Собранието го донесе законот за дополнително финансирање за автопатот Кичево-Охрид

Законот предвидува склучување на трет анекс на Договорот за дополнително финансирање на изградбата на автопатот Кичево – Охрид во висина од 179 милиони долари.

Собранието на Република Македонија со 68 гласа „за" денеска го изгласа Предлог-законот за гаранција на РСМ на обврските по договорот за заем за дополнително финансирање за проектот за изградба на автопат – делница Кичево – Охрид што ќе се склучи меѓу Експорт-импорт банката на Кина и Јавното претпријатија за државни патишта што се носи по скратена постапка.

Законот предвидува склучување на трет анекс на Договорот за дополнително финансирање на изградбата на автопатот Кичево – Охрид во висина од 179 милиони долари.

Иако и власта и опозицијата ја поддржаа изградбата на овој автопат, и на вториот ден од дебатата спореа за одолжувањето на изградбата на овој автопат, кој е од особена важност за тамошните жители и туристите кои одат за Охрид, за тоа дали се потребни клучките и колку тие се економски оправдани, но и за обвинувањата дека проектот бил криминализиран.

-Сами признавте дека трасата на автопатот не е згрешена, рече Трајчо Димков од ВМРО-ДПМНЕ за кого средствата предвидени за изградба на клучки за излез на локалните патишта се премногу големи. Тој обвини дека патот Штип-Кочани иако бил почнат многу порано на него не се работи, додека Штип-Радовиш се прави и тоа, како што рече Димков, бидејќи премиерот патува кон Струмица по него.

Министерот за транспорт и врски Горан Сугарески, го демантираше Димков велејќи дека не е точно тоа што го тврди за премиерот и оти клучките на автопатот им се потребни на локалните жители.

Пратеникот Трајко Вељаноски, иако изнесе низа забелешки, побара од Сугарески побрзо да се изгради оваа делница, со која се доцни веќе 2,5 години, бидејќи тоа е потребно не само за локалните жители туку и за туристите кои одат кон Охрид и тој регион.

Кога Сугарески бил во опозиција, како што рече Вељаноски, велел дека проектот е криминален, додека сега вели дека е добар. – Ги баравте трасата и тунелот, а ништо не сменивте во трасата. Тунелот е истиот. За овие 2,5 години ништо не направивте. Нарушена е безбедноста на тие што патуваат, а има и штета на тоа што е направено. Можевте да викате дека проектот е криминален, но требаше да продолжите да градите. Зошто од ноември 2018 ви требаше една година да го доставите овој закон во Собранието? Има шпекулации дека претходниот министер за финансии не сакал да го потпише овој закон, рече, меѓу другото, Вељаноски. Рокот на изградба е до јуни 2021 година, но пратеникот на ВМРО-ДПМНЕ смета дека тој ќе биде пробиен.

Министерот одговори дека нема дилема дека некој не сакал да продолжи работата на автопатот и дека не било измислено тоа дека проектната документација не соодветствувала со реалната состојба.

Собраниската 116. седница продолжи со измените и дополнувањата на Законот за земјоделство и рурален развој, по скратена постапка, за што дебата ќе биде отворена по паузата од еден час.

Квинтетот на Симон Трпчески и оркестарот „Ајга“ со два концерти во Скопје

 Квинтетот на Симон Трпчески и камерниот оркестар „Ајга“ ќе го изведат проектот „Македонисимо“ со оркестарската верзија, на два концерта, во салата на Македонската филхармонија. Ова беше кажано на денешната прес-конференција.

- Мислам дека направивме еден феноменален историски чекор за македонската музика, уметност и за Македонија како земја, рече Трпчески.

Диригентката Ана Спасовска, зборувајќи во име на оркестарот, изрази задоволство од соработката.

- Ова ќе биде балканска и македонска премиера. Сметам дека многу одговорно пристапуваме кон нашата задача, да го исполниме „Македонисимо“ најдобро што можеме, бидејќи ние како Македонци, сметам дека нашите ора, би можеле да ги изведеме најубаво, бидејќи најубаво и ги чувствуваме. А всушност тоа е музиката, чувствата да ги пренесеме кон публиката, подвлече Спасовска.

Композиторот Панде Шахов нагласи дека проектот е симболичен, бидејќи дава шанса на исклучително талентирани музичари да свират заедно, нагласувајќи дека соработката ќе продолжи и во иднина.

На средбата беше кажано дека концертите се на стартот од првото издание на Скопје Интернационалниот музички фестивал.

Притоа, беше нагласено дека по распродадениот прв концерт, закажан за 1 април, закажан е втор концерт на 31 март.

Костадиновска-Стојчевска на средба со Јоли: Соработката со Албанија дава резултати

Министерката за култура Бисера Костадиновска-Стојчевска денеска оствари средба со префектот на округот Корча, Нерти Јоли, со кој разговараа за соработката помеѓу Македонија и Албанија во областа на културата, за досегашната реализација на проекти.

„Имаме одлична соработка и секоја укажана прилика ја користиме за продлабочување на пријателските врски меѓу двете држави. Традиционално добрите односи со Албанија дополнително ги зајакнуваме со прекуграничната соработка, како најдобар европски модел за подобрување на квалитетот на животот на граѓаните“, изјави Костадиновска-Стојчевска.

Префектот на округот Корча, Нерти Јоли на средбата рече преку сериозна и темелна соработка на двете држави, важни проекти и иницијативи се реализирани во културата, инфраструктурата и туризмот, изразувајќи интерес за партнерство во идните проекти.

Костадиновска-Стојчевска и Јоли се согласија дека Пустец е посебен за двете држави и дека со унапредување на соработката не само во областа на културата ќе може да се направи многу повеќе за граѓаните од двете страни на границата.

Министерката потенцирање дека успешно реализираната иницијатива „Денови на македонската култура во Корча“ во која учество зеде и Културно-информативниот центар на Македонија во Тирана и Министерството за култура има големи придобивки во контекст на унапредувањето на културната соработка меѓу двете држави и изрази уверување дека оваа манифестација, со поддршка на округот Корча ќе стане традиционална, бидејќи е убава можност за промоција на македонската култура и истата ги негува релациите со Македонците во Корча.

На средбата беше истакната и петнаесетгодишната соработката помеѓу битолскиот универзитет со албанскиот универзитет Фан С. Ноли, како и за поддршката за промоција и афирмација на македонскиот јазик во Албанија, за што министерката Костадиновска –Стојчевска изрази верување дека иницијативата за изучување на македонскиот јазик на Универзитетот Фан С. Ноли во Корча ќе има уште поголем од младите и идни студенти, соопшти Министерството за култура.

Нетанјаху даде зелено светло за нова рунда преговори за примирје во Газа

Израелскиот премиер Бенјамин Нетанјаху даде зелено светло за нова рунда разговори во Катар и Египет, чија цел е да се постигне примирје во Газа, соопшти денеска израелската Влада.

„Бенјамин Нетанјаху се сретна со директорот на Мосад (надворешното разузнавање на Израел) и директорот на Шин Бет (внатрешно разузнавање) и одобри продолжување на новата рунда разговори во наредните денови во Доха и Каиро“, се вели во владиното соопштение.

притисни ентер