Розалин Мек Гинис успеала да избега по скоро дваесет години во заробеништво и откако родила девет деца од нејзиниот очув , кој ја киднапирал. И помогнале неколку странци кои ја забележале во продавница и сфатиле дека нешто не е во ред.
Нејзиниот киднапер, Хенри Пиет, бил уапсен во Мексико во септември 2017 година, една година по бегството на неговата поќерка. Тој е обвинет за киднапирање и се соочува со обвинение за силување. Тој ги негирал сите обвиненија.
МекГинис во неколку телевизиски интервју рече дека Пиет ја киднапирал во 1997 година од училиштето во Оклахома како одмазда кон нејзината мајка, која во тоа време имала намера да го напушти затоа што ја тепал. Ја однел во Мексико, каде по некое време ја принудил да се омажи за него. Таа родила девет деца, кои живееле во валкан шатор.
Жената успеала да избега во 2016 година, со помош на добронамерни странци. Таа со себе ги донела осумте од нејзините девет деца и побарала помош од Амбасадата на САД.
Во шоуто „Д-р Оз“, кое ќе се емитува вечерва, МекГинис открива дека ги однела децата во амбасадата без да им објасни дека бегаат од нивниот татко.
„Тие не знаеја. Не сакав да им ја кажам вистината за нивниот татко додека не избегав од него. Кога дознаа, тие навистина беа шокирани, особено моите постари деца“, рече Мек Гинис.
„Секако, не им кажував. Не сакав да пораснат, знаејќи во која ужасна околина живееле“, објасни таа.