Јовески: Апсурдно е секретар да е повеќе платен од претседател на држава

Обвинителството ги има првите индиции за незаконско постапување на Катица Јанева при определувањето кој колкав бонус ќе земе од СЈО. 

За државниот обвинител Љубомир Јовески сомнително е тоа што додатоците на плата се третирале како класифицирани информации, а станува збор за јавни пари за кои граѓаните треба да имаат увид.Вели додатокот не смеел да биде повисок од 35 отсто од платата која обвинителите ја земале. Државниот обвинител посочи дека ќе ги истражат сите околности, а дополнителен сомнеж за Јовески фрла тоа што два пати се земале пари по основ на доверливост.

За да не ги кажуваат доверливите информации и што слушнале во т.н. “бомби”за четири години обвинителите од СЈО земале вкупно над еден милион евра. Но освен десетината обвинители бонуси земале и луѓе кои не се јавнообвинителски службеници. Па така, во базата “Отворени Финансии” меѓу останатите е и примерот со возачот на Јанева кој надвор од редовната плата зел додатоци од 30.000 евра. Според професорот Гордан Калајџиев, Јанева бонусите ги делела без правилник.

Сумите по обвинител се движеле од 70.000 до 107.000 евра, покажуваат податоците. Па така, поранешната обвинителка и шефица на оваа институција Катица Јанева сама на себе си доделила 157.000 евра.

Педесет илјади евра помалку, односно 107.000 зеле првата заменичка на Јанева обвинителката Елизабета Јосифовска и обвинителот Стевчо Донев.

Обвинителката Лиле Стефанова, која го застапува случајот “Империја” зела надоместоци од 93.000 евра. Три илјади евра помалку од Стефанова земал нејзиниот колега Бурим Рустеми.

Од 2015-та до годинава обвинителите Фатиме Фетаи и Љубомир Лапе земале 87.000 евра , илјада евра помалку од оваа сума добиле обвинителите Артан Ајро, Гаврил Бубевски и Трајче Пеливанов.

Најмалку од сите, односно 84.000 евра добила обвинителката Ленче Ристоска.

Делењето на бонусите денеска предизвика и жестока дебата на собраниската седница за пратенички прашања.

Меѓу останатите, според базата сегашниот директор на Управата за финансиска полиција Арафат Муареми како истражител во СЈО добил 26.000 евра, а командантoт на “Алфите” Примислав Димовски зел 39.000 евра. Тој прв јавно изрази подготвеност да ги врати парите доколку се утврди дека тие се делеле незаконски. На списокот стои и името на новинарот Сашо Орданоски кој добил 4.000 евра, кој според неофицијалните информации на Канал 5 бил задолжен за пишување на говорите на Јанева.

Фото: Финска пивара направи НАТО пиво

Во екот на одлуката на Финска да стави крај на децениската неутралност и да бара членство во НАТО, една пивара одлучила да продава пиво со ознака на НАТО.

Сепак, дел од финската јавност не го поздрави потегот на пиварата и колку и да се за влез на нивната земја во Алијансата, сметаат дека во случајот со пивото се работи за промоција на алкохолизам, што не треба да биде случај.

Од друга страна, од пиварницата „Олаф Брувинг“ објаснуваат дека досега не се мешале во политиката, а сега повеќето Финци се за влез во НАТО, изјавил за медиумите извршниот директор на компанијата.

„Затоа се решивме на овој чекор, иако всушност не требаше толку многу „одлучување“, едноставно само го направивме“, рече тој.

Лименката „НАТО пиво“ е сина, а на неа има витез, кој на градите го има симболот на НАТО. Пивото се вика ОТАН, што е француски изговор на зборот НАТО

Од пиварата велат дека веќе добиле голем број нарачки за „НАТО пиво“.

Ковачевски:Апел за брзо прифаќање на историското зголемување од 15% на платите во образованиетo

​Вечерва на својот Фејсбук профил, претседателот на Владата Димитар Ковачевски упати апел до СОНК за итно, брзо и целосно прифаќање на договорените условите и одговорност.

Во продолжение ви го испраќаме статусот во целост.

„Успеавме да постигнеме значаен договор за вработените во образованието и покачување на платите од дури 15%, почнувајќи од септемвриската плата.

Ова зголемување на платите е најголемото досега и заедно со досегашните 21% зголемување е историски најголемата поддршка на вработените во образованието.

До пред само 5 години, максималното зголемување на платите беше 4%, без глобални кризи.

Сега, во услови на најголема економска и енергетска криза, покрај огромното процентуално зголемување, на вработените во образованието, преку колективните договори ќе им се овозможи и усогласување со минималната плата како и други придобивки. Воедно, ќе се дефинира методологија за континуиран раст на платите со што ќе се заштити стандардот на наставниците и ќе се овозможи континуирано зголемување на плата без потреба од дополнителна владина, институционална или политичка интервенција.

Апелирам до СОНК за брзо и целосно прифаќање на договорените условите и одговорност. Да може институциите да продолжат со конкретни активности за спроведување на овој историски раст на платите во образованието."

Бајден им оддаде почит на жртвите на расистичкиот масакр во Бафало

Американскиот претседател Џо Бајден денеска остро го осуди „отровот" на белиот супрематизам и сите оние кои го шират, по расистичкиот масакр од саботата во кој беа убиени десет луѓе во Бафало.

Во овој град во американската сојузна држава Њујорк, каде што еден млад човек, застапник на теориите на заговор, како онаа за „големата замена на населението", во саботата изврши масакр со автоматска пушка, американскиот претседател денеска зборуваше за „терористички акт".

Спомнувајќи ја оваа расистичка теза за „големата замена" на населението, Бајден, видливо потресен, кажа : „Ги повикувам сите Американци да ја отфрлат оваа лага и да ги осудат сите оние кои ја шират за да освојат власт, гласови, пари".

-Оние кои велат дека ја сакаат Америка, поттикнуваат омраза и страв, додаде 79-годишниот демократски претседател, без да открие имиња или партиска припадност.

„Тој отров, тоа насилство не смее да биде историјата на нашето време", посочи тој, бидејќи во последните години се случија серија масакри во САД, во кои жртви беа црнци, Евреи и луѓе со шпанско потекло.

Претседателот денеска од Бафало уште еднаш повика на регулирање на носењето огнено оружје.

-Не сум наивен. Знам дека трагедијата ќе се повтори (…) Но, има некои работи што можеме да ги направиме. Можеме да го забраниме автоматското оружје на нашите улици, рече тој.

Тој долго време го повикува Конгресот да го забрани автоматското оружје, како она што беше употребено во неделата. Но, овој негов став отсекогаш наидувал на противење од републиканците кои одбиваат каква било регулатива за ова прашање. /МИА

притисни ентер