Шоу биз

Северина облеана во солзи: Го загуби старателството над синчето

Судијата Теа Голуб утринава донесе привремена мерка и реши синот на Северина Којиќ и српскиот бизнисмен Милан Поповиќ да живее со таткото.

Поповиќ сам ќе треба да се грижи за здравјето и образованието на детето , потврди адвокатот на Северина, Мате Матиќ. При изрекувањето на пресудата не биле присутни ниту Северина , ниту Поповиќ.

Адвокатот додаде дека одлуката стапува во сила веднаш, односно дека жалбата нема да го одложи извршувањето. Ова значи дека Северина треба веднаш да го предаде својот син на татко му, кој може да го однесе во Србија.

Матиќ ни рече дека нема основа за таква одлука и дека ќе ги преземе сите законски мерки за да го спречи Поповиќ да го однесе неговиот син во Србија.

„Само што неодамна се вклучив во целата приказна. Сè што видов на судењето е страшно“, ни рече тој, додавајќи дека тој не обвинувал никого, туку само донесувачите на одлуките.

Тој додаде дека вработена во центарот за социјална работа признала дека таткото две години немал средба со синот на Северина, но судот сепак ја почитувал нејзината препорака детето да му се даде на таткото.

Македонија

Во Македонска Каменица гласаат 6641 лице, излезноста до 9 часот 3,55 проценти

Во Македонска Каменица во рамки на Претседателските избори 2024 денеска треба да гласаат 6641 лица, кои се регистрирани во избирачкиот список. Гласачките места во оваа Општина биле отворени навреме, а гласањето се одвива без било какви проблеми.

До 09:00 часот кога е направен првиот пресек за излезноста на граѓаните од Општинската изборна комисија соопштија дека 3,55 е процентот на граѓани кои го оствариле своето право на глас

- Од вкупно регистрираните гласачи до 09:00 часот гласале вкупно 236 лица или 3,55 проценти од гласачите во Македонска Каменица го искористиле своето право на глас, информираа од ОИК.

Гласањето, како што додадоа, продолжува на избирачките места на кои граѓаните можат да го дадат својот глас за еден од седуммината кандидати за Претседател на државата.

Во меѓувреме, Општинската изборна комисија во соседната општина Делчево соопшти дека до 09:00 часот таму гласале 818 лица од вкупно 14.490 регистрирани гласачи што во проценти изнесува 5,65 проценти. /МИА

Фудбал

Жиру следната сезона ќе игра во американската лига

Оливие Жиру следната сезона ќе игра во американската МЛС лига.

Прославениот француски репрезентативец веќе потпишал договор на една и пол година со Лос Анџелес.

Напаѓачот во кариерата постигна 57 гола на 131 натпревар за Франција, а во новиот клуб ќе му се приклучи на долгогодишниот репрезентативен колега, голманот Хуго Лорис со кој го освои Светското првенство во 2018 година.

Французинот уште во март постигна договор со тимот од Лос Анџелес, а сега договорот е и официјално потпишан.

Жиру кариерата ја започна во Гренобл, потоа играше за Тур, Монпеље, потоа Арсенал, Челси, додека претходните три години играше за Милан, со кој беше и шампион на Италија.

Оваа сезона во сите натпреварувања за Милан Жиру постигна 15 голови. /МИА

Свет

Шест повредени во руски напад врз Харков

Руски ракети погодија изутрината станбени згради при што се повредени шест лица во украинскиот град Харков, напиша локалниот регионален гувернер Олег Синегубов на Телеграм.

Според Синегубов, во нападот биле погодени три станбени згради, две канцеларии и гасовод во централниот дел на градот. Оштетени се најмалку 568 прозорци и 33 автомобили.

Игор Терехов, градоначалникот на Харков, за украинската телевизија изјави дека во нападот биле употребени две ракети С-300, кои не предизвикале значителна штета на станбените области.

Според руски медиуми, во нападот се погодени воените бази во Харков, каде биле стационирани украински војници.

Терехов рече дека продолжува работата за обновување на снабдувањето со гас. /МИА

притисни ентер