Вооружена престрелка во „Александар Палас” без жртви и повредени-МВР го расчистува случајот

30 минути по полноќ синоќа во „Александар Палас” се случила оружана престрелка за среќа без повредени и жртви.

Драма со истрели од огнено оружје во Александар Палас. Непознати вооружени лица доцна синоќа упаднале во ресторанот од хотелот и пукале кон пет лица. Еден од гостите бил и полицаец. За среќа повредени нема.

Според полицискиот билтен, инцидентот се случил синоќа во 30 минути по полноќ. Вечерната дружба на петтемина лица, на возраст од 21 до 41 година, ја прекинале три лица кои влегле во ресторанот на Палас и почнале да пукаат кон нив. Полицаецот, кој за време на инцидентот не бил на должност, го извадил службениот пиштол и испукал кон тројцата напаѓачи, по што тие избегале.

Дека нешто се случувало покажува и оваа денешна фотографија. На неа се гледа поставено скеле и работник кој работи на санирање на штета - токму пред влезот од ресторанот во хотелското фоаје.

„На екипата на Канал 5 не и беше дозволено да снима внатре во објектот каде се случил инцидентот. Вработените ни посочија дека таква насока им била дадена од полицијата.“

Од опозициската ВМРО-ДПМНЕ обвинија дека полицијата ќе „замижи“ и за овој случај и дека, како и за многу други случаи, причините ќе останат нерасчистени.

„Безредие и хаос како и се останато. Криминалците можеа слободно буквално да ја земат правдата во свои раце, слободно меѓусебно да си се расчистуваат и пресметуваат, може притоа жртви да има невини, полицијата како и обично спие.“

Мотивите за инцидентот остануваат непознати. Од МВР само кусо додадоа дека работат на расчистување на случајот, по што ќе излезат со подетални информации.

Полета најдолгиот авион на светот – Историски лет на Боинг 777X (ВИДЕО)

Boeing Co го започна денеска пробниот лет на 777X, најголемиот светски двомоторен авион, во време кога американскиот производител , кој е сериозно погоден од кризата со 737 MAX, ја засилува борбата против европскиот конкурент „Ербас“.

777X, поголема, поефикасна верзија на успешниот мини-џамбо Боинг 777, полета од  комерцијалната база во близина на Сиетл во 10:09 часот по локално време, бидејќи силните ветришта ја принудија компанијата двапати оваа недела да го одложи пробниот лет.

Директорите на „Боинг“ најавија дека летот ќе трае помеѓу 3 и 5 часа и дека тестирањето и сертификацијата ќе бидат потребни неколку месеци пред да започне со работа во Емиратите во 2021 година.

Боинг претходно објави дека неговиот најголем двомоторен авион, дизајниран за просечно 406 лица, ќе полета за прв пат на почетокот на 2020 година, при што првата испорака се очекува во 2021 година. Првично, првата испорака беше закажана за средината на 2020 година, што не е можно поради проблеми во изведбата.

Овој авион, долг 77 метри е значително поголем од неговите претходници 777-300ER и Ербас А340-600. Дури и малку подолг од претходниот рекордер 747-8, најновата верзија на авионот Queen of the Skies.

Поради својата должина, авионот е дизајниран да прими меѓу 400 и 425 патници, во двете класи. Бројот на места ќе варира во зависност од барањата на одредени авиокомпании.

Најдолгиот патнички авион на светот, „Боинг 777X“, беше официјално откриен минатиот март од Управниот одбор на „Боинг“ во главниот производствен капацитет на компанијата во Еверет, Вашингтон.

777X првично требаше да го изврши првиот тест лет минатото лето, но беше одложен до 2020 година, поради проблеми со моторите GE9X произведени од General Electric. Проблеми се појавија и во септември минатата година за време на последниот тест на оптоварување кога експлодира вратата на авионот.

Конечните тестови ги надгледуваат инспекторите на Федералната управа за авијација (ФАА) како дел од процесот на сертификација на авионите.

Седум кинески државјани се пренесени во болница во Москва , под сомнение од коронавирус

Седум кинески државјани биле пренесени од хотел во северна Москва во болницата за заразни болести под сомнение за акутна вирусна респираторна болест.

Претставник на брзата помош на руската престолнина изјави за Спутник.

„Седум кинески државјани се префрлени од хотелот„ Арт Војковска “во болница за заразни болести“, рече тој, додавајќи:„Тестовите се во тек и медицинскиот персонал чека резултати од прегледот“.

Експлодира цистерна среде населба во Перу , најмалку 13 загинати (ВИДЕО)

Во експлозија на камион кој пренесувал бензин до Лима загинаа 13 лица, соопшти денеска перуанското Министерство за здравство.

„Новиот број на жртви е 13 мртви“, изјави денеска портпаролката на Министерството, Моника Месан, додавајќи дека меѓу загинатите има и  пет деца.

Експлозијата на цисртерната се случи во четвртокот во предградието на главниот град на Перу, каде што  живеат околу 500.000 луѓе.

Несреќата се случила наутро додека луѓето оделе на работа. Причината била истекување на една цевка од камионот. Вкупно 13 пожарникари го гаснеле пожарот што избувна по експлозијата.

притисни ентер