Македонија

Пендаровски : Да ја подигнеме свеста, да научиме како да ги заштитиме децата од насилство

Претседателот Стево Пендаровски, денеска се обрати на отворањето на конференцијата „Проширување на акцијата за ставање крај на насилството врз децата на Западен Балкан".

Во продолжение го проследуваме интегралниот текст од обраќањето.

,,Насилството врз децата е една од најдевијантните појави денес која се случува за жал секој ден, во секој крај на светот. За многу од нив дознаваме од медиумите, од заедницата, од училиштата, но има илјадници за кои никогаш нема да дознаеме.

Сметам дека претставува одлична можност што Северна Македонија е домаќин на оваа Конференција каде што земјите од Западен Балкан ќе ги потврдат заложбите за заедничко дејствување преку Глобалното партнерство за ставање крај на насилството врз децата, како и ќе ги споделат моменталните состојби во државите, ќе ги споделат најдобрите практики и новите, ефикасни пристапи за решавање на овој проблем.

Глобалната анкета на УНИЦЕФ од пред две години покажува дека големо мнозинство – речиси 80 проценти од родителите и старателите користат најмалку една форма на насилство врз децата, а една петтина од анкетираните пријавиле дека користат само позитивни методи и ненасилни методи на родителство. Истражувањата покажале дека децата - жртви на злоупотреба и насилство се изложени на поголем ризик и самите да повторат или сторат насилство кога ќе станат возрасни, и тоа најчесто врз сопствените деца. Насилството не им штети само на децата и на семејствата, туку на целокупното општество. Фрапантни показатели содржат и многубројните анкети на ученици и студенти кои укажуваат дека во детските години тие имаат искусено физичко и емоционално злоставување, телесно казнување, физичко и емоционално занемарување и можеби најтешкиот облик - сексуално злоставување. Некои проценки од 2013 година покажуваат дека глобалните економски влијанија и трошоци што се резултат на последиците од физичкото, психолошкото и сексуалното насилство врз децата може да достигнат и до 7 трилиони долари на глобално ниво. Тоа се повеќе од загрижувачки резултати и проценки.

Кај нас, во Република Северна Македонија, бројките, исто така, се немилосрдни.

Истражувањата велат дека 8 од 10 родители користат физичко и психичко насилство, примарно со цел да ги подучат децата на тој начин. Кај нас преовладува ставот дека детето треба да биде послушно наспроти љубопитно или независно. Истражувањата укажуваат на генералниот став дека општеството не треба да интервенира во семејството и неговите утврдени практики и дека право на родителот е да го одгледува своето дете онака како што смета дека е најсоодветно.

Нашиот одговор во борбата против насилството врз децата мора да биде сеопфатен. Ниту една конференција, кампања или политичка заложба нема да е доволна за да се справиме со насилството врз децата. Потребно е заедничко дејствување од сите нас, како индивидуи, потоа од страна на ресорните министерства, социјалните служби, образовните институции и граѓанскиот сектор. Да ја подигнеме свеста, да научиме како да го превенираме насилството и како да ги заштитиме децата од насилството. Доколку не успееме во превенција и заштита, последиците ќе бидат трауматични и долгорочни. Затоа е потребно интегрирано решение, заеднички пристап за проблем кој сите нас не засега.

Здравствените работници треба да се оспособат да можат да препознаваат рани знаци на насилство. Образовниот систем треба да ги зајакне општествено-емоционалните вештини кај децата за да превенира врсничко насилство. Системот за социјална заштита треба да даде соодветен одговор преку оперативен и мултидисциплинарен стручен тим. Припадниците на полицијата треба да бидат професионално обучени за работа со деца.

Ви посакувам пријатна работа и плодна дискусија на Конференцијата, за да најдеме системско решение, да ја искорениме оваа појава и да создадеме општество кое ќе биде безбедно за децата. И конечно, како држава да го дадеме својот придонес и со многу работа и ангажман да ги исполниме целите за одржлив развој 2030 - да се стави крај на злоупотребата, на експлоатацијата, на трговијата и на сите облици на насилство и тортура врз децата.

Македонија

Петрова: Вишиот управен суд оспори преку 3.000 акти за вработување во јавниот сектор

Вишиот управен суд оспори преку 3.000 акти за вработување во јавниот сектор, донесени без врзан потпис.

Од формирање на техничката влада до денот на распишување на изборите, вработени се 1.200 лица на неопределено време, 448 на определено, ангажирани се 1227 лица со договор на дело, а 99мина се унапредени, и сето тоа без врзан потпис на министерот за финансии и дополнителниот заменик-министер , за што Вишиот управен суд донел две пресуди со кои се оспоруваат вработувањата. За ова информираше дополнителната заменичка министерка за финансии, Елена Петрова, која нагласи дека сега треба да се води повторна постапка, односно Државната изборна комисија (ДИК) ќе треба да го разгледа секој предмет за вработување поединечно и да донесе одлука.

Врзаниот потпис е предвиден како гаранција дека дискрециските овластувања на министерот нема да се применуваат заради постигнување на политички цели и да се спречи манипулирање со избирачката волја на граѓаните.

Претходно Петрова обвини за незаконски вработувања во Министерството за здравство.

Македонија

Mицкоски од Охрид: Сега е време за македонско национално единство

Мораториум и запирање на сите напади кон Левица и ЗНАМ обзнани лидерот на ВМРО-ДПМНЕ од митингот во Охрид.

Повикот за обезбедување на македонско национално единство во државата никогаш не бил толку потребен како сега, порача Мицкоски, кој вети голема победа и подобар живот со ВМРО-ДПМНЕ без исклучок, за сите граѓани. Тој ја прозва СДСМ дека сценариото по секоја цена да ја зачува власта нема да помине.

Наша цел е да ги обединиме сите граѓани,никого не напаѓаме, одговори лидерот на ЗНАМ и претседателски кандидат Димитриевски. Тој гледа позитивно на повикот на Мицкоски, но вели можни разговори за идна влада ќе бидат условени. Не размислува за коалициска соработка со актуелното раководство на СДСМ.

На митингот од гевгелија Ковачевски ја прозва опозициската партија дека ќе го одолговлекува европскито пат на земјава и ќе ја врати назад во изолација.

На првиот ден од кампањата за парлемнатраните избори Мицкоски најави повеќе од 2 милијарди евра инвестиции во инфраструктурата, конечно завршување на автопатот Кичево – Охрид. Ковачевски пак гарантираевропски животен стандард, просечна плата од 1100 евра и минаимална од 600 евра.

Свет

Израел му возврати на Иран – одмазда или најава за нова војна?

Неполна недела по иранскиот напад со дронови и ракети, Израел го возврати ударот.

Експлозии утринава одекнале во Исфахан и Табриз, градови кои се дом на неколку воени и нуклеарни бази на иранската армија. Израелските власти за сега ниту потврдуваат,ниту демантираат дека стојат зад нападот, но американските медиуми пренесуваат дека официјален Вашингтон добил претходно предупредување за можен израелски напад. Техеран пак тврди дека нападот бил минимален и не предизвикал никаква штета. Дел од безбедносните експерти во ова гледаат начин на двете страни да ја де ескалираат ситуацијата.

-Двете страни тука, се обидуваат да си го обелат образот. Можете да видите дека израелците се обидуваат да си го обелат образот со тоа што ќе направат нешто, но не премногу за да ги вознемири сојузниците претерано. А иранците, се доста внимателни да не го преувеличат ова во моментот, и да покажат дека како што ќе реагираат, може да реагираат на начин кој нема да го погоди Израел директно. - Мајкл Кларк – безбедносен експерт

Иранските медиуми пак, дополнително ја минимизираат ситуацијата и обемот на нападот, прикажувајќи мирни сцени од Исфахан.

-Го гледате Исфахан кој е во целосен мир, луѓето си живеат нормално. Мислам дека два или три часа по полноќ се слушаа звуци на небото над Исфахан. Врз основа на информациите кои ги имаме, неколку мали дронови летале над небото, и врз нив било пукано, вели еден ирански новинар.

Иранската армија тврди дека нападот бил извршен со дронови, а звуците над Исфахан биле од воздушната одбрана која ги уништила сите летала. Воените бази според нив, немале никаква штета во нападот.

-Во Зардањан областа на Исфахан, постројката за нуклеарна енергија помеѓу 4.30 до 5.30 часот наутро се слушаше пукање, но тоа не беше ништо, само звукот на воздушната одбрана. Војниците кои ги гледате тука се сигурни и безбедни, барем во оваа област каде што сме. Ништо не беше погодено или уништено било каде. - Иранска републиканска гарда

-Иранците тврдат дека пресретнале неколку дронови и никој од нив не се пробил, тоа е малку веројатно, бидејќи Исфахан е илјада милји од Израел и никој при здрав разум не би испратил дронови илјада милји.- Мајкл Кларк – безбедносен експерт

Тензиите меѓу Израел и Иран се зголемија по експлозијата во иранскиот конзулат во Дамаск во која неколку ирански државјани го загубија животот, а Техеран прстот за тоа го впери кон израелските власти. Токму тоа беше и причината минатата недела Иран со над 300 беспилотни летала и проектили да го нападне Израел, чин за кој израелските власти најавија дека ќе се одмаздат.

притисни ентер