Македонија

Јовевски ја презема одговорноста за вработените во СЈО

Државниот обвинител Љубомир Јовески очекува до крајот на декември да се распределат петнаесете истраги кои беа во надлежност на згаснатото СЈО, а ги презеде Основното јавно обвинителство.

Откако тие ќе бидат распределени се очекува обвинителите кои ќе бидат надлежни да продолжат со собирање на доказни материјали.

Досега беа распределени четири од вкупно 19 истраги, односно “Империја” за случајот за затајување данок во кој осомничен е бизнисменот Орце Камчев, “Актор” предмет кој се однесува за автопатот Демир Капија - Смоквица, “Поштенска банка” за перење на пари и предметот “Друмарина” случајот со патарините. Останатите предмети како и предистрагите кои беа преземени засега остануваат да седат во кутии, кои се сместени во објектот каде што беше СЈО.

Во меѓувреме по речиси три месеци по растурањето на СЈО и со разрешувањето на неговата шефица Катица Јанева, на дневен ред во Собранието за 11-ти декември се најдоа долго најавуваните измени на Законот за јавно обвинителски службеници со кои треба да се реши статусот на осумдесетината вработени во оваа институција. Предлогот доаѓа од пратеници на СДСМ и ДУИ, а со измените практично се овозможува Државниот обвинител Јовески да може да ги потпишува налозите за сите трошоци на СЈО за кои потписник беше единствено Јанева.

Но се додека не се пронајде решение, се трупаат долговите за изминатите три месеци во оваа институција, како што се платите на вработените во оваа институција, сметките за струја, парно, вода и кирија.

Од ВМРО-ДПМНЕ обвинуваат дека наместо одговорност за високите додатоци кои ги зеле обвинителите, но и вработени во СЈО, Владата пушта предлог закон со кој што СЈО преоѓа во рамки на Јавното обвинителство.

- Власта и ЈО се уште ги нема суспендирано обвинителите и полициските службеници кои земале илјадници евра од сметката на СЈО. И покрај излегувањето на аферата КЕШ во јавноста власта не презема конкретни чекори за милионската афера. Наместо одговорност денеска во Собранието, владата пушта предлог закон со кој што СЈО преоѓа кај молчаливиот РЈО Љубомир Јовески. Статусот на вработените во СЈО требаше да се реши со нов закон за јавно обвинителската сфера, истакна Наум Стоилковски портпарол на ВМРО-ДПМНЕ.

Стоилковски вели дека Власта на овој начин сака да го премости носењето закон за Јавнообвинителската сфера без консензус и договор со опозицијата.

Живот

Бебе од речиси една година плива и нурка како професионален ватерполист (видео)

Снимка што го одзема здивот.

„Таа веќе излегува од вода со сиот сјај на познатите спортисти“!

Во првите месеци од животот, бебињата инстинктивно рефлексно ја затвораат устата и го задржуваат здивот кога ќе се најдат под вода. Овој рефлекс се нарекува „рефлекс на пливање“ и им помага да преживеат во вода. Сепак, бебињата не нуркаат свесно како возрасните. Ако бебето случајно заврши под вода, неговиот природен рефлекс ќе го заштити од голтање вода.

Според експертите, бебињата би можеле да почнат да тренираат пливање некаде помеѓу четвртиот и шестиот месец, но тоа може да варира во зависност од индивидуалниот развој на детето и препораките на педијатарот. Важно е родителите да се консултираат со педијатар за да се уверат дека нивното дете е подготвено за оваа активност. Часовите по пливање за бебиња можат да бидат корисни за развивање на моторичките вештини, самодовербата кога се во водата и за јакнеење на врската помеѓу родителот и детето, бидејќи неретко еден од родителите е во вода со бебето.

Едно видео на кое едногодишно девојче плива, нурка, и стои на рацете од својот татко додека позира стана многу популарно. Но, начинот на кој тоа го прави е идентичен со оној на возрасните пливачи кои професионално се занимаваат со пливање.

Бебето без капа и очила за пливање стои на рацете од својот татко и скока главечки во базенот. Таткото кој е тренер, ни за момент не ѝ ги пушта нозете. Малото девојче се нурнува и потоа излегува плескајќи со рачињата. Потоа, грациозно застанува на рацете од својот татко, одржувајќи совршена рамнотежа и позира, па продолжува одново.

Снимката освоила 1.148.000 „лајкови“ на Инстаграм и мноштво коментари.

- Ми се допаѓа како си аплаудира секој пат кога ќе излезе од вода.

- Ова бебе страшно ме инспирира! Малите деца се толку слободни и амбициозни што би требало да учиме од нив како да ја прифатиме таа бестрашност и да се соочиме со препреките во зрелоста.

- Таа веќе излегува од водата со сиот сјај што го имаат познатите спортисти!

- Има целосна доверба во својот татко!

- Најубавото видео за пливање што сум го видел – коментираат корисниците на Инстаграм.

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

притисни ентер