Македонија

Лавина од реакции на политичките партии за домашниот притвор на Јанева

Политичките партии низ различна призма ја гледаат одлуката за куќен притвор на Катица Јанева.

Премиерот Заев не сака да коментира за најавената истрага од Русковска врз судиите кои ја донеле одлуката. Сепак, во синоќешната дебата на Македонската телевизија рече дека според него мерката притвор не треба да е казна.

-Се борев со нашиот народ за притворот да не биде казна, без разлика дали се работи за Катица Јанева, Груевски или било кој. Верувам во ефикасни судски процеси каде што е утврдена вината и се сноси одговорност. Јас верувам дека притворите од 60,100,200,300 дена се казна. Останувам конзистентен на моите ставови,изјави Зоран Заев – претседател на Влада.

Веднаш по трансферот на поранешната обвинителка Шутка до станот на нејзинот син, на фејсбук се огласи и лидерот на ВМРО ДПМНЕ. Мицкоски прашува дали предметот ќе заврши со неколкумината обвинети и што се случи со парите од куферот. Според ВМРО ДПМНЕ, власта стравува што би кажала Јанева, па затоа, велат, одлуката на судот е испланирано сценарио.

- Ослободувањето од притвор на Катица Јанева е воедно и срамно и смешно. Нема јакна што ќе може да го покрие срамот на ова Кацарска судство и Русковска обвинителство. Свесно оставија простор да може Катица Јанева најпрвин да брише и форматира компјутери, потоа да губи мобилни телефони додека е на плажа и на крај да ги избрише сите докази кои што се неопходни за постапката, вели Димче Арсовски – портпарол на ВМРО-ДПМНЕ.

Корумпиран судски систем и политизирана правда – и Алијанса за Албанците со реакција и критики до власта. Од партијата на Села велат дека власта има влијание во судството кое резултира со избегнување на кривична одговорност, а со тоа уште повеќе се намалува довербата во системот на државата.

Живот

Папата Франциск повика на слобода на печатот и ослободување на затворените новинари

Папата Франциск укажа денеска на тешката состојба на затворените новинари ширум светот, за кои рече дека ги „има „многу“ и повика на почитување на слободата на печатот на глобално ниво.

„Сакам да се сетам на сите оние кои се затворени само затоа што останаа верни на професијата новинар, фотограф, снимател, затоа што сакаа да одат да видат со свои очи и се обидоа да раскажат што виделе“, рече папата во Ватикан во говор по повод Светскиот ден на комуникациите, пренесе италијанската новинска агенција АНСА.

Папата Франциск истакна дека слободата на новинарите е „слобода за секој од нас“.

„Барам од оние кои имаат моќ да овозможат сите неправедно затворени новинари да бидат ослободени. Нека им се отвори „вратата“ преку која ќе се вратат на слободата, бидејќи со слободата на новинарите се зголемува и слободата на сите нас“, рече папата Франциск.

Тој упати нов апел за одбрана и зачувување на слободата на печатот и слободата на мислата, заедно со правото на информирање.

„Бесплатното, одговорното и точното информирање се наследство на знаење, искуство и доблест кои мора да се чуваат и унпаредуваат. Без тоа, ризикуваме повеќе да не ја разликуваме вистина од лага. Без тоа, ние се изложуваме на пораст на предрасудите и поларизацијата, кои ги уништуваат врските на граѓанскиот соживот и го спречуваат обновувањето на братството“, рече папата Франциск.

Свет

Во Пакистан четири лица осудени на смрт поради бласфемија

Судот во пакистанскиот град Равалпинди денеска осуди четири лица на смртна казна поради богохулење откако наводно на социјалните мрежи објавиле навредливи содржини за исламските верски личности и куранот.

Нивниот адвокат најави жалба на пресудата.

Согласно пакистанските закони, секој што ќе биде прогласен за виновен за навреда на исламот или неговите религиозни личности може да биде осуден на смрт.

Судијата Тарик Ајуб изјави дека бласфемија непочитувањето на светите ликови и сквернавењето на Куранот се непростливи злосторства и не оставаат простор за милост.

Покрај смртните казни, судот на обвинетите им изрече парични казни во вкупна вредност од околу 16.500 американски долари, како и затворски казни во случај повисокиот суд да ја укине смртната казна.

Законот против богохулење, воведен во Пакистан во 80-тите години од минатиот век. Оттогаш, многу луѓе се обвинети за навреда на религијата, сквернавење на нејзините свети текстови или пишување навредливи пораки на ѕидовите на џамиите.

Критичарите на законот сметаат дека тој често се злоупотребува за решавање на лични конфликти.

Формула

Леклер: Подготвен сум за сезоната, можеме да го победиме Ред Бул

Возачот на Ферари, Шарл Леклер, изјави дека е „подготвен“ за претстојната сезона во Формула 1 и предвидува дека Ферари може да се натпреварува со Ред Бул во битката за светската титула.

Во 2024 година, Шарл ја забележа својата најсилна сезона во Формула 1 – победи на 3 трки, 13 пати заврши на подиумот и собра 356 поени. На крајот на годината, ова му го донесе третото место во конечниот поредок, со 84 поени зад шампионот Макс Верстапен.

Ферари, пак, до последно се бореше со Мекларен за светската титула во конструктори, а тоа му дава надеж на тимот од Маранело да ја продолжи битката во новата кампања.

-Мислам дека сум подготвен за сезоната. На Ферари му треба болид како оној што го имавме на крајот на минатата година. Апсолутно сум уверен дека Ферари може да биде следниот тим што ќе го победи Ред Бул и ќе ја освои титулата, објасни Леклер.

За 2025 година, Ферари ќе може да смета и на Луис Хамилтон, а 7-кратниот светски шампион ќе треба да се прилагоди на новите работи за него во Скудерија, но дефинитивно ќе биде корисен за тимот од самиот почеток со огромното искуство што го има.

-Сега сум позрел возач. Порано, кога викендот не ми одеше како што сакав или автомобилот не беше како што сакав, се обидував да најдам нешто што навистина го нема. Затоа и правев многу грешки. Сега знам кога сме посилни и кога треба да ги ограничуваме загубите, тоа е чекор напред, додаде Леклер.