Американците објавија извештај во кој тврдат дека Русите ја купиле организацијата на СП во 2018

Министерството за правда на САД објави извештај во кој се докажува дека поранешниот претседател на ФИФА, Сеп Блатер добил мито од руски олигарх за да ја добие Русија организацијата на СП во фудбал во 2018 година.

Русија ја доби организацијата пред Англија, комбинираната понуда на Холандија и Белгија и Шпанија и Португалија. Во 2010 година беше избрана Русија.

Претходно биле пријавени можни проблеми со корупција, а се претпоставува дека Катар на сличен начин го добил и домаќинството на Мундијалот 2022 година.

Извештајот од 430 страници беше објавен вчера како дел од истрагата на ФБИ за претседателските избори во САД во 2016 година, во кој има и извештај поднесен од поранешниот член на британската тајна служба Кристофер Стил, кој тврди дека руски олигарх со мито ја купил организацијата на натпреварот.

„Во јуни 2011 година, Стил достави извештај во кој се сумира наводниот разговор помеѓу тогашниот руски претседател Дмитриј Медведев и премиерот Владимир Путин, во кој Путин призна дека неименуван руски олигарх го купил Светскиот куп во 2018 година“, се вели во документот објавен од Министерството за правда на САД и продолжува:

"Потоа, во 2012 година, Стил го запознал ФБИ со двајца британски оперативци кои имале информации за митото. По интервјуто, тие беа во можност да стигнат до член на организација блиска до Путин и Кремљ, кои потврдија дека е купен Светскиот куп", се заклучува во еден дел од извештајот.

Поранешниот претседател не е именуван, но јасно е дека тој е Блатер , затоа што тој беше претседател на ФИФА во тоа време, од чиј врв се повлече поради скандал со корупција.

Тој доби шестгодишна забрана за контакт со фудбалска организација или екипа, а со него падна и Мишел Платини, кој доби четиригодишна суспензија.

Хрватска по шок- продолжетоци ја победи Норвешка и влезе во финалето на ЕП

Хрватска со 29:28 ja победи Норвешка во крајно драматичен натпревар и по одиграните продолжетоци.

Со голот на Муса во последната секунда од продолженијата , Хрватска успеа да се избори за пласман во финалето во недела.

Хрватска славеше против Норвешка во Стокхолм и го обезбеди финалето на Европското првенство во ракомет по четири продолженија. Тоталното лудило во Стокхолм кулминираше по голот на Муса во последните секунди на натпреварот.

Ова беше особено тежок натпревар за избраниците на Лино Червар, бидејќи Норвешка до овој натпревар беше единствената репрезентација без пораз на Европското првенство. Предводена од најдобриот играч на светот, Сагосен убедливо ги освои двете групи во кои играа, додека непоразената Хрватска заврши зад Шпанија поради полошата гол-разлика.

Сепак, тоа не беше доволно да ги совладаат Хрватите, кои сега имаат најмалку сребрен медал и обезбедено место во финалето во недела.

Надал удри девојче со топче по главата , па и се извини и ја бакна (ВИДЕО)

Рафаел Надал лесно го совлада Фредерик Делбонис (6-3, 7-6, 6-1) за да се пробие во третото коло на Австралија опен.

Сцените од натпреварот во Австралија го обиколија светот поради едно девојче, кое собираше топки и реакцијата на Рафа по форхендот што заврши таму каде што не треба. Шпанецот ја удри топката точно во малото девојче кое стоеше близу до линијата на теренот, а таа храбро остана на нозе, не покажувајќи дека ја боли. Доволно е да се замисли болката од ударот на Рафаел Надал, но девојчето сепак стоеше со солзи во очите. Надал дојде до неа и ја бакна во образ.

„Се исплашив за неа. Топката беше брза. Таа е супер храбро девојче. Ова беше еден од најстрашните моменти во мојата кариера. Ја удрив директно во главата. “, рече Рафа по победата што го доведе до натпревар против сонародникот Карен Буста, минатогодишниот финалист на Австралија опен.

Таткото на УФЦ борецот Хабиб: Без 100 милиони долари нема реванш

По успешното враќање на Конор Мек Грегор во рингот, повторно се појави прашањето за можен реванш против Хабиб Нурмагомедов за титулата на УФЦ во лесна категорија.

Мек Грегор го нокаутира Доналд Церон по само 40 секунди во првото коло и најави дека по победата сака да биде победник на натпреварите против Тони Фергусон и Хабиб Нурмагомедов.

Хабиб и Мек Грегор се бореа на 6 октомври 2018 година, кога Хабиб победи со гушење. Пред натпреварот Мек Грегор го навреди Кабиб на верска основи, го спомна неговото семејство, а Дагестанецот го сфати тоа  лично и по победата отиде во пресметка со целиот ирски тим. Тој скокна од кафезот и започна тепачка, по што заработи повеќемесечна суспензија.

Тој подоцна изјави дека нема намера повторно да влезе во ринг со Мек Грегор, но ако го прашате неговиот татко Адбулманап, постои еден начин како овој реванш да се случи.

„100 милиони американски долари. Без тоа, нема борба. За мене парите не се важни, тоа е спортската страна, но вредната спортска страна на борбата Кабиб - Тони“, рече Нурмагомедов постариот.

притисни ентер