Шилегов против одлуките на инспекторатот за чистењето на Вардар

Шилегов не го пишмани забраната од Инспекторатот за животна средина за чистење на Вардар.

Багерите и денеска работеа на делот од реката во близина на Топланата позади ПИОМ. Се товареа камиони со извадениот песок и кал од речното корито.

Градоначалникот потенцира дека има законска обврска за одржување на коритото на Вардар и затоа не му е потребна дозвола од надлежното министерство.

„Законска обврска е таа наша за која што само го известуваме надлежното министерство. Ќе бев многу посреќен инспекторката што шири дезинформации да го спречеше поставувањето на бродовите во коритото на Вардар. Тогаш беше нем сведок на лудилото што се случуваше во нашиот град“, вели Шилегов.

Од животна средина се повикуваат на членот 142 од Законот за води. Според овој член, за секој ископ на камења, песок и чакал потребно е да се побара дозвола од министерството.

Во случајов, проблемот е во различното толкување на законот. За надлежното министерство, рутинската грижа на градот долж речното корито го смета за прекршок со кој се загрозува водната површина.

„Инспекцискиот надзор беше направен на 14 ноември со тоа што се донесе решение за забрана да се врши копање во речното корито на Вардар се додека не се обезбеди дозвола од Министерството за животна средина. Поднесен е и записник за започнување постапка за посредување пред започнување на постапка за барање на прекршок, но за тоа се уште немаме добиено одговор од Градот Скопје“, вели Лидија Зафировска од Инспекторатот за животна средина.

Деновиве се чисти остров од коритото долг 250 метри и широк 14 метри кој го нарушува нормалното течение на реката. Вардар неколку пати досега беше на раб на прелевање, а експертите причината ја гледаат токму во неконтролираното работење во коритото на реката и никнување на објекти.

Сончево со мала доумерена облачност и температура до 31 степен

Времето денеска ќе биде сончево со мала до умерена облачност. 

Ќе дува умерен до засилен северен ветер, преку денот најизразен ќе биде во источните делови на земјава и вдолж Повардарието.

Минималната температурара ќе биде во интервал од 12 до 20, а максималната ќе достигне од 23 до 31 степен. УВ индексот ќе изнесува 8.

Во Скопје сончево со мала до умерена облачност и ветровито. Ќе дува умерен до засилен северен ветер. Минималната температура ќе се спушти до 16, а максималната ќе достигне до 27 степени. Ќе дува умерен до засилен ветер од северен правец.

Денес и утре ќе дува умерен, повремено засилен северен ветер што ќе услови опаѓање на температурата за неколку степени. Во вторник времето ќе биде сончево со пониски утрински температури, а потоа ќе се задржи сончево и потопло време но во попладневните часови ќе има услови за изолирана појава на краткотраен дожд./МИА

Дневен хороскоп за 13. јули 2020 година

Дневен хороскоп за понеделник, 13. јули 2020 година. 

Рак 22.6-22.7.

Љубов

Како што ќе минува денот , полека ќе паѓаат сите маски , а вас тоа ќе ве радува зашто по природа сте отворени.

Кариера

Со тактичност и дипломатија можете да постигнете вреден договор со шефовите. Без тактичност можно е само надмудрување.

Здравје и совет

Бидете паметни.

Лав 23.7-22.8.

Љубов

Би можеле денеска да излезете и убаво да си поминете. Нема да има сензации , но ритамот на друштвениот и личниот живот е поволен.

Кариера

Почнува период во кој нема да ги држите конците во свои раце , па затоа продгответе се .

Здравје и совет

Размислувате за диета.

Девица 23.8.-23.9.

Љубов

Ќе бидете концентрирани на саканата личност и ќе настоите да и игодите во секој поглед. Сепак не заборавајте се себеси.

Кариера

Можеби некои други се сега центар на случувањата на работното место , но вие својата работа пропдолжувате да си ја работите во мир и тишина.

Здравје и совет

Не очекувајте чуда.

Вага 24.9.-23.10

Љубов

Заведувањето ќе ви биде секојдневно хоби , а денеска преку него ќе се надмудрувате со другата страна.

Кариера

Веројатно ќе ви текне интересна идеја , но сепак ќе треба да знаете кому да му ја претставите.

Здравје и совет

Мали преодни грижи.

Шкорпија 24.10-22.11.

Љубов

Немојте премногу да сонувате зашто принцот(принцезата) на коњ би можела да ви избега.Подобро држете ги очите ширум отворени.

Кариера

Вашата потреба за слобода денеска ќе се засили , и како што ќе минува денот , така се помалку ќе ви се работи.

Здравје и совет

Подобро да трчате отколку да озборувате.

Стрелец 23.11.-21.12.

Љубов

Колку и да се трудите , ќе чувствувате празнина во душата , а љубовниот живот ќе ви биде недокажан.

Кариера

Пред вас се нови и многубројни работни задачи. Ќе мора да работите повеќе и најдобро е да почнете веднаш.

Здравје и совет

Држете се до своите принципи.

Јарец 22.12.-20.1.

Љубов

Ќе бидете малку лути , зашто другата страна не ве разбира , но тоа е резултат од вашите преголеми очекувања.

Кариера

Ако малку подобро погледнете што се случува околу вас ,ќе најдете на работата многу причини за задоволство.

Здравје и совет

Подготвени сте за акција на работното место.

Водолија 21.1.-19.2.

Љубов

Ќе поработите на комуникацијата со саканата личност. Така својот однос уште повеќе ќе го унапредите.

Кариера

Кога се работи за деловните односи, денеска многу работи доаѓаат на вистинското место.

Здравје и совет

Покажете се што знаете.

Риби 20.2.- 20.3.

Љубов

Во случај да се посомневате во себеси , свртете се и погледнете ги луѓето околу вас. Преку нив ќе видите дека се е во ред.

Кариера

Го ценат вашиот труд , а особено сега на почеток на новите анализи или пописи. Почнувате да ги согледувате резултатите.

Здравје и совет

Ќе има чудни сништа.

Овен 21.3-20.4.

Љубов

Некои ќе флертуваат со личност која едноставно не е од нивен ранг. Ќе биде тоа вистинска утопија за двете страни.

Кариера

Можете да бидете среќни што некој од соработниците ви прогледува низ прсти. Истовремено , вашите критичари не спијат.

Здравје и совет

Морате да се приберете.

Бик 21.4- 20.5.

Љубов

Идеализам , сонување и фантазирање – сето тоа ќе го доживеете денеска. Бидете подготвени.

Кариера

Без оглед што сте направиле некои грешки , денеска ќе го одвоите и нагласите она доброто што сте го направиле.

Здравје и совет

Не ги критикувајте другите, прво погледнете се себеси.

Близнаци 21.5.-21.6.

Љубов

Ќе се двоумите дали да излезете надвор на атрактивно место или да останете дома и да уживате со партнерот во пријатна вечера. И едното и другото е добро за вас.

Кариера

Вашиот стил на работење веќе на сите им е препознатлив, но сега и други ќе ве прашуваат за совет или упатство.Помогнете им.

Здравје и совет

Не ви треба совет , знаете на што сте.

Почна гласањето на десетите парламентарни избори, петти предвремени, право на глас имаат 1.814.263 граѓани

Почнува тридневното гласање за десетите парламентарни избори, петти предвремени од независноста на земјата. 

Ова се најспецифичните избори што досега биле организирани во земјата имајќи ја предвид состојбата со коронавирусот и мерките што треба да се почитуваат, како од страна на граѓаните со носење маска, држење растојание, така и од страна на членовите на избирачките одбори, набљудувачите и сите други вклучени во процесот. Гласањето денеска почнува токму со лицата со Ковид-19 и во самоизолација, чии барања беа прифатени од Државната изборна комисија, а го спроведуваат посебни избирачки одбори составени од тројца здравствени работници и претставници на политичките партии.

Во Избирачкиот список за овие избори се запишани еден милион 814 илјади и 263 полнолетни граѓани со право на глас. Овој пат во Избирачкиот список се ставени и сите лица кои до 15 јули ќе станат полнолетни односно ќе наполнат 18 години.

Според информациите од Државната изборна комисија во изводите на Избирачкиот список се запишани еден милион 729 илјади и 189 лица. Лица кои се иселиле или работат во странство во посебните избирачки изводи се запишани 83.054 гласачи. Во посебниот избирачки список за лицата во затвор и во притвор се запишани 1.657 гласачи, во старските домови 357 и шест лица се водат како внатрешно раселени лица.

На овие избори нема да се спроведува гласање во дијаспората, бидејќи за време на пријавувањето кое се случи пред прогласувањето на вонредната состојба, не се пријавија доволен број наши државјани. Сепак, иселениците ќе можат да гласаат доколку допатувале во нашата земја со важечка патна исправа.

Исто така, ДИК најави дека на изборите ќе можат да гласаат и лица со патна исправа чие важење истекло од прогласувањето на вонредната состојба, а е продолжено со уредба со законска сила на владата до 30 јули.

Во однос на изборните единици просечниот број на запишани гласачи е 302.377 запишани избирачи. Најмногу гласачи има во Куманово има 93.603 избирачи, Битола со 81.607 избирачи, скопски Аеродром 66.525 избирачи, Бутел 33. 278 и.т.н. Општини со најмалку гласачи се Вевчани со 2.062, Конче 2.724, а најмала е Лозово е 1.997 гласачи.

На 90 избирачки места во нашата држава има помалку од 10 гласачи и според Изборниот законик, овие избирачи ќе можат да гласаат на најблиското избирачко место. Во Македонски брод има 11 такви избираки места, во Пробиштип седум, во Прилеп 13 и други.

Гласањето ќе се спроведува на 3.480 гласачки места, а ќе се гласа за 15 политички партии и коалиции коишто вкупно имат 1.578 кандидати. Од нив, според статистиката на ДИК, 675 (42,78 отсто) се жени, а 903 (57,22 отсто) се мажи.

ДИК пред донесувањето на мартовската Уредба на Владата за запирање на изборните дејствија и одлуката на политичките лидери за одложување на предвремените парламентарни избори закажани за 12 април, ги потврди листите и го утврди и изгледот на гласачкото ливче.

Со свои кандидатски листи во сите шест изборни единици ќе учествуваат ДУИ, коалицијата „Можеме" предводена од СДСМ и Беса, коалицијата предводена од ВМРО-ДПМНЕ „Обнова на Македонија", политичката партија ИНТЕГРА, „Никогаш северна, секогаш Македонија", Демократи, Алијанса за Албанците и Алтернатива, Левица и Работничката партија.

СДУ, ГДУ и Глас за Македонија нема да учествуваат во „шестката", односно поднесоа листи само за изборните единици 1, 2, 3, 4 и 5. „Твоја партија" доставила кандидатски листи за изборите единици 1, 2 и 5, а Народна партија на Ромите само во втората изборна единица. ДПА има кандидатски листи во пет изборни единици.

Денеска се спроведува гласањето за лицата позитивни на Ковид-19 и во самоизолација, во 57 општини каде што имаше пријавено лица.

Утре, вторник, на 14 јули гласаат болните, немоќните и хронично болните, лицата во старските домови, затворениците и лицата во домашен притвор.

Гласачките места на 15 јули (среда), кој е прогласен за неработен ден, ќе бидат отворени во 7 часот наутро, а изборниот ден завршува два часа подоцна од вообичаено, односно во 21 часот. Гласањето е продолжено поради мерките за заштита од Ковид-19. Поради тоа исто така е сменета и локацијата на околу 10 отсто од гласачките места, поради тоа што не ги исполнувале препораките на здравствените власти.

ДИК, учесниците на изборите, сите вклучени во процесот повикаа првенствено на почитување на мерките за заштита од коронавирусот, но и на почитување на демократските стандаради, на фер и слободни избори.

Првично овие избори беа закажани за 12 април, но поради пандемијата со коронавирусот тие беа одложени, а потоа презакажани за 15 јули, по долги преговори на политичките партии.

Изборите се одржуваат во ситуацијата кога во земјата недели наназад има троцифрени бројки на позитивни со коронавирусот. Но, земјата е без Парламент од февруари година, а ја предводи техничка влада чија првенствена задача, според Пржинскиот договор, требаше да организира фер и демократски избори. /МИА

притисни ентер