Од 2025 почнува акцијата за чистење на вселената

Европската вселенска агенција (ESA) од 2025 планира да го лансира првиот роботски собирач на отпад во вселената.

Иако мисијата ClearSpace-1 ќе чини 120 милиони американски долари ќе собере само дел од отпадот , па сепак ЕСА се надева дека ќе го отвори патот за глобалната кампања за чистење на нашата орбита, пренесува „Гардијан“.

Јан Ворнер, директор на ЕСА, повика на воспоставување нови правила при испраќање на идните сателити што ќе ги принудат оние што ги лансираат да преземат одговорност за отстранување од орбитата откако ќе престанат да функционираат.

„Замислете колку опасно би било да се движите низ отворено море, доколку досега биле оставени сите бродови што веќе не се функционални“, изјави Ворнер.

„Така сега изгледа во нашата орбита и не можеме да дозволиме да остане на овој начин“, додаде тој.

Во последните 60 години илјадници тони ѓубре се акумулирале во Земјината орбита, вклучувајќи делови од стари ракети, околу 3.500 нефункционални сателити и околу 750 000 помали фрагменти.

Фрагментите обично орбитираат со брзина од 20,000 км на час.

ЕСА се согласи за финансирање на оваа мисија за време на состанокот на Space19 + во Севилја, Шпанија на крајот на ноември.

ClearSpace-1 ќе се обиде да ги отстрани од нашата орбита парчињата остатоци наречени Веспа оставени во орбитата од вселенското летало на EСА, Vega во 2013 година. Отпадот од Веспа тежи околу 100 килограми и е со големина на мал сателит, а го избра ЕСА затоа што има едноставна форма и цврста конструкција, што треба да го олесни фаќањето.

Сондата ClearSpace треба да ја фати Веспа користејќи ги своите четири роботски раце и заедно со отпадот да се нурне во нашата атмосфера и да изгори.

Во Велес средба на Американската амбасадорка Брнз со градоначалникот Аце Коцевски

 Градоначалникот на Општина Велес, Аце Коцевски денеска оствари работна средба со амбасадорката на Соединетите американски држави во земјава Кејт Мари Брнз.

Како што информираат од Кабинетот на градоначалникот. средбата претставувала исклучителна можност за размена на идеи и можности за подобрување на долгогодишната соработка помеѓу Општина Велес и Амбасадата на САД.

Тие разговарале и за предизвиците со кои се соочуваат општините, за ресорите на системот на локална самоуправа и за продолжување на процесот на децентрализација на власта.

Воедно Коцевски се заблагодари на амбасадорката за искажаната загриженост во врска со штетите предизвикани од невремето што минатиот викенд зафати делови од територијата на Општина Велес.

Тие, воедно разговарале и за тоа колку за Општината е важно вложување во и реализација на проекти кои се иновативни и кои вклучуваат современи технологии.

Од двете страни било афирмирано долгорочното пријателство помеѓу двете земји и поддршката која САД ја дава преку својата Амбасадата во земјава на Општина Велес.

Градоначалникот Коцевски, меѓу другото, информирал и за тековната состојба на локалната економија и предизвиците со кои Општина Велес се соочува поради актуелната ситуација со Ковид-19 кризата.

Тој посочил дека општината и во услови на пандемија не застанува со реализација на проектите кои се од исклучително значење за подобрување на животот на сите жители на општина Велес, посочувајќи ги приоритетите на општината за тековната, и за следната година.

Најден жив исчезнатиот Ѓорѓи Дервишовски-Гоче од Тетово

Изутрината околу 6:30 часот е најден жив 62 годишниот Ѓорѓи Дервишовски-Гоче, кој вчера беше пријавен за исчезнат од неговиот брат. 

Ѓорѓи бил најден во блиина на железничката пруга по дојава од тетовчанец до братот Ристо.

– Откако беше објавено по медиумите дека е исчезнат брат ми, околу 21 часот ми се јави млад човек кој живее касарната и ми кажа дека смета дека го видел Ѓорѓи кај 18 часот кај железничката станица. Ми опиша како е облечен и така утврдив дека навистина го видел брат ми. Со еден сосед го баравме околу станицата до полноќ, но не го најдовме. Утринава околу 6 почнав пак да го барам. Долж пругата одев и викав по него Гоче, Гоче, па му го слушнав гласот како вика тука сум, тука сум, раскажува неговиот брат Ристо.

За причината како се изгубил Ѓорѓи, Ристо не може да утврди бидејќи од март месец поради здравствени проблеми и слабо зборува. Ристо исчезнувањето го пријави вчера во 19 часот откако 24 часа го немаше видено Ѓорѓи, па денеска во СВР Тетово известил и дека го нашол.

Соопштение за јавност од Еуролинк осигурување АД Скопје

Во врска со тековните случувања поврзани со Еуростандард банка, а со цел правилно информирање на нашите клиенти и соработници, Еуролинк осигурување потврдува дека нема никаква капитална или друга поврзаност со Еуростандард банка.

Еуролинк осигурување АД Скопје од 31.03.2020 е во 100% сопственост на Grazer Wechselseitige Versicherung AG (GRAWE Group) со седиште во Грац, интернационална компанија со осигурителна традиција долга повеќе од 190 години. Оттука, сакаме да ги информираме сите наши осигуреници и соработници дека одземањето на дозволата за работа на Еуростандард банка нема и ниту ќе има ефект врз нашето работење.

Еуролинк осигурување изнајмува деловни простории во сопственост на Еуростандард банка, каде е сместена нашата Централа, и истата продолжува да работи без прекин и пречки, секој работен ден од 08:00 до 16:00 часот.

За сите дополнителни информации за осигурениците на Еуролинк осигурување на располагање стои нашиот Контакт центар достапен 24/7 на 02/15888, а за дополнителни информации за јавноста достапни сме на [email protected]

притисни ентер