Страшните пожари се приближуваат до Сиднеј – Пожарникарите немоќни (ВИДЕО)

Огромен пожар што пустоши на 60 километри северно од австралискиот град Сиднеј во моментов е толку голем што не може да биде изгаснат, предупредуваат пожарникарите.

Пламенот што опфаќа 300.000 хектари земја е само на еден час возење од најнаселениот град во државата. На жителите од областа им било советувано да се евакуираат, пренесува Би-Би-Си.

Од октомври, шест лица загинаа во пожарите низ Австралија и уништени се повеќе од 700 домови.

Пожарникарите денеска се борат да изгаснат скоро 150 пожари во државата Нов Јужен Велс, бидејќи силните ветрови ги разгоруваат и уште еднаш опасен чад го прекри Сиднеј, најголемиот град во Австралија.

Додека скоро 150 пожари горат долж источниот брег на Австралија, комесарот на Нов Јужен Велс, Шејн Фитсимонс, изјави дека властите се особено загрижени за осум пожари околу Сиднеј, каде живеат околу пет милиони луѓе.

„Тие имаат потенцијал и се очекува да се прошират на исток, што за жал зафаќа населени места, села, заедници, изолирани рурални области и земјоделски и деловни објекти низ целиот регион“, изјави Фицсимонс на прес конференција .

Неколку пожари северозападно од градот се соединија и создадоа голем фронт што се шири разгоруван од жешките и суви ветрови, рече тој.

Пожарите се вообичаени во Австралија, но годинашната сезона на пожари започна многу порано од вообичаеното со температури кои редовно се зголемуваат над 40 Целзиусови степени пред почетокот на летото и силен ветер.

Најголемите пожари во Австралија уништија илјадници домови во Викторија во февруари 2009 година, при што загинаа 173 луѓе, а 414 беа повредени.

Нуредини проговори македонски јазик

По една година и три месеци од преземањето на министерската фотеља Насер Нуредини прозборе на македонски.

Новинар: Албански зборувате скромно, македонски воопшто, дали се уште планирате да одржувате прес-конференции на јазик кој не е службен во земјава?

Нуредини: Благодарам за прашањето, ве разбирам многу добро. Можам да се изразувам многу добро, ако сакате да знаете. Се учам полека, нормално.“

По една година и три месеци од преземањето на министерската фотеља Насер Нуредини прозборе на македонски. Обраќањето беше кратко, рече дека јазикот се уште го учи и вети дека ќе зборува на македонски во иднина.

Денеска тој се обрати за да каже што се ќе направи во следните 4 години од мандатот. Наброја десетици закони и акциски планови, дел поднесени до Владата а дел кои допрва ќе се кројат.

Вели дека како министерство должност им е да креираат политики а не да нудат краткорочни решенија. На инспекторите, полицијата и функционерите од локалната самоуправа им порача да се фатат за работа за да може есенва да се дише почист воздух.

Справувањето со дивите депонии ќе биде долг и скап процес за што Нуредини побара трпение. Планот за регионална депонија во земјава, нешто што се дискутира години наназад, не се знае кога ќе се оствари.

Не само на ниво на земја, депониите и нивното палење се особено горлив проблем во Скопје. Откако шутот кај салата Борис Трајковски во понеделникот пламна во оган, денеска општина Карпош зема да го расчистува сметот. Градоначалникот Богоев побара од Спасовски да прати полицајци да дежураат за да не се повтори нова катастрофа.

Николовски: Директори што никој не ги знае нема да добиваат 180.000 денари плата

Функционерите нема да можат повеќе да се луксузираат со трошење државни пари. Вицепремиерот задолжен за борба со корупцијата Љупчо Николовски најави воведување ред и лимит на службените картички на функционерите.

Според него во следниот период преку анализа и систематизација треба да се изнајде унифициран начин за трошењето државни пари кој ќе важи за сите функционери.

Потребно е укинување на некои државни установи и институции кои се нефункционални. Има Јавни претпријатија чии директори земаат повисоки плати од премиерот и никој не ги контролира, вели Николовски.

Вицепремиерот уверува јакнењето на капацитетите на ДКСК, Државниот завод за ревизија и независните тела е клучно за борба против корупцијата.

Вицепремиерот ги повтори намерите за кратење на дискреционите права на министрите и останатите. За комплетирањето на третиот ешалон и директорски места Николовски кој е и председател на Комисијата за именувања во Владата останува на ставот дека почнувајќи од сега нема веќе да се избираат директори без план и програма за работа, а тоа уверува дека ќе важи и за функционерите на СДСМ, но и ДУИ. Николовски тврди ќе се бара квалитет, не задоволување на коалициски апетити.да се избираат директори без план и програма за работа

Заразеното дете од струмичката градинка не ги затвори останатите дома

Околу 20 отсто од вкупниот број на деца, кои се згрижени во шесте клонови на градинката „Детска радост" од Струмица, денеска не биле донесени од нивните родители откако вчера беше регистриран првиот случај на заразено петгодишно дете со Ковид-19.

Според директорот Васил Бубев, се забележува мало отстуство на децата, но тоа во многу мал дел е предизвикано од вчерашниот случај.

-Можеби има нешто, но по сите анализи ние дојдовме до заклучок дека во периодот во кој се наоѓаме сега, почеток на градинката, како и секоја година кога се почнува, ова е период на прилагодување на самите дечиња и јас мислам дека родителите ги имаат задржано децата дома токму од таа причина дека е период на прилагодување и веројатно, еве, следува викенд, па нашле начин да им бидат децата дома покрај нив, рече Бубев.

Додаде дека по вчерашниот случај 11 деца и тројца вработени се во изолација, но потенцираше дека детето не е заразено во градинката, туку од член на семејството и од понеделникот не доаѓало во градинка.

Тој истакна дека дека градинката продолжува да работи според утврдените протоколи и прописи./МИА

притисни ентер