Научниците се блиску до решение на мистеријата за површината на Сонцето

Научниците со години се обидуваат да ја решат  мистеријата што се јавува на површината на сонцето, односно не им е сосема јасно зошто надворешниот дел од атмосферата на нашата sвезда е сто пати потопол од површината на Сонцето.

Астрофизичарите претпоставуваат дека овој интересен феномен би можел да биде предизвикан од млазеви на соларна плазма кои излегуваат од внатрешноста и доведуваат до затоплување на надворешната атмосфера на Сонцето, но оваа хипотеза досега не е потврдена со дополнителни набљудувања, пренесува Science Alert.

Во најновата студија со наслов „Generation of solar spicules and subsequent atmospheric heating “, објавена во научното списание Science, астрофизичарите забележале дека магнетните полиња на површината на Сонцето се ротираат и се усогласуваат и со тоа произведуваат такви млазеви.

Тие забележале дека енергијата на магнетното поле се претвора во кинетичка и топлинска енергија, која потоа се пренесува во соларната плазма. Спикулите потоа се пробиваат низ хромосферата и одат сè до најоддалечениот слој на сончевата атмосфера - короната.

„Сликите со висока резолуција на сончевиот телескоп „Goode Solar“ јасно покажуваат дека се создаваат моќни млазеви плазма при повторно поврзување на спротивните магнетни полиња во долната сончева атмосфера“, изјави астрофизичарот Венда Као од Институтот за технологија во Њу Џерси.

„Ова е прв пат да видиме директен доказ за начин за формирање на шпикулите односно млазевите на соларна плазма“, додаде таа.

Овие се навистина големи млазеви, широки од 200 до 500 километри, а понекогаш високи и до илјада километри, и тие можат да се движат многу брзо - околу 100 километри во секунда.

Астрофизичарите ги проучувале и сликите на опсерваторијата за соларна динамика на НАСА за да измерат колку енергија се пренесува на горните слоеви на сончевата атмосфера.

Овие снимки потврдија дека шпикулите биле способни да достигнат и температура од околу милион степени Целзиусови, што би била доволно енергија за екстремно загревање на короната.

Се разбира, оваа студија сè уште не е цврст доказ дека шпикулите ја загреваат короната. Но, таа дефинитивно презентира докази за поддршка на оваа хипотеза и помогна да се разбере формирањето на шпикули и нивните циклуси.

“Вјасна“: Стотина поли­­­­тички затвореници во Белорусија се во многу лоша здравствена состојба

Белорусија започна брутална репресија врз опозицијата по масовните протести низ целата земја во втората половина на 2020 година.

Стотина политички затвореници во Белорусија, приведени во текот на жестоката конфронтација меѓу властите и опозицијата во изминатите години, имаат многу сериозни здравствени проблеми и можеби се на работ на смртта, соопшти „Вјасна“, белоруската организација за човекови права.

„Вјасна“, чиј основач е нобеловецот Алес Бијалијацки, кој, исто така, се наоѓа зад решетки, идентификуваше 93 затвореници чија здравствена состојба е особено загрижувачка, поради проблеми со рак, срце, болести и други состојби - запоставени или лошо третирани во затворски услови.

-Во заробеништво секоја болест напредува побрзо, во комбинација со недостаток на квалитетна здравствена заштита, изјави претставникот на „Вјасна“, Павел Сапелка и додаде: „На ова влијаат затворските услови: недостаток на свеж воздух, неухранетост, постојан психолошки притисок и стрес“.

Белорусија започна брутална репресија врз опозицијата по масовните протести низ целата земја во втората половина на 2020 година, кога беше оспорена шестата последователна изборна победа на авторитарниот претседател Александар Лукашенко.

Активистите за човекови права веруваат дека околу 35.000 луѓе биле приведени за време на задушувањето на тие демонстрации, од кои многумина биле претепани од полицијата.

Сите значајни опозиционери се или во затвор или во егзил.

„Вјасна“ проценува дека зад решетки во Белорусија има повеќе од 1.400 политички затвореници. /МИА

Најдобрите американски колеџи се борат со протести против војната во Газа

Протестите против војната во Газа се проширија од Колумбија и Јеил на други американски универзитети додека властите се обидуваат да го разбијат растечкото протестно движење, пренесува Би-Би-Си.

Полицијата синоќа го прекина протестот на Универзитетот во Њујорк и изврши голем број апсења.

Десетици студенти беа уапсени на Јеил претходно истиот ден, додека Колумбија ги откажа часовите со физичко присуство.

Слични „кампувања“ се појавија во Беркли, МИТ и други колеџи низ земјата.

Демонстрации и жестоки дебати за војната меѓу Израел и Газа и слободата на говор ги потресоа американските кампуси по терористичкиот напад на Хамас врз Израел на 7 октомври на кој Израел одговори со инвазија врз Појасот Газа. /МИА

Во САД, студентите од двете страни велат дека има пораст и на антисемитски и на исламофобични инциденти.

На прашањето за протестите во кампусите, американскиот претседател Џо Бајден вчера рече дека ги осудува „антисемитските протести“, како и „оние кои не сфаќаат што се случува со Палестинците“.

Протестното движење на кампусите го привлече вниманието на глобално ниво минатата недела откако полицијата во Њујорк беше повикана во кампусот на Универзитетот Колумбија и уапси десетици демонстранти.

Колумбија вчера објави соопштение во кое објави дека сите часови ќе се одржуваат онлајн, при што претседателот на Колумбија Минуш Шафик ги наведе како причина инцидентите со „застрашувачко и вознемирувачко однесување“.

Доктор Шафик рече дека тензиите во кампусот биле „искористени и засилени од поединци кои не се поврзани со Колумбија кои дошле во кампусот за да ги следат своите агенди“.

На Универзитетот во Њујорк, демонстрантите поставија шатори спроти школата за бизнис Стерн.

Како што беше случајот со некои други универзитети, демонстрантите на NYU го повикаа училиштето да ги открие и да ги отфрли своите „финансии и донации од производители на оружје и компании со интерес за израелската окупација“.

Полицијата синоќа почна да апси демонстранти Универзитетот во Њујорк.

Неколку часа претходно, речиси 50 демонстранти беа уапсени на Универзитетот Јеил во Њу Хевен, Конектикат, каде што на демонстрациите учествуваа неколку стотици луѓе во текот на викендот.

Универзитетот соопшти дека приведените игнорирале „повеќе барања“ да заминат.

Десет загинати во судар во воздух и уривање на два малезиски воени хеликоптери

Воената морнарица на Малезија соопшти дека два воени хеликоптери се судриле и се урнале за време на денешните вежби, при што загинале 10 лица во него.

Хеликоптерите биле на обука во поморска база во државата Перак за прославата на 90-годишнината од морнарицата, што ќе се одржи во мај, пишуваат француските медиуми.

„На лице место беше потврдено дека сите се мртви“, соопшти морнарицата, додавајќи дека посмртните останки се испратени во болница за идентификација.

Според снимките објавени на социјалните мрежи, едниот хеликоптер го фатил роторот на другиот, а потоа и двата се урнале.

Инцидентот се случил во 9:30 часот по локално време во градот Лумут, каде се наоѓа поморската база, јави Би-Би-Си.

Надлежните наведуваат дека ќе формираат комисија која ќе ги истражи причините за несреќата./МИА

притисни ентер