Димче Арсовски: СДСМ втор ден молчи за ослободувањето на Катица Јанева

Втор ден од СДСМ молчат за ослободувањето на Катица Јанева и вдомувањето кај нејзиниот син Лазар Јанев, кој исто така е под кривична пријава од оштетен во случајот Рекет.

Зоран Заев лично ја извади Катица Јанева од затвор, се со цел да не пропее и да не ја разоткрие целата шема на рекетирање во која директно е вмешан политичкиот врв на СДСМ.

Русковска обвинителството и Кацарска судството совршено, но провидно го глумат театарот дека наводно се караат за ослободувањето на Катица Јанева, додека пак Заев, СДСМ и Владата молчат и гледаат од страна.

Сите се свесни дека Зоран Заев е тој што ја ослободува Катица Јанева од притвор, бидејќи и самиот си имаше кажано уште на лидерската средба во Собрание пред неколку месеци дека ќе ја ослободи и ќе ја извади Катица Јанева од притвор.

Нема јакна што може да го покрие срамот од оваа срамна и смешна одлука на институциите.

Сценариото е организирано од СДСМ. Целата постапка за случајот Рекет се водеше непрофесионално и аматерски. Катица Јанева најпрвин ги избриша доказите и ги форматираше компјутерите во СЈО, потоа ги изгуби телефоните исто како и Фросина Ременски.

Целта на ваквата аматерска истрага е да Вилма Русковска го заштити Зоран Заев од криминалниот случај за рекетирањето каде што најпрвин негираа дека има случај, па негираа дека се вмешани политичари од СДСМ и на крај се испостави дека се што говоревме од оваа говорница е точно и е така.

Ослободувањето на Катица Јанева и уште 1000 други криминалци претходно во изминативе 2 години откако е СДСМ на власт е доволен показател дека власта, Заев, Оливер Спасовски, СДСМ и сите останати се во длабока спрега и коалиција со криминалот и тоа мора да се казни.

Одговорност за ваквото однесување на Обвинителството и Судот мора некој да сноси.

Потребна е обнова на Македонија и тоа ќе се случи веднаш по 12 април.

Прес-конференција на Димче Арсовски, портпарол на ВМРО-ДПМНЕ

Заев: Коалицијата Можеме е победник на овие избори!

Претседателот на СДСМ Зоран Заев во обраќањето рече дека коалицијата Можеме е победник на предвремените парламентарни избори со најмалку три пратеника предност пред ВМРО-ДПМНЕ.

Заев рече дека коалицијата има сигурна и стабилна предност од најмалку тројц апратеници , со мошност за добивање уште двајца или тројца.

,,Со оваа ваша поддршка не обврзувате на одговорност, но може да работиме уште повеќе и уште подобро" , рече Заев .

ДИК: СДСМ 36,13%, ВМРО-ДПМНЕ 34,65%, ДУИ 11,57%, АА и А 8,79%

Од преброени гласови 96,93 отсто од избирачките ливчиња, Коалицијата предводена од СДСМ „Можеме" води со освоени 36,13 отсто од гласовите пред ВМРО-ДПМНЕ со 34,65.

Податоците објавени од Државната изборна комисија во нивното седиште, имајќи предвид дека веб страницата повеќе од еден час не им функционира, покажуваат дека за ДУИ гласале 11,57, за Алијанса на Албанците и Алтернатива 8,79, за Левица 3,96, ДПА 1,48 и за Интегра 1,33 , а другите партии и коалиции учесници на изборите имаат под 0,4 отсто, информира пред малку на прес конференција портпаролот на ДИК , Адмир Шабани.

Јанушев: ВМРО-ДПМНЕ влегува во трка за формирање на нова влада

Народот покажа дека народот не сака криминална и коруптивна власт, рече генералниот секретар на ВМРО – ДПМНЕ , Игор Јанушев.

Победивме во голем број градови и населени места рече Јанушев. Трката е тесна речиси изедначена , да почекаме да ги видиме финалните бројки.

ВМРО-ДПМНЕ влегува во трка за обезбедување мнозинство за формирање на нова влада .

притисни ентер