Дали од домашен притвор Катица Јанева може да влијае во случајот „Рекет“?

Дали со излегувањето од притвор Катица Јанева може да ја загрози истрагата и да влијае во случајот „Рекет“?.Таа има забрана за контакт со останатите обвинети во случајот, но во домот на нејзиниот син може да без никакви пречки да прима останати гости.

Дали од домашен притвор екс специјалната обвинителка Катица Јанева може да влијае врз случајот Рекет? Откако Русковска ја заврши истрагата и поднесе обвинение како основ за притвор на Јанева остана само опасноста од бегство, но Апелација смета дека за тоа не е неопходно да биде во истражниот затвор во Шутка.

Експертите велат дека во оваа фаза од постапката и  во услови кога Јанева веќе не е обвинител и не може да го повтори делото одлуката на Апелација не е за изненадување.

Влијанието може да биде извршено на милион начини. Но бидејќи истрагата е завршена, а притворот и беше определен поради можноста од влијание врз истрагата, сметам дека со изречената мерка може да се неутрализира влијанието врз сведоци и лица инволвирани во случајот.

Судењето за Рекет почнува на 3 декември, а според одлуката на судот Јанева во домашен притвор ќе биде до 19ти декември кога повторно ќе треба да се одлучи дали ќе опстои истата мерка на претпазливост или ќе биде заменета со друга.

Домашниот притвор е честа алтерантивна мерка за затворскиот.. за тоа време, полицијата има обврска неколку пати во денот да прави проверки дали обвинетитот е дома.. Мерките вообичаено се почитуваат, но има и слуачаи кога обвинетите се даваат во бегство.. последен таков случај беше минатата недела, кога полицијата при рутиснка контрола утврди дека избегал Драганчо Стоимнеов, викан Дацо Белски... Претходно опд домашен притвор избега и Никола Војминовски, еден од осудените за обид за убиство на Зијадин Села.

Шилегов: Воведуваме системски мерки, војната против аерозагадувањето мора да ја добиеме!

Влезени сме во војна која што мораме да ја добиеме – таа војна се вика системско решавање на аерозагадувањето. – порача Петре Шилегов од граѓанската трибина во Скопје.

Сите го дишиме истиот воздух, а нашето здравје и здравјето на нашите деца нема цена. Затоа за само 2 години преземавме 28 мерки кои видливо го намалуваат аерозагадувањето на краток, среден и долг рок.-истакна Шилегов.

Во таа насока е и формирање на  ГЕС кој работи на преземање на топловодната мрежа паралелно со процесот на гасификацијата. Ова ќе значи повеќе корисници поврзани на парно греење, повеќе корисници на греење на природен гас, а помалку активни оџаци во градот.-истакна Шилегов.

Истовремено, сериозно се засилени инспекциите и зголемување на бројот на казните за загадувачите и тоа сите го гледаат и тоа сите го знаат.

Денес, вкупно 13 од 23 средни училишта сега имаат нови енергетски ефикасни фасади.

Шилегов истакна дека за прв се воспостави систем за спречување на палењето на огнови на отворено и систем против палењето на стрништата.

При тоа исчистени се  безброј диви депонии. А изградени се над 20 километри нови велосипедски патеки. Отворени се  2 нови паркови и прв зелен кров во Малиот Ринг. Вкупно обновени се над 300.000 метри квадратни зеленило.-посочи  Шилегов од трибината во Скопје.

Започна имплементација на процесот на системско решавање на хигиената во градот и веќе се гледаат новите контејнери на улица кои што се само почеток на овој процес. –истакна Шилегов.  

Тој додаде дека на крајот на овој процес отпадот ќе се селектира, со можност за негово рециклирање и рационално искористување.

Го решаваме проблемот на криминалната концесијата на депонијата Дрисла и во многу скоро време Градот ќе го преземе нејзиното управување, а сето ова со цел да изработиме модел кој што ќе гарантира паметно управување со отпадот, потенцираше Шилегов од трибината во Скопје.

Шилегов: Од февруари низ скопските улици ќе возат 33-те автобуси на гас

 Од февруари низ скопските улици ќе можат да се видат новите 33 нископодни единечни и двокатни автобуси на гас, најави денеска скопскиот градоначалник Петре Шилегов на завршната трибина „На прав пат" што се одржува во Скопје.

– Наместо набавки на скапи автобуси, на пат се 33 нископодни единечни и двокатни автобуси на гас кои од следниот февруари ќе ги гледаме низ скопските улици, рече Шилегов, додавајќи дека се преземаат системски мерки и во делот на хигиената на градот, сообраќајот и аерозагадувањето.

Со новите еколошки автобуси се очекува годишно да се заштедат 25.000 евра за гориво, во споредба со двокатните кинески автобуси. Новите автобуси ќе имаат влијание и врз намалувањето на аерозагадувањето во градот бидејќи емитуваат незначителна концентрација на ПМ честички.

ЕСМ ќе инвестира три милиони евра во хидроелектраната „Вруток"

Со три милиони евра инвестиција ќе се санираат водостанските шахти во хидроелекетраната Вруток, најави  генералниот директор на АД ЕСМ Васко Ковачевски при денешната посета на подружница ХЕС „Маврово".

-Со овој проект ќе се реши проблемот со загуба на вода што трае од 2010 година. Се очекува дека инвестицијата ќе овозможи зголемување на производство за 17.520MWh на годишно ниво, што по просечна цена на струјата изнесуваат околу 700 илјади евра, наведуваат од ЕСМ.

При посетата исто така утврдено е дека до овој момент производство на ХЕС”Маврово”(од трите централи ХЕЦ “Вруток”, ХЕЦ “Равен” и ХЕЦ “Врбен”), изнесува 370GWh,  што е 104 отсто во однос на годишниот план.

притисни ентер