Мицкоски на Самитот на ЕПП : Македонија припаѓа во ЕУ и затоа барам да ја извршите својата улога во ширењето на оваа порака

Претседателот на ВМРО – ДПМНЕ , Христијан Мицкоски денеска се обрати на Самитот на Европските народни партии (ЕПП) , што се одржува во Загреб, Хрватска.

,,Живееме во период кога нашите политички противници се борат со нас на политичката сцена со сите алатки коишто им се на располагање, исклучувајќи ги принципите и вредностите, и верувам дека ова е еден од најсериозните политички предизвици со коишто се соочува нашето политичко семејство ЕПП . Ние сме силни кога станува збор за здрави економски и социјални политики. Ние сме силни кога се работи за исполнување на нашиот збор. Но, за жал, нашите противници не го гледаат вака конвенционалното политичко дејствување.

Во последните три години нашата нација ја води социјалдемократскиот премиер, чија влада е синоним за раширена корупција. Дневните активности на оваа влада вклучуваат непочитување на владеењето на правото, целовкупната политизација на нашето општество и неспособност да се создадат економски и социјални промени за 21-от век. Сепак, тие се фалат секојдневно за тоа колку се транспарентни. Се согласувам дека не сум видел потранспарентно корумпирана влада на било кое место во светот. Тие не ја негираат корупцијата, туку се надеваат дека ќе добијат дополнителен ден од нивниот мандат за да ја продолжат.

Нашата улога како опозициска партија е да донесеме значителна и опиплива промена за нашите граѓани, а по изборите на 12-ти април имаме за цел да формираме стабилна влада, ориентирана кон Европската унија, влада којашто ќе го постигне сето ова.

Новата влада којашто ќе ја предводи ВМРО-ДМНЕ се обврзува да работи со силен морален и етички кодекс, но и да направи севкупни реформи коишто ќе овозможат функционална правда, но и исполнување на критериумите за евроинтегрирање и пред се да ги промени критериумите за тоа што значи да се биде политичар во македонското општество. Ние како Македонци припаѓаме на Европското семејство и ги споделуваме европските вредности.

Со поддршка на нашето ЕПП семејство ќе го стопираме егзодусот на нашите најбрилијантни млади луѓе; ќе се справиме со екстремните нивоа на загадување; ќе ги намалиме даноците, ќе ја стимулираме економијата и ќе го поттикнеме претприемништвото. Ние мора да го европеизираме нашето општество одвнатре – затоа што ова е единствениот начин да ја поставиме нашата нација на брз пат кон членството во Европската унија.

Македонија припаѓа во Европската унија и затоа барам од вас да ја извршите својата улога во ширењето на оваа порака. Нашата сегашна социјалдемократска влада не заслужува позитивен стимул од европските метрополи и Брисел, но нашите граѓани го заслужуваат тоа. После 12-ти април, бидете уверени дека проевропската влада ќе ги поттикне реформите и трансформативните промени во нашето општество. Ќе побарам од вас, како моја последна упатена порака, ЕПП како најсилно политичко семејство во Европската унија, да биде носителот на Македонија на патот кон членството во Европската Унија. Заедно сме посилни!" , рече Мицкоски.

Позната е причината за мистериозниот помор на 330 слонови во Африка

Отровот произведен од микроскопски алги во водата предизвикал необјаснива смрт на стотици слонови во Боцвана, каде што живее третина од популацијата на сите африкански слонови, велат властите.

Ситуацијата стана алармантна откако труповите на мртви животни биле забележани во делтата на реката Окаванго помеѓу мај и јуни.

Би-Би-Си пишува дека по неколкумесечни тестови, спроведени во специјални лаборатории во Јужна Африка, Канада, Зимбабве и САД, официјалните лица објавија дека досега умреле дури 330 слонови од голтање цијанобактерии. Ловокрадството дефинитивно е исклучено како причина за смртта.

Споменатите отровни бактерии можат да се појават сосема природно во стоечка вода, но понекогаш прераснуваат во т.н. диви сино-зелени алги.

Многу мртви слонови биле пронајдени во близина на местото за напојување, но експертите досега не биле сигурни дека цијанобактериите се виновни за масовната смрт, бидејќи тие најмногу се појавуваат на рабовите, т.е. на брегот, а слоновите обично пијат вода од средината на езерата или реките.

„Убиствата престанаа на крајот на јуни 2020 година, што коинцидира со процесот на сушење на делтата“, рече на прес-конференција во понеделникот Мади Рубен, главен ветеринар на Одделот за диви животни и национални паркови.

Бидејќи не биле отстранети телата на слоновите, ловокрадството било исклучено уште во јуни како причина за смртта, како и труењето со антракс, изјави висок службеник на Одделот за диви животни Сирил Таоло.

"Сепак, ние сè уште бараме одговори на многу прашања - зошто умреле само слоновите и зошто само во таа област. Истражуваме голем број хипотези", додаде Рубен.

Цијанобактерии, исто така познати како сино-зелени алги, може да се најдат низ целиот свет, особено во мирни води кои се богати со хранливи материи. Некои видови произведуваат токсини кои влијаат на животните и луѓето.

Луѓето можат да бидат изложени на цијанобактериски токсини со пиење или капење во контаминирана вода. Симптомите вклучуваат иритација на кожата, грчеви во стомакот, повраќање, гадење, дијареја, треска, болки во грлото и главоболка.

Птиците и рибите исто така можат да бидат отруени од високо ниво на цијанобактерии.

Петмина починати и 88 новозаболени -Филипче најавува нови рестриктивни мерки

Владата разгледува воведување нови рестриктивни мерки за да се спречи енормно зголемување на бројот на заболени од ковид 19 есенва.

Министерот Филипче не ја отфрла можност и за карантин и полициски час. Во меѓувреме, сите кои досега користеа мерки, меѓу кои и хронично болните и родителите на продолжено породилно, од утре треба да се вратат на работа.

Игор Манасиевски со повеќе детали.

Сингапур,Хелсинки и Цирих се ,,најпаметните" градови на светот

Сингапур, Хелсинки и Цирих се најпаметните градови на светот, според швајцарската анализа објавена во време на дебата за иднината на урбаниот дизајн во ерата на постпандемијата.

Од паметни сообраќајни камери и апликации за споделување автомобили до контрола на загадувањето и бесплатен безжичен интернет за сите, градовите низ целиот свет се натпреваруваат за да ја прифатат технологијата, но експертите велат дека вистинското прашање е колку граѓаните имаат корист од тоа.

„Најпаметните градови во светот не прифаќаат нова технологија автоматски, туку се стремат вистински да го подобрат животот на граѓаните“, вели Артуро Брис од Швајцарскиот институт за управување со развој (ИМД), што го објавува својот Индекс на паметни градови втора година по ред.

Оваа година во анализата биле анкетирани 13.000 луѓе од 109 градови кои одговориле на прашања за влијанието на технологијата во шест области: здравје, безбедност, мобилност, активности, можности и управување.

По Сингапур, Хелсинки и Цирих, се најдоа Окланд, Осло, Копенхаген, Женева, Тајпеј, Амстердам и Њујорк,рангиран на 10-то место.

На дното завршија африканските градови Абуџа, Најроби и Лагос. Индексот покажа дека во многу земји најпаметните градови не се нивните престолнини.

Во Шпанија, Билбао го надмина Мадрид, а вториот по големина британски град Бирмингем напредува подобро од Лондон. Брис забележува дека приоритетите на градовите во користењето на технологијата се различни.

Во колумбискиот Меделин, некогаш познат по нарко картелите, стапката на криминал значително се намалила по воведувањето бесплатен безжичен интернет, што им олеснува на граѓаните да пријавуваат злосторства, рече Брис.

И иако многу градови низ светот воведоа шеми за споделување автомобили за да се намали сообраќајниот метеж, Москва е особено успешна во тоа, бидејќи им гарантира бесплатно паркирање автомобили на сите корисници на апликации за споделување автомобили.

Експертите велат дека ковид-19 го забрзал преминот кон поинклузивни, позелени, попаметни градови, но Брис исто така предвидува тренд кон помалите градови.

„Мислам дека се движиме кон свет во кој ќе бидеме повеќе распрснати. Ќе бидеме побезбедни ако живееме во помалите градови“, рече тој.

Истражувањата исто така покажале дека е тешко да се направат мегаградовите да бидат паметни.

"Помалите градови имаат предност. Во случајот на Сингапур, Хелсинки и Цирих, нивната големина им овозможува значително да инвестираат во технологија достапна за сите граѓани", рече Брис.

притисни ентер