Новиот лидер на Европската народна партија, Доналд Туск, најави борба против популистите

Претседателот на Европскиот совет во заминување, Доналд Туск, е новиот претседател на Европската народна партија (ЕПП), беше изгласано денеска во Загреб ,по  што Туск вети дека ќе се бори против популистите.

Претставниците на европските народни партии гласаа со 491 гласа за Туск, а против биле 37 делегати на Конгресот на ЕПП.

Туск на лидерскоот место на ЕПП го замени Французинот Жозеф Доул, кој ја предводи партијата од крајот на 2013 година.

Туск (62) беше единствениот кандидат за нов шеф на централно-десничарската европска партија и најсилната политичка група во Европскиот парламент.

На крајот на ноември, му истекува мандатот како претседател на Европскиот совет, на кој беше избран во 2014 и 2017 година.

„Подобро е да се биде претседател на ЕПП отколку поранешен претседател на Европскиот совет“, се пошегува Туск, откако беа објавени резултатите.

Претходно , денеска тој изјави дека е уморен од тоа да биде првиот европски бирократ и треба да премине во борба против популистите.

„Од една страна, има партии на неодговорен популизам, а од друга, е нашата партија која е одговорна за популарноста“,рече тој пред делегатите од околу четириесет земји.

"По пет години, јас сум уморен од тоа да бидам главен европски бирократ. Подготвен сум за борба, се надевам дека и вие сте подготвени", додаде Туск.

Активистот на ,,Солидарност’ од 1980-тите стана најдолготрајниот премиер во пост-комунистичка Полска (2007-2014). Тој беше еден од основачите на центристичката партија Граѓанска платформа, членка на ЕПП што ја предводеше од 2003 до 2014 година.

Со 182 од 751 освоени места, ЕПП е најголемата група во Европскиот парламент и заедно со социјалистите, либералите и зелените, формираат мнозинска проевропска алијанса.

Туск рече дека стравот одигра голема улога во политиката и дека во пресрет на мигрантската криза и терористичките напади, луѓето во последниве години бараат чувство на безбедност.

„Затоа нивните срца толку лесно ги освојуваат оние што викаат ,,станете” , повторно направете ја вашата земја голема, повторно вратете ја контролата’ “, рече Туск, алудирајќи на „мантрите“ на популистичките лидери во Европа и изборниот слоган на американскиот претседател Доналд Трамп.

Но, тој тврди дека само оние што сакаат и можат да им дадат чувство на сигурност на луѓето имаат право да владеат додека ги штитат нивните слободи и права.

„Ние нема да ги жртвуваме вредностите како граѓанските слободи, владеењето на законот и пристојното јавно однесување пред олтарот на безбедноста и редот, затоа што нема потреба за тоа“, додаде тој.

„Оние што не можат да го прифатат ова, де факто се исклучени од семејството“, рече Туск, очигледно осврнувајќи се на партијата „Фидес“ на унгарскиот премиер Виктор Орбан, која беше суспендирана од ЕНП во март поради кршење на демократските стандарди во земјата.

„Дубаи мол“ лани го посетиле рекордни 105 милиони луѓе

 Сопствениците на „Дубаи мол“ во Обединетите Арапски Емирати, сооопштија дека трговскиот центар лани го посетиле рекордни 105 милиони луѓе, што го прави најпосетуваното место во светот во 2023 година.

Така, трговскиот центар стана светска атракција, според управителите, привлекувајќи посетители од целиот свет. Управата наведува и дека е забележан скок од над 19 отсто во однос на 88 милиони во 2022 година. А пак, само во првите два месеци од оваа 2024 година, забележани се 20 милиони посетители, така што и годинава „Дубаи мол“ најверојатно ќе постави нов рекорди.

- Овие бројки го одразуваат импресивниот статус на трговскиот центар во Дубаи и го одразуваат напредното лидерство на Дубаи и силната економија. Нашиот трговски центар го отелотворува живиот дух на градот и посветеноста на извонредноста, претворајќи ја визијата на менаџментот во реалност. Како составен дел од економското ткиво на Дубаи, ние играме клучна улога во неговиот успех и иновативност, рече Мохамед Алабар, основач на компанијата „Емаар“ којашто управува со трговскиот центар.

„Дубаи мол“ има околу 1.200 продавници на познати брендови облека, обувки, модни додатоци, апарати за домаќинство итн, а тука се наоѓаат и околу 200 ресторани и кафулиња. Уште една причина за посетеноста е и аквариумот, каде што живеат 33.000 животни. /МИА

Куќен притвор од 48 часа за две лица поради убиството на лекарот во Железара

Куќен притвор во траење од 48 часа е определен за две од лицата кои беа задржани за убиството на докторот во скопската населба Железара, соопшти утринава Јавното обвинителство. 

Оттаму информираат дека ваква мерка е побарана со оглед на тоа што се уште се преземаат дејствија за обезбедување докази.

- Јавен обвинител од скопското Основно јавно обвинителство, синоќа до судијата на претходна постапка од Основниот кривичен суд Скопје, достави предлог за определување мерка краткотраен куќен притвор, во траење од 48 часа, за две од лицата кои беа задржани во врска со убиството на лекар во скопската населба Железара. Тоа, со оглед на тоа што сѐ уште се преземаат дејствија за обезбедување докази. Предлогот е прифатен и бараната мерка е определена, се вели во информацијата од Јавното обвинителство.

Техничкиот министер за внатрешни работи Панче Тошковски вчера изјави дека се приведени вкупно три лица поврзани со убиството на лекарот.

- Претресот е завршен во текот на доцните часови, се продолжува со други истражни дејствија, со цел да може да се утврди соодветно фактичка состојба, штом имаме дополнително нови информации, јавноста ќе биде благовремено известена, изјави Тошковски, при посетата на општина Босилово.

Шеесет и седумгодишниот лекар, минатата недела беше пронајден избоден до смрт во неговиот автомобил. Според првичните информации, мотивот за убиството не е поврзан со професијата на жртвата.

Лек за слабеење кој ја зголемува плодноста кај жената

Лекот за дијабетес „Оземпик“ (Ozempik), којшто многу жени го користат и за губење килограми, има уште еден „неочекуван ефект“ - бременост, објави „Пипл“ (People).

Дека сè ова не е случајност, се чини, укажува тоа што на интернет сè почесто се појавуваат приказни за жени кои забремениле поради „Оземпик“... Се покажа дека тој лек некако „ги неутрализира“ контрацептивните средства коишто корисничката ги зема во истовреме... А пак, други си се сметале за неплодни, па бременоста ги изненадила. Така, една жена раскажува дека не можела да забремени неколку години, па со партнерот им успеало откако таа два месеци редовно земала „Оземпик“ заради слабеење. И, родила здраво дете.

Се испостави дека самото губењето тежина, всушност, влијае врз плодноста и општото хормонално ниво.

- Дури и ако се работи за само неколку килограми, тоа веќе може да доведе до продолжување на овулацијата кај жената и таа ќе може да забремени. Нашите масни клетки произведуваат естроген, којшто може да има негативен ефект врз нашите јајници и овулацијата. Тоа може негативно да влијае и на слузницата на ендометриумот, вели акушер-гинекологот Иман Салех.

Покрај тоа, „Оземпик“ со својата формула го намалува и ефектот на контрацептивни лекови, што бара дополнително внимавање додека се зема овој лек.

Сепак, лекарите забрануваат земање на лекот само заради бременост - тоа е премногу опасно и за мајката, а потоа и за детето.

„Испитувањата на стаорци, зајаци и мајмуни покажуваат дека лековите за слабеење може да предизвикаат и спонтан абортус и вродени деформитети ако се земаат за време на бременоста. Сè уште нема студии за луѓе. Жената, исто така, треба да престане да зема лек за слабеење најмалку две недели пред бременоста“, препорачува компанијата-производител на лекови, „Ново Нордиск“.

Опасностите се, сепак, преголеми за да се експериментира на себе, според лекарите. /МИА

притисни ентер