„Само Вистина“ со Александар Пандов и Лидија Димова

Во вечерашната „Само Вистина“ дебатираа Александар Пандов и Лидија Димова.

- Политичкиот аналитичар Александар Пандов и директорката на Националната агенција за образовни програми и мобилност Лидија Димова во вечерашното издание на „Само вистина“ се согласија дека изјавата на бугарскиот премиер Бојко Борисов дека Македонија не смее да ја употребува фразата „бугарски фашистички окупатор“ е популистичка и служи за собирање политички поени во неговата држава Бугарија

- Директорката на Националната агенција за образовни програми и мобилност Лидија Димова верува дека на претстојните предвремени парламентарни избори СДСМ ќе победи затоа што, како што вели таа не гледа дека во ВМРО-ДПМНЕ има нови имиња, нова агенда, нова порака. За нејзиниот вечерашен соговорник, политичкиот аналитичар Александар Пандов нема дилема дека следната влада ќе ја формира ВМРО-ДПМНЕ

- Јас и’ верувам на Фросина Ременски и не би коментирала дали таа треба да поднесе оставка по отворањето на друга истрага поврзана со случајот „Рекет“, изјави вечерва во „Само вистина“, директорката на Националната агенција за образовни програми и мобилност Лидија Димова. Политичкиот аналитичар Александар Пандов пак нема дилема дека потпретседателката на Собранието треба да поднесе оставка и да одговара затоа што, според него, таа имала преголема моќ во рацете со која можела да влијае на случувањата што претходеа на аферата „Рекет“

Повеќе детали погледнете во најновото издание на „Само Вистина".

Филипче: По 40 години, целосно се реновирани двете гинеколошки операциони сали во специјалната болница за гинекологија и акушерство „Мајка Тереза" во Чаир

Во Специјалната болница за гинекологија и акушерство „Мајка Тереза" во Чаир првпат по четири децении се реновирани двете гинеколошки операциони сали. 

Станува збор за реконструкција на простор на површина од 420 м2, со целосно реновирање на двете постојни гинеколошки оперативни сали и воведување централен довод на гасови, како и целосно реновирање на одделот за реанимација и интензивно лекување, во вредност од 86.061.823 денари.

Паралелно со активностите за реконструкција и обезбедувањето нова медицинска опрема, во континуитет се врши и надополнување на кадарот и унапредување на експертизата на вработените. Во последните три години во болницата се примени вкупно 46 здравствени работници, од кои 11 доктори, 13 медицински сестри, пет акушерки и останат медицински и немедицински кадар. Исто така, се одобрени пет специјализации, две од областа на анестезиологија и по една за медицинска биохемија, болничка педијатрија и гинекологија и акушерство.

Значајна новина е и почнатата гасификација на котелот за парно греење во оваа јавна здравствена установа. Со години наназад, стариот котел беше загадувач во градот Скопје. И во услови на пандемија со Ковид-19 продолжува унапредувањето на условите во сите јавно-здравствени установи и подобра здравствена грижа за сите граѓани.

Во Србија е прогласена вонредна состојба во 16 града и општини поради влошување на епидемиолошката состојба

Во Србија е прогласена вонредна состојба во 16 града и општини поради влошување на епидемиолошката состојба.

Вонредната состојбата, која подразбира преземање посебни мерки за да се спречи ширењето на новиот коронавирус, е на сила во Белград, Богатиќ, Владичин Хан, Лучани, Нови Пазар, Тутин, Крагуевац, Врање, Ивањица, Шабац, Чачак, Краљево, Ариље, Пожега, Ужице и Прибој.

Во Србија во последните 24 часа се потврдени 289 нови случаи на коронавирус, во истиот период починале уште шест лица, на респираторни машини се приклучени 93 лица.

Вечерва во „Само вистина“ ќе гостуваат Мила Царовска и Тимчо Муцунски

Кој ќе го врати достоинството, а кој има „хоби“ да ветува?

Драги сограѓани, активисти, подржувачи и симпатизери, предизборната кампања на средина, реториката е се пожешка, „можеме“ или „обнова“, чија програма повеќе „допира“ до граѓаните да излезат на гласање среде пандемија, вечерва во Само Вистина гледајте го дуелот на носителот на пратеничка листа на прватата изборна единица од СДСМ Мила Царовска и кандидатот за пратеник во првата изборна единица од ВМРО-ДПМНЕ Тимчо Муцуски.

Кој ќе го врати достоинството, а кој има „хоби“ да ветува?

Кој ќе попушти пред барањето на ДУИ и заканата на Села за премиер Албанец, СДСМ или ВМРО-ДПМНЕ?

Царовска е „љубител“ на странски приватни фондови, а Муцунски и неговите ВМРО-ДПМНЕ ветуваат 25% зголемување на плати наредните 4 години. Има ли Македонија некој „скриен“ рудник на пари за ги реализираат фантастичните ветувања двете партии?

Или Минхаузен повторно ќе се превртува во гробот?

СДСМ или ВМРО-ДПМНЕ, кој ќе остане во опозиција да си ја исправи „ставата“?

„Добивме 500-тини евра просечна плата“, се најавуваат и 600-тини, уште колку задолжувања може да „претрпи“ домашната каса?

Ќе ја добиеме ли на есен толку долгоочекуваната европска Влада, вечерва на најголемата политичка арена Само Вистина, Мила Царовска и Тимчо Муцунски, ексклузивн на Канал 5 Теевизија.

притисни ентер