Седница за автентичното толкување за аболицијата на Иванов нема пред 11 декември

Автентичното толкување на членот 11 од Законот за помилување нема да се најде на пленарна седница пред 11-ти декември, брифира претседателот на Собранието, Талат Џафери.

Собранискиот спикер за Канал 5 објаснува дека и законодавната комисија да достави предлог одлука, истата нема да се најде на дневен ред пред да заврши расправат по буџетот. Џафери е дециден дека без разлика на изјавите за итност од автентично толкување тој нема да свикува итна седница за оваа точка.

Претседателката на законодавната комисија, Соња Мираковска вели седница на Комисијата ќе закаже откако ќе го добие мислењето од Владата за барањето за автентично толкување. Мираковска не ја прејудицира одлуката на пратениците, но вели одлука дека членот 11 во суштина не постои повеќе ќе значи поништување на амнестиите даде од екс претседателот Иванов во 2016.

Лидерот на ВМРО ДПМНЕ вели остануваат на ставот дека ќе гласаат „за“, но чекаат одговор од СДСМ за предлогот истовремено да се донесе и закон за забрана на амнестија на политичари, а веќе амнестираните повеќе да не се занимаваат со политика.

Но, од СДСМ инсистираат на поддршка без дополнителни условувања.

Уставниот суд во реакциите на одлуката да се расправа по членот 11а – со којшто евентуално би се вратиле амнестиите дадени од Иванов препозна обид за мешање во неговата работа и неосновано се повредува угледот на Судот и судиите.  

„За Уставниот суд е неприфатливо некој да се меша или да влијае во неговата работа и одлучувањето. Одлуките на Уставниот суд се конечни и извршни и секој е должен да ги почитува Уставот и законите“, се наведува во соопштението од Уставниот суд.

Илиоски:СДСМ во пресрет на изборите имаат намера да префрлат пари од државниот буџет на општинските јавни претпријатија

СДСМ повторно сака со народни пари да ги покрие долговите, кафанските сметки и луксузирањата на нивните функционери и директори на општинските јавни претпријатија.

Свесни за тешкиот пораз кој им претстои во април, СДСМ во пресрет на изборите имаат намера да префрлат пари од државниот буџет на општинските јавни претпријатија за да можат да спроведат класична предизборна и изборна корупција и поткуп на граѓани и гласачи, со една и единствена цел, да останат на власт.

Откако пред околу 14 месеци власта директно од државниот Буџет на општините им исплати околу 49 милиони евра токму за отпис на долговите, овој пат непосредно пред избори, СДСМ има намера повторно да ги прости новите долгови создадени од расипничкото трошење и луксузирање на нивните неспособни директори на локалните јавни претпријатија низ градовите во Република Македонија.

Имено, станува збор за поголем број на јавни претпријатија од различни општини ширум државата кои откако пред речиси една година добија финансиска помош од централната власт и подмирување на долговите, сега за само една измината година, повторно се заглавени до гуша во долгови. Ќе набројам неколку примери на општински јавни претпријатија кои што нивниот долг не само што не се намалил, туку енормно се зголемил.

Се работи за:

− ЈП за стопанисување со спортски објекти Радовиш за само една година го зголемил својот долг за неверојатни 384% односно од 193 илјади денари на 938 илјади денари.

− ЈП за комунални дејности, Комунална хигиена Новаци од 165 илјади денари во 2018 година на 448 илјади денари во 2019 година односно зголемување на долгот за 171%.

− ЈСП Скопје, од 33 милиони денари на 72 милиони денари нов долг, т.е. зголемен долг за 2019 од 113% во однос на 2018г.

− Јавно комунално претпријатие Пела Хигиена Општина Могила, од 387 илјади на 788 илјади денари, односно 103% поголем долг.

− ЈП за енергетски дејности Струмица Гас, од 5,7 милиони денари на речиси 11 милиони денари долг, односно 92% поголем долг.

− ЈП за комунални работи Услуга ЦО Берово, од 23 милиони денари на 40,5 милиони денари односно 71% поголем долг.

− ЈП за јавни паркиралишта Градски паркинг – Скопје, од 10,5 милиони денари на 16,2 милиони денари, што значи зголемување на долгот за само една година за 53%.

− ЈП за комунални дејности Комуналец ЦО Струмица, од 172 милиони денари на 241 милион денари односно 40% поголем долг.

− ЈП за изградба, одржување и користење на спортски објекти и јавни паркинг простории Билјанини Извори Охрид, од 19,1 милиони денари на 24 милиони денари односно 25% зголемување на долгот од лани до сега.

− ЈП Водовов и канализација Скопје, од 215 милиони денари на 241,5 милиони денари односно зголемување на долгот за 12%.

− ЈП за комунални дејности Турија Василево од 10,6 милиони денари на 12,3 милиони денари односно зголемување за 16%.

− ЈП за комунални дејности Комуна Крушево, од 20,2 милиони денари на 22,2 милиони денари односно 10% зголемување на долгот.

− ЈП за комунално-производни и услужни работи Исар Штип, од 104,5 милиони денари на 112,2 милиони денари што значи зголемување на долгот за 7%.

Токму ова е резултатот и штетните последици од раководењето и владеењето на оваа расипничка власт кои СДСМ има намера да ги плати и покрие со пари на граѓаните.

СДСМ уште повеќе се вплеткува во сопствената лага тврдејќи, без никакви аргументи, дека ваквата мерка е во интерес на граѓаните. Сепак, податоците и фактите говорат дека СДСМ повторно дрско лаже. Целата македонска јавност знае дека овој предлог закон за отпис на долговите е во интерес само на функциониерите на СДСМ и заштита на нивните криминали и луксузирање на сметка на граѓаните.

Дополнително, уште еден доказ и потврда за катастрофалната состојба, огромниот криминал и корупција во која се наоѓаат, не само општинските јавни претпријатија, туку и Република Македонија во целост, е последниот извештај и рангирање според угледниот

британски весник „Економист", кој Македонија со оваа власт предводена од СДСМ, ја сместува во групата на држави со „хибриден режим" и се наоѓа рамо до рамо со земји како Кенија,

Танзанија, Мали, Сиера Леоне, Непал, Сенегал, Пакистан и др.

Очигледно, по сите катастрофални политики, криминали и скандали, само СДСМ и луѓето околу нив веруваат дека можат да ја избегнат народната казна и тешкиот изборен пораз кој ќе го претрпат на 12-ти април. Што побргу го сфатат ова во СДСМ, тоа подобро за граѓаните и Република Македонија.

Затоа, ние како пратеници од пратеничката група на ВМРО-ДПМНЕ и Коалицијата уште еднаш ќе повториме дека нема да бидеме соучесници во овој грабеж на народните пари кој што СДСМ има намера да го спроведе, се со цел заштита на своите неспособни кадри и директори, како и предизборни и изборни манипулации, поткуп и купување на гласачи.

Зоран Илиоски, пратеник на ВМРО-ДПМНЕ во Собранието на Република Македонија

Гостиварец пријавил измама откако дал пари за вработување на неговата девојка

 Гостиварц пријавил во полиција дека бил измамен од женско лице на кое ѝ дал пари за да помогне при вработување во државна институција.

Според СВР Тетово, Ј.М. (23) од Гостивар синоќа пријавил дека пред извесно време бил измамен од женско лице од Скопје. Гостиварецот преку социјалната мрежа Фејсбук, претходно се запознал контактирал, а таа му ветила дека ќе му помогне за вработување на неговата девојка. За таа услуга му побарала да плати илјада евра.

Тој, според пријавеното, се договорил и во Гостивар и платил една од договорените рати. Подоцна, скопјанката не се појавила на договорената средба во Скопје и не му се јавувала повеќе, по што сфатил дека е измамен.

Се преземаат мерки за расчистување на случајот.

Поповска: Следната недела ќе се знае дали ќе има измени на Законот за управување со отпад

Пратеничката Лилјана Поповска од ДОМ денеска изјави дека следната недела ќе има информација дали измените на Законот за управување со отпад ќе биде донесен или не. 

Дотогаш институциите треба да одговорат дали носењето на обвие измени ќе влијае на македонскиот извоз на друг вид отпад во другите земјите од ЕУ.

Поповска вели дека ние не сме членки на ЕУ и немаме такви тврди облигациони односи. Пратеничката тврди дека „од институциите има лично заинтересирани за учество во овој бизнис” и оти во оваа област институциите имаат многу работа да проверат што и како се прави. Потребно е, вели таа, строга контрола, но и ревизија на целиот овој систем.

притисни ентер