Османи: Законот за јазици нема се менува

Законот за јазици нема се менува, исто како и Преспанскиот и договорот за добрососедство – тврди вицепремиерот Бујар Османи.

Османи најави акциски план за спроведување на забелешките од Венецијанската комисија, за двојазичност во судските постапки сепак да има.

Тој се дообјасни и за неговата изјава дека ако се отвори законот ќе се вратиме во периодот пред воениот конфликт – Османи вели дека пред 2001 година се носеле еднострани одлуки, а сега, според него, државните прашања се решаваат со консензус.

Власта ја загрозува европската перспектива на земјава со непочитување на препораките за Законот за јазици– обвинуваат од ВМРО ДПМНЕ. Пратеничката група на опозициската партија ги подготвува амандманите за измени на законот, кои според најавите ќе бидат поднесени пред распуштање на Собранието. Ги повикаа и пратениците од власта да гласаат за нивните предлози.

Вчера Венецијанската комисија и официјално го објави мислењето за овој закон. За идејата за двојазични униформи и банкноти упатија критики дека е надвор од европските рамки, но фокусот на забелешките им е за двојазични судски постапки, кои според комисијата е нереална правна обврска.

Шилегов: Во Вардариште не се депонира нов отпад, туку се врши негова примарна обработка и се носи во Дрисла

Проблемите настануваат од долгогодишното несоодветно место и несоодветен начин на депонирање повеќе децении на комуналниот отпад. 

Депонијата Вардариште била во интензивно користење за фрлање на комуналниот отпад на Град Скопје од 1997 година, кога се отвора капацитетот Дрисла, и тоа што де факто се случува таму сега е всушност распаѓање на тој депониран комунален отпад што е потенцијален сериозен еколошки проблем за Град Скопје. Градот и „Комунална хигиена" тоа што во моментот го работат на Вардариште е дека таму има еден капацитет на претоварна станица каде се носи ѓубриштето во тој дел на градот, се врши примарна селекција, се истовара во возила и се носи во Дрисла, што значи дека нов комунален отпад не се генерира, туку се врши примарна негова обработка и се носи во Дрисла.

Ова денеска во изјава за медиумите го нагласи градоначалникот на Град Скопје Петре Шилегов по брифингот со новинарите за поранешната депонија Вардариште и проблематиката што постои таму и со која се соочува Градот, но и граѓаните кои живеат во непосредна близина.

– Проблемите настануваат од долгогодишното несоодветно место и несоодветен начин на депонирање повеќе децении на комуналниот отпад. Во непосредна близина на самата локација постојат три правни субјекти кои управуваат со отпади, а кои како институции се под исклучива надлежност на Министерството за животна средина и просторно планирање (МЖСПП) и Државниот инспекторат за животна средина, односно градот ја нема ингеренцијата да може да ги инспекторира или да изрече било каква санкција доколку истите несоодветно ја извршуваат својата дејност, иако ги мониторираме. Ги мониторираме од иста причина што нашите инспекциски служби се таму присутни заради постоењето на три диви населби, на неформални преработувачи на ѓубре, кои како такви ги санкционираме. Инспекцискиот надзор во последниве две години е зголемен за 300 проценти за разлика од минатото, посочи Шилегов.

Информира дека Градот во меѓувреме има изработено студија за целосна санација на Вардаршите, за целосна заштита на тој локалитет.

– Според таа студија која ја имаме направено да се изврши една примарна заштита на тој простор со технологиите кои се познати, потребно е за примарната некаде околу 25 милиони евра, а за целосна санација некаде околу 40 милиони евра средства кои Град Скопје за жал ги нема на располагање . Веќе имаме разговори со дел од претставниците на ЕУ тука, но мислам дека како проблем, како начин на решавање ќе мора и МЖСПП да партиципира со цел потенцијална опасност за животната средина во Скопје понатаму да нема. Тоа што ние го правиме е таму да се инсталирани т.н. подземни шипки, одводи, за метанските гасови кои се создаваат долу да не претставуваат евентуална еколошка опасност, додаде Шилегов.

Синоќа убиен 49-годишен жител на Инџиково пред три члена од семејството

Грабеж или нерасчистени долгови, синоќа ладнокрвно  егзегутиран 49 годишниот И.А.  од скопско Инџиково. 

Според наводите на министертството за внатрешни работи, две маскирани и вооружени лица некаде пред полноќ влегле во неговиот дом, барајќи пари од убиениот, а според пријавеното, откако им кажал дека нема пари, едното лице пукало во него. Убијците веднаш го напуштиле местото на злосторството, а по истите се трага.

-М.Н. пријавила дека во двор од куќата во селото Инџиково, скопско, при расправија на две лица со нејзиниот сопруг 49-годишниот И.А. едното од нив со пиштол пукало во него. Лекар од Итна медицинска помош констатирал смрт, а увид на местото извршила екипа од СВР Скопје. –МВР.

Истрелот некаде пред полноќ го слушнале и соседите кои од безбедносни причини не сакаа да говорат пред камерите, но сепак позади објективот просведочија за ситуацијата која ги вознемирила во доцните ноќни часови. еден од соседите исплашен од истрелот веднаш истрчал надвор, а по повикот на сопругата на убиенот отишол и во нивниот дом во обид да го спаси животот на соседот.

-Беше некаде меѓу 22 часот и триесет минути. и 23 часот, го слушнав истрелот и веднаш истрчав од мојот дом, но бев уплашен за да одам натаму, стравувајќи за мојот живот. Пет минути по истрелот кај нас дотрча неговата сопруга, барајќи помош. Повикавме полиција и брза помош, а воедно отидов и во куќата да помогнам, и доколку можам нешто да направам човекот да се спаси. Но кога стигнав таму, видов дека соседот е веќе починат со прострелна рана во главата, сликата беше необјасниво вознемирувачка, - сосед на убиениот.

Тивко било како и сега кога соседите го слушнале истрелот кој свирепо го егзекутирал 49 годишниот скопјанец, кој во моментот бил во куќата позади мене на вториот кат.

Соседот не информираше дека убиениот, кој во моментот бил со уште три члена од семејството, го понудил својот џип, скапиот часовник и мобилен телефон, да си го спаси животот бидејќи немал пари, но еден од маскираните лица го застрелал. Соговорникот на Канал 5 потврди дека ваквата ситуација ја пренеСла сопругата на убиениот.

За луѓето во околните куќи застреланиот важел за добар човек, со развиен бизнис во градежништвото. Тој имал уште една куќа во Инџиково во која живеел, а во куќата каде што бил застрелан, доаѓал повремено бидејќи чувал дел од опремата со која работел. Соседите велат дека досега не забележале нешто невообичаено да излезе од ова семејство.

Продолжуваат разговорите меѓу СДСМ и ДУИ за формирање влада

 ДУИ денеска соопшти дека разговорите за формирање владина коалиција со СДСМ продолжуваат и дека се одвиваат на различни партиски нивоа.

-Потврдени се принципите врз кои ќе се заснова следната влада, и тие и беа соопштени на јавноста неколку пати. Се подготвуваме за следните чекори, како што се изработката за детална програма за работа и дефинирање предлози со соодветни, подготвени, чесни и способни кадри, се посочува во соопштението од ДУИ.

Нивните уверувања, како што се наведува, се дека овој пристап ќе доведе до конечен договор и

Влада со целосен четиригодишен мандат која ќе биде изгласана во Собранието, ќе им служи на сите граѓани подеднакво и ќе продолжи партнерството со евроатлантските сојузници.

Вчера попладне тричасовна средба имаа лидерите на ДУИ Али Ахмети и на СДСМ Зоран Заев, која беше оценета во заедничкото соопштение како конструктивна и продуктивна на која биле постигнати основи за напредок кој води до коалиционен договор за нова, европска Влада посветена на европските интеграции, на економијата, еднаквоста и на владеењето на правото. На средбата присуствувале и генералните секретари Љупчо Николовски и Артан Груби.

Во соопштението беше најавено дека разговорите меѓу двете партии ќе продолжат во текот на викендот на ниво на генерални секретари.

Работната средба се одржа по доделувањето на мандатот на Заев од страна на претседателот на државата Стево Пендаровски за составување Влада со четиригодишен мандат

притисни ентер