„Само Вистина“ со Исмет Рамадани и Ристо Никовски

Во вечерашната „Само Вистина“ дебатираа Исмет Рамадани и Ристо Никовски.

Партиите започнаа да го користат Законот за употреба на јазиците за добивање политички поени во предизборието, истакна политичкиот аналитичар Исмет Рамадани, во вечерашното гостување во „Само вистина“. Според Рамадани вицепремиерите Османи и Шекеринска направиле грешка што ги толкувале препораките и покрај тоа што не биле официјално испратени. Според поранешниот амбасадор Ристо Никовски, Законот за јазиците е неуставен и требало да биде усвоен во Собранието откако претходно за препораки ќе биде прашана Венецијанската комисија.

И да добиеме датум ќе преговараме 15 години, нагласи дипломатот Ристо Никовски, дебатирајќи во најновото издание на „Само вистина“. Никовски е песимист за добивање датум ,бидејќи, како што вели, повеќето земји-членки настојуваат да сме заедно во пакет со Албанија, а Тирана нема теоретски шанси во моментов да отпочне преговори со Брисел. Од друга страна, поранешниот пратеник Исмет Рамадани, вели дека токму влезот во НАТО и евентуалното добивање датум за преговори напролет ќе и бидат најголем адут на власта во предизборите. За Рамадани е позитивен фактот што Владата во нејзиниот мандат ја отворила темата „судство“, но жали што Европската унија не дозволила класичен ветинг во оваа област.

Повеќе детали погледнете во најновото издание на „Само Вистина".

Фото: Лепа Брена не е баш вешта во користење на Фотошоп

Последната фотографија која ја постави на својот Инстаграм профил покажува дека ни таа не е во целост задоволна со својот изглед.

Лепа Брена од секогаш важела за една од најубавите и најзгодни пејачки на овие простори. Дури и на 60 години, Брена ги воодушевува сите со својот изглеед.

Многумина и завидуваат на витката фигура, меѓутоа последната фотографија која Брена ја постави на својот Инстаграм профил покажува дека ни таа не е во целост задоволна со својот изглед.

Имено, на фотографијата се гледа не баш професионално користење на Фотошоп кое разоткрива дека дури и Брена сака да го подобри својот изглед.

ВМРО-ДПМНЕ: Промените во ВМРО-ДПМНЕ не им се допаѓаат само на Заев и хотелската коалиција

Новите одлуки на Централниот комитет на ВМРО-ДПМНЕ единствено не им се допаѓаат на Заев и хотелската коалиција која одработува за него.

Не ни очекуваме да ги поздрават одлуките, затоа што тие се насочени кон победа над мафијата и организираниот криминал на власта.

За разлика од Заев кој не најде сила за никакви промени по драматичниот пораз од 200 илјади гласови разлика во 2014 година и поразот во 2016 година, ВМРО-ДПМНЕ покажа сила за катарза и промени.

Центар за комуникации на ВМРО-ДПМНЕ

НАТО домаќин на петтата рунда технички преговори меѓу турската и грчката делегација

Во седиштето на НАТО пактот во вторник ќе се одржи петтата рунда на технички преговори меѓу турската и грчката воена делегација, изјави Хулуси Акар, министерот за одбрана на Турција, пренесе „Анадолија“.

-Ни сме, се разбира, за мир, стабилност, преговори и дијалог. Ги подржуваме преговорите, но нема да дозволиме било какови свршен чин- рекол Акар на видеоконференцијата на која присуствувале турските генерали.

Техничките преговори имаат за цел намалување на ризикот од инциденти во екот на растот на тензиите во источниот Медитеран.

Одржувањето на технички состаноци меѓу турските и грчките воени делегации е договорено по неодамнешниот разговор на турскиот претседател Реџеп Таип Ердоган и генералниот секретар на НАТО Јенс Столтемберг.

Првиот технички состанок на турските и грчките воени делегации беше одржан на 10 септември, исто така во седиштето на НАТО.

Акар повтори дека Турција е одлучна и способна да ги заштити правата и интересите и на Турција и на Турската Република Северен Кипар во истокот на Медитеранот.

Грција ги оспорува моменталните активности на Турција околу енергетското истражување во источниот Медитеран.

Турција, земјата со најдолгиот брег на Медитеранот, прати наменски бродови за извршување на енергетски истражувања во својот континентален појас, велејќи дека Анкара и Турската Република Северен Кипар имаат права во тој регион.

Од дијалогот за праведната распределба на ресурсите, корист ќе имаат сите страни, истакнуваат турските власти.

притисни ентер