Австралија воведе камери за да ги снима возачиоте кои зборуваат на мобилен

Австралиската држава Нов Јужен Велс, во најголемиот град Сиднеј, ја постави првата сообраќајна камера на светот за да открие употреба на мобилни телефони за време на возење.

Камерите имаат за цел да ги намалат сообраќајните несреќи за една третина за две години, соопшти Управата за сообраќај.

Овие камери за откривање на мобилни телефони ќе работат непрекинато во сите временски услови за да се открие дали возачот има телефон во рака, соопшти Бирото за сообраќај NSW, кое управува со државните транспортни услуги.

„Тоа е систем што ќе ја промени културата“, изјави полицискиот командант Мајкл Корбој за австралиските медиуми.

Телефонските повици за време на возењето се легални, но само со hends free уреди.

Сè друго, како видео повици, користење социјални мрежи и фотографии, е нелегално додека сте зад воланот.

Годинава загинаа 329 лица во сообраќајни несреќи во таа земја, споредено со 354 за цела 2018 година. Државата сака да ги намали сообраќајните несреќи за 30 проценти до 2021 година.

Мобилните камери за откривање мобилни за време на возење користат вештачка интелигенција што ги разгледува фотографиите и откриваат незаконска употреба на мобилните уреди, информира Бирото за сообраќај во Нов Јужен Велс.

Во првите три месеци од воведувањето на системот за откривање, обвинетите возачи ќе добијат предупредувачки писма. Потоа, казните ќе изнњесуваат 233 долари , како вообичаена казна и 457 долари казна за користење мобилен зад волан во училишната зона.

И во двата случаи возачите добиваат и казнени поени.

Убиецот на Џон Ленон по 40 години и се извини на Јоко Оно

Марк Чепмен, човекот кој го уби Џон Ленон, и се извини на неговата вдовица Јоко Оно 40 години по убиството.

Во 1980 година, Чепмен го застрела Ленон четири пати пред неговиот стан во Менхетен, додека Оно била таму. Минатиот месец, судот го одби неговото барање за условно ослободување по 11-ти пат, пишува Би-Би-Си.

За време на сослушувањето, Чепмен рече дека ја убил 40-годишната sвезда поради слава и дека заслужува смртна казна. Тој додаде дека цело време размислувал за грозоморниот чин и прифаќа дека може да го помине остатокот од својот живот во затвор.

„Само сакам да повторам дека жалам за моето злосторство“, рече Чепмен пред одборот за помилување во затворот Венде во американската држава Њујорк. "Немам изговор. Тоа беше за моја слава. Мислам дека тоа е најлошото злосторство што може да го сториш на некој што е невин".

"Тој беше исклучително познат. Јас не го убив поради неговиот карактер или за тоа каков човек беше. Тој беше семеен човек. Тој беше икона. Тој беше некој што зборуваше за работи за кои можеме да зборуваме сега и тоа е одлично".

"Го убив, да го употребам твојот збор, бидејќи тој беше многу познат и тоа е единствената причина. Бев желен за слава и многу себичен", додаде тој.

"Сакам да го додадам и да го потенцирам. Тоа беше исклучително себичен чин. Жал ми е за болката што и ја предизвикав на Оно. Мислам на тоа цело време".

Пред пет години, јапонската уметничка, сега на 87 година, која се спротивстави на какво било негово барање за ослободување, за Дејли бист изјави дека живее во страв да дека ќе излезе од затвор.

"Ако го сторил тоа еднаш, можеше да го стори повторно, на некој друг. Може да бидам јас, може да биде Шон (нејзиниот син), Секој може, па затоа сум загрижена", рече Оно.

Документите од последното рочиште што го одржа Здружението за печат откриваат дека комитетот го одбил неговото ослободување со образложение дека тоа би било „некомпатибилно со благосостојбата на општеството“.

Чепмен имал 25 години кога го убил Ленон. Денес има 65 години, тој е оженет и неговата сопруга живее во близина на затворот каде што е затворен последните осум години. На сослушувањето, тој се опиша себеси како длабоко религиозен и побожен христијанин.

Чепмен е исто така службеник во посебен дел од затворот, каде што е сместен заради сопствена безбедност.

Убиецот на Ленон го носел романот „Ловец на жито“ од Селинџер кога го извршил убиството. Говорејќи за тоа, рече дека се идентификувал со изолацијата и осаменоста на главниот лик.

Тој додаде дека заслужува смртна казна, што е укината во Њујорк во 2007 година, додека последен пат била извршена во 1963 година.

„Кога свесно планирате нечие убиство и знаете дека не е во ред и го правите тоа за себе, тоа е според мене е за смртна казна“, рече Чепмен.

„Некои не се согласуваат со мене, но секој добива втора шанса.

На прашањето дали правдата е задоволена, Чепмен рече дека не заслужува ништо. „Ако законот и вие одлучите да ме оставите овде до крајот на мојот живот, не се жалам.

Во својата одлука, Комитетот за поправки и надзор на заедницата во Њујорк соопшти дека смета дека изјавата на Чепмен дека „срамот носи слава“ е вознемирувачка и препорачува „личен раст и продуктивно користење на времето“.

Комитетот исто така забележа дека „себичниот чин на Чепмен им ја украде можноста на идните обожаватели да ги искусат зборовите на инспирација што овој уметник им ги дал на милиони луѓе“.

„Вашиот насилен чин предизвика уништување не само на семејството и поранешните членови на бендот, туку и на целиот свет“, се додава во одлуката.

Чепмен следниот пат ќе се квалификува за условно ослободување по две години.

Позната е причината за мистериозниот помор на 330 слонови во Африка

Отровот произведен од микроскопски алги во водата предизвикал необјаснива смрт на стотици слонови во Боцвана, каде што живее третина од популацијата на сите африкански слонови, велат властите.

Ситуацијата стана алармантна откако труповите на мртви животни биле забележани во делтата на реката Окаванго помеѓу мај и јуни.

Би-Би-Си пишува дека по неколкумесечни тестови, спроведени во специјални лаборатории во Јужна Африка, Канада, Зимбабве и САД, официјалните лица објавија дека досега умреле дури 330 слонови од голтање цијанобактерии. Ловокрадството дефинитивно е исклучено како причина за смртта.

Споменатите отровни бактерии можат да се појават сосема природно во стоечка вода, но понекогаш прераснуваат во т.н. диви сино-зелени алги.

Многу мртви слонови биле пронајдени во близина на местото за напојување, но експертите досега не биле сигурни дека цијанобактериите се виновни за масовната смрт, бидејќи тие најмногу се појавуваат на рабовите, т.е. на брегот, а слоновите обично пијат вода од средината на езерата или реките.

„Убиствата престанаа на крајот на јуни 2020 година, што коинцидира со процесот на сушење на делтата“, рече на прес-конференција во понеделникот Мади Рубен, главен ветеринар на Одделот за диви животни и национални паркови.

Бидејќи не биле отстранети телата на слоновите, ловокрадството било исклучено уште во јуни како причина за смртта, како и труењето со антракс, изјави висок службеник на Одделот за диви животни Сирил Таоло.

"Сепак, ние сè уште бараме одговори на многу прашања - зошто умреле само слоновите и зошто само во таа област. Истражуваме голем број хипотези", додаде Рубен.

Цијанобактерии, исто така познати како сино-зелени алги, може да се најдат низ целиот свет, особено во мирни води кои се богати со хранливи материи. Некои видови произведуваат токсини кои влијаат на животните и луѓето.

Луѓето можат да бидат изложени на цијанобактериски токсини со пиење или капење во контаминирана вода. Симптомите вклучуваат иритација на кожата, грчеви во стомакот, повраќање, гадење, дијареја, треска, болки во грлото и главоболка.

Птиците и рибите исто така можат да бидат отруени од високо ниво на цијанобактерии.

Петмина починати и 88 новозаболени -Филипче најавува нови рестриктивни мерки

Владата разгледува воведување нови рестриктивни мерки за да се спречи енормно зголемување на бројот на заболени од ковид 19 есенва.

Министерот Филипче не ја отфрла можност и за карантин и полициски час. Во меѓувреме, сите кои досега користеа мерки, меѓу кои и хронично болните и родителите на продолжено породилно, од утре треба да се вратат на работа.

Игор Манасиевски со повеќе детали.

притисни ентер