Две престижни признанија за „Медена земја" на Интернационалните документарни награди ИДА во Лос Анџелес

Документарецот „Медена земја" освои две престижни признанија на 35. Интернационални документарни награди ИДА, што се одржаа вчеравечер (7 декември) во студијата на „Парамаунт" во Лос Анџелес.

На најпрестижниот светски настан посветен на документарниот филм, кој е во организација на ИДА (Интернационалната документарна асоцијација) режисерот Љубо Стефанов и снимателот Фејми Даут ги примија: признанието „Pare Lorentz" („Паре Лоренц") и наградата за најдобра кинематографија.

Наградата „Паре Лоренц" на ИДА се доделува „за пример за филмско снимање, со истовремено фокусирање на соодветната употреба на животната средина, правда за сите и откривањето на социјалните проблеми". Македонскиот документарец беше номиниран во уште две категории: за најдобар филм и за режија.

Вчеравечер во Берлин, Германија, пак, се одржа и свеченото доделување на „Европските филмски награди", кои ги доделува Европската филмска академија. „Медена земја" беше номиниран во категоријата за најдобар европски документарец за 2019 година.

Во меѓувреме нашиот документарец доби уште неколку номинации и признанија на престижни интернационални филмски фестивали. „Медена земја" е македонски кандидат за „Оскар" за најдобар интернационален филм. Номинациите за „Оскар" ќе бидат соопштени на 13 јануари 2020 година.

Заев: Пратениците преку медиумите ќе дознаат дека сум го добил мандатот

Како актуелен пратеник, чиј мандат е верифициран, не добив покана за седница на Собранието денеска, а не доби ниту некој од 120 те пратеници во парламентот.

Нема ништо лошо што пратениците денеска преку медиумите ќе дознаат дека Зоран Заев го добил мандатот за состав на Влада, порача денеска лидерот на СДСМ и мандатар на доделувањето на мандатот од страна на претседателот Стево Пендаровски во вилата Водно.

Тој во одговор на новинарско прашање за ставот на претседавачот на Парламентот Талат Џафери дека претседателот на Собранието во рок од три дена треба да ги извести пратениците за овој чин, рече дека сега кога нема претседател, пратениците ќе дознаат од медиумите дека тој го добил мандатот и дека со тоа Џафери само сакал да си ја заврши својата деловничка обврска.

– Како актуелен пратеник, чиј мандат е верифициран, не добив покана за седница на Собранието денеска, а не доби ниту некој од 120 те пратеници во парламентот, туку имаше соопштено најава за подготовка на евентуална седница, веројатно во консултации со стручни луца е донесено одлука да не се одржи таа седница. Но слушнавме дека службите добиле насока за подготовка на седницата, која еве до овој момент не е закажана таква седница и верувам дека нема да има таква седница бидејќи преговорите продолжуваат, рече Заев и додаде дека од денеска течат дваесетте дена за мандатарот да формира влада.

Претседателот на СДСМ Заев на Талат Џафери му честиташе внук и рече дека децата, внуците и семејството се вистинските вредности, сето друго што го работат е минливо но треба да се опстои на тоа.

Заев и Ахмети денеска ќе ги продолжат разговорите за владина коалиција

Претседателот на СДСМ Зоран Заев по примањето на мандатот за составување влада рече дека денеска ќе има средба со претседателот на ДУИ Али Ахмети за да ги продолжат разговорите. 

Соопшти дека имаат успех во многу аспекти, но и прашања кои сè уште не им се затворени, а кои се, како што рече, поприлично сериозни прашања. За деталите, рече, не би разговарал зашто преговарачкиот процес така ќе стане медиумски и нема да биде од помош.

– Се обидуваме да ги дадеме сите можни информации сè до онаму до каде нема да нарушиме какви било перспективи на успешен преговарачки процес. Но, веднаш кога ќе направиме успех и исчекор, тоа ќе го соопштиме. Секако, се надевам на успех заради тоа што граѓаните нè определија, ни дадоа насоки кој со кој да преговара и редот треба да се испочитува. Во демократијата – граѓаните кажуваат кој со кој треба да седне прво да ги направи сите можни напори. Но, како што реков, опциите постојат. На крајот на денот, нашата земја Република Македонија треба да има влада час поскоро, за да може да се зафати со предизвиците од пандемијата, но и со сите домашни предизвици, па и меѓународни, мислам на преговарачкиот процес со ЕУ, Берлинскиот процес којшто следува итн., изјав Заев одговорајќи на новинарско прашање.

Рече дека според уставната одредба по доделувањето на мандатот во рок од 20 дена треба да се направи обид за формирање влада и токму овие 20 дена, како што рече, „се нашиот мегдан да успееме да формираме влада, а со тоа да обезбедиме и парламентарно мнозинство најмалку од 61 пратеник".

-Секако, за стабилна влада тоа значи секоја бројка повеќе којашто ќе поддржи програма, кадри, кандидати би била сериозна, голема гаранција за стабилноста на Владата. Нашата амбиција е четири години, затоа што очекуваме дека после НАТО-членството, почеток на преговорите со ЕУ, важно е за делегацијата и сите професионалци од ЕУ со коишто ќе преговараме да знаат дека имаат предвидливост со четири години, но пред се и над се е важно за домашната економија, за деловниот сектор и за граѓаните. Тоа ќе не стави во состојба како држава да имаме само едни избори, тоа се 2021 година локалните, 2022 и 2023 немаме избори, во 2024 се претседателските и парламентарните избори. Реално, имаме одличен мегдан за работа, истакна Заев.

Арсовски: Преку универзалниот снабдувач и државата, струмичката агенција за обезбедување земала неверојатни над 21 милион евра,

Преку универзалниот снабдувач и државата, струмичката агенција за обезбедување земала неверојатни над 21 милион евра, затоа граѓаните плаќаат повисока цена на струјата.

Вчера отворивме случај каде што приватна компанија за обезбедување од Струмица има сомнеж дека испумпува пари преку државни институции за семејството Заеви, за што всушност е и зголемена и цената на електричната енергија, и сето ова го плаќаат граѓаните.

Покрај универзалниот снабдувач, агенцијата за обезбедување преку која постојат сомнежи дека се испумпуваат парите од профитот кој истиот универзален снабдувач го остварува заради поголемиот процент кој му го продаваат државните претпријатија по повластена цена, оваа агенција за обезбедување има склучено и други договори за обезбедување со други државни претпријатија кои што се под капата на СДСМ и семејството Заеви.

Имено, ова е шемата и начинот за испумпување на државните пари и парите на граѓаните, на конто на семејството Заеви, за да се богатат тие самите и да имаат пари во кеш, црни пари за да можат да вршат поткуп. И сето тоа на штета на граѓаните, односно го плаќаат граѓаните.

Да сумираме, од ЕВН и државните институции и претпријатија, агенцијата за обезбедување добила тендери во вредност од над 21 милион евра. Сега веќе се јасни бизнис релациите на Заеви со приватната агенција за обезбедување, која пак е нивни параван и јасен начинот и сумите за испумпување пари на граѓаните во семејството Заеви и СДСМ.

Да ги чуеме сега институциите преку кои се отвора сомнеж дека оваа приватна агенција за обезбедување испумпува пари од нив за семејството Заеви.

Општина Ѓорче Петров на 18.06.2020 година склучила договор во висина од 11.795.280,00 денари, на која ова и е втор договор со истата агенција.

Општина Аеродром платила 7.079.929 денари за договор за обезбедување склучен на 31.12.2019 година, односно на денот на Новата година.

Корисник на услугите на оваа агенција е и Петре Шилегов, кој преку Град Скопје склучил договор во вредност од 11.999.995 денари на 01.08.2019 година, на кој исто така му е втор договор со оваа агенција, а првиот бил склучен на 19.09.2018 година и бил со висина од 7.680.034 денари.

Пари оваа агенција земала и од Струмица гас, фирмата благодарение на која што Струмичани плаќаат најскап гас во светот, од каде што инкасирале 1.178.454 денари со договор склучен на 03.04.2020, а и претходната 2019 година инкасирале 1.180.000 денари или вкупно околу 2.5 милиони денари.

Како корисници на услугите се јавуваат и општина Струмица од каде што потекнува истата агенција и Зоран Заев, Катастарот на недвижнини, ЈП Нискоградба Битола и други државни институции или претпријатија во државна сопственост.

Додека парите кои ги земале од универзалниот снабдувач во висина од 16.707.030 евра. Се поставува логичкото прашање која е потребата и за што за обезбедување кај универзалниот снабдувач, за да се отвори потреба во период од 2 години кон оваа приватна агенција за обезбедување да се исплати приближно 17 милиони евра.

Логички се и сомнежите дека на тој начин всушност се испумпуваат пари, но и дека цената на струјата се поскапува за овој начин на испумпување на пари да продолжи, а сето тоа да го платат никој друг освен граѓаните на Република Македонија. Истото е и со гасот во Струмица во однос на Струмичани, како и со сите останати давачки кои што граѓаните ги имаат кон државата, кои изминативе 3 години значително се покачени, а Заеви ги испумпуваат преку параван приватна агенција за обезбедување со цел да завршат во нивните џебови.

Ова е сериозен случај за ревизија на сите овие тендери кон оваа приватна компанија, но не очекуваме дека институциите под водство на Заев ќе покренат нешто, затоа граѓаните сами нека ценат каде завршуваат нивните пари, односно парите од покачувањето на сите давачки.

Димче Арсовски, Портпарол на ВМРО-ДПМНЕ

притисни ентер