интерес на граѓаните, а ВМРО-ДПМНЕ работи против нив.

Граѓаните точно знаат кој работи во нивни и во интерес на државата, а кој го штити криминалот и кој се грижи за личните и теснопартиските интереси.

Затоа ВМРО-ДПМНЕ и креаторот на нивните политики од Будимпешта на 12 април ќе доживеат уште еден пораз.

СДСМ

Центар за комуникации со јавноста

притисни ентер