Видео: Лука Дончиќ собрал 2 мил. евра за лекување на дете од Словенија!!

Новата НБА ѕвезда, младиот Словенец Лука Дончиќ покажа дека не само што е голем кошаркар, дека е и човек со големо и хумано срце.

Кошаркарот на Далас кога слушнал дека на 22- месечниот Крис Зудиќ за лекување од тешка болест му се потребни 2 милиони евра без размислување одлучил да му помогне. Дончиќ со помош на пријатели ги собрал потребните средства и неговиот млад сонародник итно пристигнал во Лос Анџелес на терепии.

Малиот Крис боледува од ретка генетска болест„спинална мускулна атрофија“. Лекарите ги информирале неговите родители Ана и Метеу дека на нивниот син му е потребна генетска терапија – „Зологенсма“ , која е најскапата терапија на светот и чини два милиони евра.

Лука Дончиќ на семејството Зудиќ им го платил летото од Копер до Лос Анџелес и три месечниот престој во градот на ангелите . Водено ѕвездата на Далас ги собрал и потребните средства за лекувањето на малиот Крис, за терапијата која има голем процент на успешност.

Синоќа на дуелот против ЛА Лејкер во Стејпл Центарот Лука го запознал и малиот херој Крис.

Дончиќ одиграл брилијантен меч против големиот Леброн Џејмс и со 27 поени, 9 скока и 10 асистенции го водел Далас со триумф над Лејкерси од 114-100.

Италија одбива да прими 180 мигранти , ги праќа во карантин на друг брод

Италија ќе премести околу 180 мигранти од спасувачкиот брод Ocean Viking во карантин на бродот Moby Zaza, откако со денови одбиваше да ги прифати, пренесува Dpa.

Преселбата на мигрантите е планирана за понеделник, откриваат извори од Министерството за внатрешни работи.

Мигрантите биле спасени во четири одделни операции. Првите две операции се спроведени минатата недела и ги спасија мигрантите кои избегаа од насилство и злоупотреба во Либија, објави СОС Медитеран.

Ситуацијата на бродот станала неподнослива, мигрантите почнале да штрајкуваат со глад и се закануваат со самоубиство, предупредува организацијата.

Ocean Viking во неколку наврати бараше од Италија и Малта да ги прифатат мигрантите, но без успех.

Во екот на пандемијата на коронавирус, двете земји веќе не дозволуваат спасените мигранти да се оддалечуваат од морето.

Откако екипажот на Ocean Viking побарал итен прием на 45 мигрантите, италијански психијатар и медијатор за култура вчера поминал неколку часови со мигрантите.

Потоа, Рим го одобри нивниот трансфер во карантин на бродот Моби Заза.

Во меѓувреме, состојбата на бродот за спасување се смирила, тврдат извори, а мигрантите денеска ќе бидат тестирани за коронавирус.

Рекорден број новозаразени во Тексас и Флорида, Трамп тврди дека е поради масовното тестирање

Флорида и Тексас вчера забележаа рекордни броеви на нови инфекции со коронавирус, а американскиот претседател Доналд Трамп продолжува да го минимизира растот на случаите во Соединетите држави и да го објаснува со масовното тестирање.

Флорида вчера забележа рекордни 11.458 нови случаи, а Тексас 8.258, објавија здравствените власти.

Двете американски држави сега имаат вкупно повеќе од 190.000 заразени.

Северна Каролина, Јужна Каролина, Тенеси, Алјаска, Мисури, Ајдахо и Алабама во петокот забележаа рекордни броеви на нови инфекции.

И покрај зголемувањето на инфекциите, бројот на смртни случаи во текот на денот се намалува во последните неколку недели. Се поголем е бројот на позитивни случаи кај младите луѓе, кои се помалку склони кон развој на потешки симптоми на болеста.

Претседателот Доналд Трамп повеќе пати се обидуваше да го минимизира зголемувањето на бројот на заразените и тоа го објаснува со екстензивното тестирање.

„Ако тестирате 40 милиони луѓе, ќе имате многу случаи ако нема тестирање (како во другите земји) не би се појавувале секоја вечер на „лажни вечерни вести “, твитна вчера Трамп.

САД се први на светот по бројот на заразени и жртви. Скоро 130.000 луѓе починаа, а повеќе од 2,8 милиони се заразени, според универзитетот Џон Хопкинс.

Над 30.000 починати од коронавирус во Мексико

Мексико вчера надмина 30.000 жртви и 250.000 заразени, а ширењето на инфекцијата не забавува ниту во Бразил, каде се забележани скоро 38.000 нови инфекции на ден, соопштија здравствените власти.

Мексико со нови 523 смртни случаи брои 30.366 жртви. Има 6914 новозаразени, вкупно 252.165.

Владата претходно соопшти дека вистинскиот број на заразени лица веројатно ќе биде значително поголем.

Бразил, втората најпогодена земја во светот, во последните 24 часа забележа 37.923 нови случаи и 1.091 смртни случаи.

Во најголемата земја во Јужна Америка, повеќе од 1,5 милиони луѓе се заразени од почетокот на пандемијата, а 64.265 починале, според официјалните податоци.

притисни ентер