Историчарите прашањето за Гоце Делчев им го оставаат на политичарите?!

Последната рунда од експертската  македонско –бугарска комисија  не донесе значајни помрднувања од точката која се однесува на чествувањата на Гоце Делчев и неговото потекло.

По неуспехот на македонско – бугарската комисија да постигне напредок на средбите од вчера и завчера, историските разлики со Бугарија најверојатно ќе одат на политичко ниво. Ставот на бугарската страна е да се направи пауза до мај, по изборите во земјава, а последните информации оттаму говорат дека и ќе бара проблематичните прашања да ги стават на маса политичарите. Дека разговорите на комисијата се во ќорсокак потврди и по заедничкиот брифинг Драги Ѓорѓиев, предводникот на македонската страна.

Дел од македонските историчари очекуваат како што велат да надвладее здравиот разум, Македонија и Бугарија да дојдат до решение кое ќе биде прифатливо и за двете страни.

Но по неколку средби, веќе подолг период не се состанала македонско – грчката комисија за образовни, археолошки и историски прашања. Иако во неколку области беше постигнат договор до август, сепак спроед информациите камен на сопнување меѓу Скопје и Атина ќе биде македонското прашање за време на граѓанската војна во Грција. Токму на оваа тема за прв пат денеска дискутираа три институти – за историја, македонски јазик и социолошки и политичко – правни истражувања. Митко Арџилиев, сега живее во Скопје, но се уште се сеќава на тој период како еден од најтешките за него и неговото семејство.

Нова средба на македонско – грчката комисија засега не е закажана. Неизвесно е дали и следните спорни точки двете земји ќе ги разгледуваат по изборите.

Франција се подготвува за за закана од тероризам на Олимписките игри во Париз

Францускиот министер за внатрешни работи Жералд Дарманен денеска се сретна со разузнавачките служби на земјата за да ја проценат заканата од тероризам на Олимписките игри (ОИ) во Париз, кои ќе се одржат од 26 јули до 11 август годинава.

Најважно е обезбедувањето на свеченото отворање на ОИ на 26 јули, кога флота од 94 чамци, на кои илјадници спортисти ќе ги држат знамињата на своите земји, ќе плови шест километри по Сена, пишува Гардијан.

Таа ќе биде придружувано од втора флота од 80 чамци со членови на медиумите и обезбедувањето, додека околу 222.000 луѓе ќе се соберат покрај реката, а уште 200.000 ќе ја следат церемонијата од зградите.

Воздушниот простор во радиус од 150 километри околу Париз ќе биде затворен за време на церемонијата поради потенцијален напад со беспилотно летало, а ќе бидат мобилизирани повеќе од 45.000 полицајци, многу од нив на покривите со снајперисти и во чамци.

Дарманен изјави дека Франција е секогаш под закана, особено за време на големи настани, бидејќи „ги брани универзалните вредности и секуларизмот“ и дека има „многу ефикасен разузнавачки систем.

„Речиси секој месец ги запираме заговорите во развојот“, рече францускиот министер.

Според истражувањето за француската телевизија BFMTV, 80 отсто од Французите се загрижени за тероризмот, 59 отсто се оптимисти дека нивната земја успешно ќе ја зачува безбедноста за време на Олимпијадата, додека 57 отсто поддржуваат одржување на свеченото отворање на отворено.

Во БиХ уапсени тројца мажи- барале 25.000 евра за да дадат информации за Данка: Се шегувавме

Трет ден од потрагата по малата Данка, двегодишното девојче кое исчезна во вторникот околу 13.45 часот во приградската населба Бањско Поље, во близина на градот Бор, во источна Србија.

Мајката раскажала како Данка исчезнала од дворот на семејната куќа додека одела да му даде вода на постарото дете. Родителите биле сослушани во полиција, а мобилниот телефон на мајката е одземен.

Вчера околу 17:30 часот полицијата го прекина пребарувањето на теренот. „Сите досегашни резултати укажуваат дека девојчето не е на овој простор од околу 10 квадратни километри“, соопшти полицијата.

Според последните информации, родителите на Данка и денеска цел ден биле во полиција на распит. Полицијата вчера ги разделила и спиеле во различни куќи. Багери, полицајци и пожарникари пристигнаа околу куќата каде исчезна девојчето, сечеа дрвја околу куќата и го исчистија просторот и копаат. Досега полицијата сослушала повеќе од 50 лица.

Вечерва се појави веста дека во Босна и Херцеговина се уапсени три лица. Според медиумите, тие на TikTok објавиле дека имаат информации за исчезнувањето на Данка и побарале пари во замена за тие информации. Тие се на распит.

Како што пренесува Klix.ba, Федералната полициска управа (ФУП) вечерва извршила молскавична акција за лоцирање и апсење на три лица од Хаџиќи поради нивните тврдења дека се поврзани со исчезнувањето на двегодишното девојче од Србија. Белградскиот Интерпол побарал апсење на три лица од областа на кантонот Сараево, кои тврделе дека знаат каде исчезнало девојчето и побарале 50.000 КМ за откривање на информациите.

Членовите на ФУП извршија брза акција, при што истражителите на Одделот за компјутерски криминал успешно ги лоцираа осомничените со помош на нивната IP адреса.

Сите биле уапсени, а била претресена и нивната околина при што било утврдено дека девојчето не е со нив. Во моментов трае кривичната истрага за Т.Б.(2002), М.Т.(2001) и З.Т.(1972), а се проверуваат нивните тврдења дека се поврзани со исчезнувањето на двегодишното девојче.

Ламборџини има ново лого, го сменија по две децении (ВИДЕО)

И Lamborghini се приклучи на зголемениот број производители кои решија да претстават ново лого.

Познат е рецептот, а тоа е да се поедностави изгледот на логото во согласност со актуелните трендови поврзани со дигиталните услуги. Со други зборови, тродимензионалното печатење повеќе не е во мода, ниту употребата на тешка графика, оптоварена со детали.

„Храбар, неочекуван и автентичен“, вака Lamborghini го најавува првиот редизајн на амблемот по повеќе од две децении.

Важно е дека бесниот бик се уште е таму. Новиот корпоративен идентитет носи само редизајн на постојното решение. И тоа е добро, бидејќи постоечкиот беше беспрекорен, исто како и автомобилите што ги претставува.

Новото лого веќе се користи на дигиталните платформи на Lamborghini и е предвидено за употреба на претстојните модели.

Шпекулациите сугерираат дека би можел да дебитира на наследникот на Huracan, кој се очекува во наредните месеци со plug-in хибриден V8 мотор. Потоа, ревидираниот амблем ќе ги краси постоечките модели, како што се Revuelt V12 или редизајнираниот Urus што го очекуваме.

Друга значајна промена е тоа што бесниот бик сега ќе стои сам на дигиталните канали на Lamborghini, за прв пат одвоени од штитот. Дополнително, ќе има „нов сет на икони“ развиен во соработка со Centro Stile на Lamborghini.

притисни ентер