По обвинувањата на СДСМ дека Мицкоски едно зборува во странство, а друго дома, бугарскиот европратеник Андреј Ковачев во интервју за бугарското радио Фокус упати предупредување до ВМРО-ДПМНЕ за според него непријатните изјави на членови на раководството на оваа партија против Бугарија
„Тоа е апсолутно недопустливо и убеден сум дека ние нема да го оставиме без последици нивното однесување, ако е таков односот на таа партија кон Бугарија. Сакаат да им се извиниме за последните 300 години, колку лоша била Бугарија кон Македонија и Македонците и целата пропаганда од 1944 година беше одново воскресната“, изјави Ковачев.
Тој напомена дека со Премиерот Борисов сакале да дознаат од Мицкоски дали ако победи на избори ќе го почитува Договорот за добрососедство и заедничката историја, а и личностите како Гоце Делчев, Дамјан Груев, браќата Миладинови, Тодор Александров, и целата плејада преродбеници и револуционери, кои се самоопределувале како етнички Бугари.
„Тоа фалсификување повеќе не може да се трпи“, вели Ковачев.
Мицковски во интервју за Курир пак снимањето на неформалниот разговор од средбата со Борисов го оцени како малку непријатно . Тој рече дека никаде не го споменал договорот и дека владата се обидува да шири лажни вести
„Инаку да, порано сум истакнал, му го кажав тоа и на г-динот Борисов, а еве ќе го повторам и сега дека имам намера да подржам се што е добро за двете земји, тоа подразбира дека без никакви дилеми подржувам економска соработка, да јакнеме трговски, да градиме соработка со соседите, културно, спортски, научно да соработуваме“,вели Ковачев.
Инаку вчера Премиерот Заев го обвини Мицкоски за лицемерие, дека пред Бугарите рекол дека го прифаќа договорот, а дека дома друго кажува.