Македонија

Премиерот Заев не гледа ништо спорно во огромните надоместоци за СЈО

Како се делеле бонусите во Специјалното јавно обвинителство и дали имало злоупотреби, премиерот Зоран Заев очекува одговор од Обвинителството.

Тој застана во одбрана на обвинителите за кои, како што рече, не се водат истраги додека истражните органи не дадат одговори дали спротивно на законот се делеле бонуси со назнака додаток на доверливост.

Дали обвинителите од СЈО и нивната поранешна шефица Катица Јанева незаконски земале илјадници евра како додатоци проверува Јавното обвинителство. Детали од институцијата не откриваат но и денеска потсетуваат дека до поставувањето на алатката Отворени финансии висината на надоместоците и како се пресметувале не им биле достапни. Управата за јавни приходи пак чека наредба од Обвинителството.

Одлуката околу евентуална кривична истрага на Обвинителството ја чека и државното правобранителство. Тоа ќе постапи по службена должност ако се докаже дека е оштетен државниот буџет.

И Антикорупциска дополнително ќе одлучува дали ќе отвори предмет.

Според базата на Министерството за финансии, без износот за плати, вкупната сума за бонуси на обвинителите од СЈО надминува над 700 илјади евра, а највисоката е на тогашната шефица Катица Јанева, 137 илјади евра. Дел од сека поранешните обвинители во СЈО кои не сакаа јавно да коментираат велат дека само Јанева ја имала можноста да одлучи кој колкав бонус ќе земе.

Фудбал

Тренерот на Порто доби отказ по само шест месеци на позицијата

Порто го отпушти тренерот Витор Бруно, објави португалскиот клуб по двата порази од Национал и Жил Висенте, а двократниот освојувач на Лигата на шампионите е трет во табелата во локалната лига по 18 натпревари.

Бруно беше назначен во јуни 2024 година, потпишувајќи двегодишен договор, кога го замени Серхио Консеиао, кој си замина по седум сезони во кои освои 11 титули, вклучувајќи три титули во португалската лига.

Односот на Бруно со играчите се влоши откако Порто испадна од Лига купот по поразот од Спортинг со 1-0 во полуфиналето, а играчот од средниот ред, Пепе го критикуваше тренерот на социјалните мрежи.

Порто, една од 32-те екипи кои се квалификуваа за проширеното Светско клупско првенство во 2025 година, што ќе се одржи во САД од 15 јуни до 13 јули, ќе се соочи со Олимпијакос во четврток во натпревар од Лигата на Европа.

Свет

Украина планира советувалишта за бегалците кои сакаат да се вратат дома

Украина сака да ги зголеми напорите да ги убеди бегалците во Германија да се вратат, а украинската влада планира советувалишта за бегалците кои сакаат да се вратат во Украина, изјави денеска украинскиот вицепремиер, Олексеј Чернишов.

-Голем број бегалци во Германија сериозно планираат да се вратат во Украина и ние мора да им помогнеме во тоа, изјави Олексеј Чернишов за германските медиуми.

Чернишов, кој го предводи новоформираното Министерство за враќање на бегалците, минатата недела беше во Берлин подготвувајќи се да изгради центри каде што украинските бегалци во Германија би можеле да добијат совети и помош при враќањето во Украина.

Тој објасни дека Украина страда од недостиг од војници, како и од работна сила во важни сектори. „Ситуацијата е особено критична во енергетскиот сектор, воената индустрија и градежништвото“, рече Чернишов.

Тој им рече на регрутите дека ќе бидат ослободени од воена служба доколку се стават на располагање на еден од секторите со дефицит. „Секој што работи во електраната нема да биде регрутиран. Тоа е загарантирано“, изјави украинскиот вицепремиер.

Според него, центрите ќе даваат поддршка и за оние кои не сакаат да се вратат во Украина, а се невработени во Германија.

Од почетокот на руската агресија врз оваа земја во Германија пристигнале 1,1 милион бегалци од Украина.

Неодамна во Германија се засили дебатата за нивниот статус. Водечката Христијанско-демократска унија ЦДУ/ЦСУ постојано бараше да се намали државната помош за украинските бегалци.

Фудбал

Наполи во финални преговори за Гарначо

Директорите на Наполи наскоро ќе се сретнат со своите колеги од Манчестер Јунајтед за трансферот на Алехандро Гарначо, пишува „Кориере дело Спорт“.

„Црвените ѓаволи“ ќе патуваат во Италија, каде што ќе преговараат за Патрик Доргу од Лече.

Според изданието, деновиве ќе има вести за договорот со Гарначо.

Наполи веќе понуди околу 50 милиони евра за Аргентинецот и се верува дека конечната понуда би можела да достигне 60 милиони. Се шпекулира дека од Манчестер Јунајтед бараат 80 милиони евра.

Гарначо (20) веќе ги договорил личните услови со Италијанците и се чека само одлуката на „црвените ѓаволи“.

Аргентинецот се гледа како наследник на Хвича Кварацхелија, кој се пресели во ПСЖ.