Дегенеративната состојба го натера Скот-Морган во смел пристап да му се спротивстави и да стане, според неговите зборови, „првиот комплетен киборг на светот“.
Докторот по електронски науки на Твитер неодамна ги извести следбениците дека тој претрпел четири интервенции за подобрување на квалитетот и должината на животот. Тој тврди дека сега е Питер 2,0. Лекарите му вметнале цевка за хранење директно во неговиот стомак, катетер директно во неговиот мочен меур и торба за колостомија во дебелото црево.
Тој, исто така, бил подложен на ларингектомија, постапка во која му било извршено хируршко отстранување на гркланот. Без него, тој веќе не може да зборува со природен глас, но тој веќе не ризикува плунката случајно да се акумулира во белите дробови. Сега дише со помош на респиратор.
„Само што пристигнав дома по 24 дена интензивна нега. Сите медицински процедури се завршени со голем успех“, напиша тој на Твитер, шегувајќи се дека неговиот мини-вентилатор работи многу потивко од оној на Дарт Ведер.
На Скот-Морган му бил дијагностициран АЛС во 2017 година и од тогаш ја насочил целата своја експертиза за да ги ублажи симптомите на болеста. Тој на својата страница тврди дека ова е „експеримент во живо“ и се надева дека може да им помогне на другите кои се борат со АЛС.
Во блиска иднина, го чека надградба на столот за да може полесно да се движи. Ласерската операција на очите му овозможува подобро да го прочита и контролира компјутерскиот екран со очите. Со тек на време, неговите очи ќе станат единствениот мускул што ќе може да го контролира.
Морган живее во Девон , Англија со неговиот сопруг Френсис. Документарецот во кој се опишува неговата транзиција во „киборг“ ќе биде емитуван на почетокот на следната година.