Карпош мапираше критични точки за потенцијални депонии

Надлежните служби во Карпош мапираа 13 локации на територија на Општината каде има создадено отпад на јавни површини.

Преку стратешки пристап и нивно мапирање, локалната самоуправа презема мерка за чистење на овие т.н. диви депонии.

Од општина Карпош соопштија дека како дел од мерките и активностите предвидени во Акцискиот план за спроведување на мерки и активности дефинирани со ЛЕАП (Локален Еколошки Акционен План за 2019 година, од областа отпад), Секторот за екологија и енергетска ефикасност започна со евидентирање и изготвување на листа и мапа на ѓубришта на територија на Општина Карпош. За истата цел, Секторот соработувал со урбаните заедници во Општината. Урбаните заедници, од нивна страна пак, пријавиле можни локации за несоодветно и несовесно одлaгање на отпад на територијата на Карпош.

– При оваа акција е констатирано дека е зачестена појавата на несовесно одлагање на отпад на повеќе локации, јавни површини во oпштина Карпош каде што се поставени контејнери. За таа цел, изготвена е мапа на покритични ѓубришта на територија на Карпош, а и Општината веќе презема превентивни и конкретни активности тие да не прераснат во депонии, наведуваат во соопштението.

Локалната самоуправа ги интензивирала инспекциските контроли, со тоа што десет службеници од урбаните заедници добиле овластување за комунални редари, со цел да се санкционираат загадувачите на терен.

Општина Карпош започна со чистење на овие критични локации. Минатата недела се исчистила депонијата во Злокуќани, кај фудбалското игралиште. Се подигнале депониите кај „Газела" (спроти Карпош 4) и во близина на спортскиот центар „Борис Трајковски".

Како што соопшти Општината, следува чистење на депонии во близина на реката Лепенец и од другата страна на мостот „Газела".

Започнавме со информативна кампања, која ќе допре до сите граѓани за правилно одлагање на џебниот, комуналниот, кабастиот, електричниот и електронскиот отпад. Врз основа на подготвената мапа, комуналните служби на Карпош се фокусираат на чистење на јавните површини, како и на комуникација со градските власти и јавни претпријатија, за „загрозените" површини кои се во нивниот делокруг на работење, стои во соопштението.

„Само Интервју” вечерва со Талат Џафери

Во вечерашнoтo „Само Интервју” ќе гостува Талат Џафери.

Дами и господа, петок е ден за „Само Интервју“, а вечерва ќе гостува Собранискиот спикер Талат Џафери.

Скафандери во Собрание, политички препреки и исцрпувачки седници за економските мерки, има ли законодавниот дом атмосфера за решавање на проблемите на граѓаните или стана самиот проблем?

Четири години по крвавиот 27 април, ја знаеме ли целата вистина?

Кога судот се откажа, можеше ли Собранието да покрене иницијатива за обесштетување на новинарите -сведоци на крвавиот четврток?

Дали им се лути на Заев и Мицкоски што не го поканија на лидерска? Можно ли е овој состав да биде ефикасен или предвремени избори се најдобро решение?

Вечерва во „Само Интервју“, Гоце Михајлоски прашува, Талат Џафери одговара, а вие гледајте Канал 5 Телевизија.

Жената мамела на возачки испит, сопругот го гризнал сопственикот на авто школата

Возачкиот испит во Австрија морало да го запре полицијата,откако инструкторите откриле дека еден ученик од автошколата се обидува да ги заобиколи правилата.

Авто школата во градот Инсбрук контактирала со полицијата откако 40-годишата кандидатка започнала да се однесува чудно додека полагала писмен испит, изјавил вчера полицискиот портпарол.

Жената сторила сé за да се осигура дека ќе го положи возачкиот испит: имала слушалки со Bluetooth и скриена камера зашиени во нејзиниот џемпер.

Додека полицијата ја испрашувала, нејзиниот сопруг се појавил и сакал да ја напушти автошколата со неа. Ситуацијата на крајот ескалирала кога мажот го каснал за рамо сопственикот на автошколата.

Двојката доби куп полициски пријави: тој за напад , а таа за мамење на испитот, но тие сепак не завршиле во притвор.

Била бездомничка, а сега заработува милиони од фотографии и го вжештува Инстаграм (ФОТО)

Приказната на Елиза Роуз Вотсон звучи како сценарио на некој холивудски филм. 

31-годишната поранешна наставничка во еден момент од животот се најде на улица, како бездомник зависничка од наркотици и алкохол, а денес заработува милиони на платформата „ OnlyFans “.

Овој дипломиран психолог станала зависник од дрога на 23-годишна возраст, кога започнала да работи како манекенка. Потоа започнала да користи кокаин и некои други опијати, а покрај тоа станала зависна од алкохол. Се борела со тоа цели четири години.

„Би ги дала сите пари што би ги заработила за алкохол или кокаин“, изјави сега Елиза за британските медиуми, признавајќи дека украла пари и од нејзината мајка. Наскоро се нашла на улица, справувајќи се и со спиење со непознати мажи. Еден пријател ја убедил да побара помош.

"Еден ден таа се појави пред мојата врата и јас бев толку уморна што само отидов со неа кај анонимни алкохоличари. Почнав да се справувам со моите проблеми. Дотогаш, неколку пати се обидов да извршам самоубиство додека бев во болница и во полиција. Знаев дека не можам да продолжам така “, вели Елиза.

По рехабилитацијата се вработила во градинка. Таа вели дека за време на вработувањето била целосно искрена за своето минато и дека решиле да и дадат шанса, за што е многу благодарна. "Работата беше совршена, но не можев да заработам доволно. Сакав да ги вратам парите што ги украдов од мајка ми, да вратам некои долгови и да станам независна", вели таа.

Затоа, таа се свртела кон „ OnlyFans “. Во декември 2019 година, таа отворила профил на таа 18+ платформа. Првично заработувала, вели таа, 2.000 фунти месечно, а во пандемијата 100.000 фунти месечно. Заработила милион фунти последнава година.

Работи 16 часа на ден, седум дена во неделата. "Не се само сексуални разговори, сè е таму. Постојат жени кои ме прашуваат за совети за вежбање и слично", вели таа. "Тоа е како заедница. OnlyFans ми дозволува флексибилен живот, кога мајка ми или некој близок ми е потребен, веднаш можам да бидам таму за нив", заклучила Елиза, која сега на Инстаграм ја следат скоро милион луѓе.

притисни ентер