Лепа Брена и Боба слават 28 години брак

Лепа Брена, една од најпопуларните пејачки на Балканот, слави 28 годи брак со Боба Живоиновиќ.

Пеачката открива дена ниту оваа година нема да има гламурозна прослава.

-Ние тоа го прославуваме многу лесно и едноставно. Сакам сите деца да се со нас, со нивните девојки и сопруги. Отвораме шише шампајн, седиме и се дружиме. Без многу гламур, објаснува Брена.

Балканската дива појаснува и дека цел декември во нејзиниот дом владее празнична атмосфера.

-Декември е месев во кој навистина имаме многу обврски. Особено оние обврски кои луѓето не ги гледаат а тоа е да имате некаква комуникација со своето семејство. Затоа што на нашите деца им се потребни мајките во декември. Моите деца пораснаа па тие мене многу повеќе ми помагаат отколку јас на нив, Многу сум среќна оваа година, затоа што јас и Боба славиме 28 години брак. Славиме годишнина, изјавила Брена.

Популарната пејачка на својот Инстаграм профил објави и снимка од венчавката.

-И така ние 28 години. Не е ништо страшно. Среќна жена. Јас немам друг дом, напиша Брена.

Попладнево протести во 6 градови во Македонија против покачувањето на струјата

Скопје, Тетово, Гостивар, Струга, Дебар и Кичево денеска излегуваат на протест против поскапувањето на струјата. 

Се бара поништување на одлуката за повисоки сметки, поевтинување на струјата за 46%, распуштање на Регулаторната комисија за енергетика, намалување на ДДВ-то од 18 на 5%....

Претходно, првиот човек на Регулаторна, Марко Бислимовски истакна дека поскапување ќе има, бидејќи во спротивно енергетските компании би работеле со загуба, а доколку тие се откажат од предлогот за покачување на сметките и работат со повисоки трошоци, одлуката ќе се поништи. Таква најава нема. Тој предложи и Владата да амортизира дел од ударот, а неговиот став денеска го поддржаа и од Секретаријатот на Енергетската заедница.

„Интерес и обврска на Владата е да обезбеди заштита на потрошувачите и да ги разгледа можностите да се намали ударот од зголемената цена на електрична енергија за граѓаните кои се директно погодени од корона кризата. Треба да се разгледа можност да се воведе привремена мерка која ќе значи проширување на опфатот на лица кои ќе влезат во групата за субвенционирање на сметки со вклучување на граѓани кои се директно економски погодени од здравствената криза, на пример оние граѓани кои имаат останато без примања.“– Јанез Копач – директор на Секретаријатот на Енергетска заедница.

Копач додаде и дека поскапата струја нема да влијае на покачувањето на цените на производите.

Со ваквиот став не се согласуваат синдикатите. Од ССМ неодамна соопштија дека товарот ќе падне врз обичните граѓани и побараа од Економско-социјалниот совет да ги покачи линеарно платите и пензиите исто така за 7,4%. Нивните барања до моментов не се исполнети, а в понеделник ќе се сретнат со Бислимовски, каде неофицијално, ќе побараат замрзнување на одлуката до крај на епидемијата.

Од ЕЛЕМ и ЕВН нема најави за повлекување на барањето за поскапа струја, а токму пред подружниците на ЕВН се очекува да завршат дел од протестните маршеви. Две возила на компанијата вчеравечер во Тетово беа запалени, полицијата експресно го пронајде сторителот, а од ЕВН велат дека ќе преземат мерки за заштита на вработените и имотот.

Пензионерите и корисниците на социјална помош најзаинтересирани што по пропаста на банката

И денеска дворовите на Еуростандард банка ги посетуваат дел од нејзините коминтенти. 

Претежно пензионери и корисници на некои од социјалните трансфери со низа прашалници за тоа каде од идниот месец и на кој начин ќе ги добиваат своите средства.

Повеќе за ова од Катерина Капкоска. Што треба да направат овие луѓе за да немаат застој во исплатата?

Низа нејаснотии лебдат во воздух по затворањето на Еуростандард банка за граѓаните кои ги користеа нејзините услуги.

Се жалат дека не можат да се префрлат во друга банка бидејќи им бараат исписница од ЕУРОСТАНДАРД.

Канал 5 и денеска пред вратите на Еуростандард можеше да забележи граѓани кои доаѓаа по одговори. Повеќето не сакаа да зборуваат, но се жалат дека останале затечени и не знаат каде да се обратат. Меѓунив и овој пензионер.

Од Народната банка потврдија дека граѓаните се соочиле со проблем, но уверуваат дека тој е веќе надминат, и нема повеќепотреба да приложуваат дополнителни документи.

Директорот на Фондот за пензиско Шаип Зинели, за Канал 5 вели дека пензионерите кои своите пензии ги земале од Еуростандард, немаат обврска да одат во ПИОМ или да поднесуваат дополнителни документи. Објаснува дека единствено треба да си отворат сметка во друга банка, и самата таа ќе го извести Фондот.

Пензионерите имаат рок до 21-ви месецов, да одберат друга банка.

Додека пак корисниците на социјална помош, детска заштита и згрижувачките семејства, најдоцна до 25ти месецов треба да користат, односно отворат трансакциска сметка во друга банка, но немаат потреба да одат во центрите за социјална работа за да земат социјален број, но задолжително треба да гоизвестатвработеното лице во банката дека добиваат прилив по овој основ.

Истокот и западот во „војна“ која вакцина против корона ќе биде поефикасна

Истокот и западот во „ војна“ за тоа која би била поефикасна вакцина против коронавирусот. 

Додека Светската здравствена организација ја оспорува руската вакцина велејќи дека истата не е меѓу деветте што се во напредни фази на тестирање, дваесетина земји веќе бараат да ја купат.

Познато е и кој е првиот човек од Балканот кој ќе прими доза „Спутник“. Станува збор за раководител на катедра во руски универзитет, лекар специјалист од Црна Гора, кој е сигурен дека вакцината е безбедна.

-Апсолутно е безбедна, направени се истражувања врз животни, култури, мајмуни. Откако резултатите се потврдија како позитивни, се мина на истражување врз луѓе, а според руските закони вакцината може да се регистрира, а дури потоа да се спроведе третата фаза, односно, тестирање на 2000 заболени. Засега, не постои повод за сомнеж дека оваа вакцина не е ефикасна или има некои несакани последици.Јас ќе се вакцинирам со сигурност, на почетокот на октомври, како здравствен работник треба да ја добијам оваа вакцина. А со антителата кои ќе ги добијам преку неа мирно ќе можам да дојдам во Црна Гора, вели д-р Сергеј Болјевиќ - Раководител на катедра при Универзитетот „Сеченов“.

Додека на Балканот се поприсутни се изјавите на лекарите што сметаат дека руската вакцина е добра, бројни се сомнежите изразени од експерти од САД за ефикасноста на „Спутник“

-Кога ќе слушнете информации за развој на вакцина во Русија и Кина, секогаш мора да знаете дека во тие земји безбедносните стандарди се разликуваат од тие во Соединетите Американски Држави,изјави Ентони Фаучи - Епидемиолог.

Во меѓувреме, Европската комисија објави дека резервирала до 400 милиони дози на потенцијална вакцина против коронавирус, којашто ја развива американската корпорација „Џонсон и Џонсон“. Пристап до вакцината кога ќе завршат целосните истражувања, ќе имаат земјите членки на ЕУ.

Македонија е дел во Ковакс-механизмот со кој треба да се обезбеди рамноправен пристап до безбедни и ефективни вакцини, во сите земји што се дел од овој проект. Според македонското министерство за здравство, кога цел свет ќе има пристап до вакцина, ќе имаме и ние.

притисни ентер