Турскиот ,,Робин Худ” им ги отплаќа долговите на сиромашните

Никој не знае кој е човекот што им ги плаќа долговите на сиромашните во Истанбул , а тој открил само дека сака да заслужи благослов од Бога.

Анонимен добротвор минува низ сиромашните населби во Истанбул, Турција и ги исплаќа долговите на граѓаните во локалните продавници или им остава пари на прагот. Сето ова се случува во време кога јавноста се повеќе се грижи за растот на бројот на самоубиствата, што се припишува на опаѓање на животниот стандард и драстичното зголемување на цените.

Жителите на Тузла, населба од работничката класа на азиската страна на градот, каде се наоѓа бродоградилиштето, беа воодушевени минатата недела кога откриле дека нивните долгови се исплатени во неколку продавници. Но, тие не знаат кој е добротворот, пишува „Гардијан“.

- Некој дојде и ме замоли да му покажам тетратка каде што ги запишувам долговите на моите муштерии. Четири лица имаа многу големи суми и му кажав каде живеат. Тој се врати откако разговараше со нив и им ги исплати долговите. Исто така, дознав дека тој им дал некои пари на повеќе семејства. Го прашав за неговото име, но тој само ми рече - викај ме Робин Худ - изјави сопственикот на продавницата Демирен Коакун Јилмаз за турските медиуми.

Цените на храната и домувањето се зголемија од паѓањето на турската лира минатата година, и иако инфлацијата опадна, невработеноста сè уште расте, при што цената на електричната енергија се зголеми за десет пати од минатата година.

Се тврди дека истиот добротвор во март годинава оставал коверти од по 1.000 лири пред вратите на сиромашните семејства низ градот. Тој исто така во јуни отплати долг од 25.000 лири во разни продавници .

- Човекот ми рече дека дошол да ги исплати долговите на оние што не можеле тоа да си го дозволат. Јас работам тука веќе 30 години и го искусив ова за прв пат. Муштериите беа многу среќни и сакаа да го запознаат, но не знам кој беше тој. Не сакаше да се претстави и рече дека го прави тоа за да заработи благослов од Бога – изјави Тунгај Јашар, трговец во населбата Тузла.

ДОМ за барањето на ДУИ за премиер по етнички клуч

ДОМ смета дека сите политички субјекти треба да покажат одговорност и конструктивност, да ја остават зад себе предизборната популистичка реторика и да ги стават интересите на граѓаните и државата пред партиските интереси.

За зелената партија ДОМ барањето на ДУИ за премиер по етнички клуч е неприфатливо затоа што води кон поделеност на македонското општество, подем на национализмот и претставува закана за општествениот систем и современиот граѓански концепт-едно општество за сите. Премиерската функција не смее да се претвори во "весела математика", од типот 1+3, 2+2, 3+1. Дополнително, ротацијата на премиерската позиција би можела во иднина да стане пракса и за други политички функции што би довело до нефункционалност на институциите.

ДОМ смета дека сите политички субјекти треба да покажат одговорност и конструктивност, да ја остават зад себе предизборната популистичка реторика и да ги стават интересите на граѓаните и државата пред партиските интереси.

Евроинтеграцијата, владеењето на правото, справувањето со здравствените и социо-економските предизвици од корона кризата како клучни приоритети на идната Влада, презентирани од мандатарот Заев, претставуваат принципиелна основа за обединување на различни политички субјекти и формирање парламентарно мнозинство и нова Влада.

ДОМ бара во Програмата на идната Влада да бидат вградени и принципите на Европскиот зелен договор на Европската Унија, за ефикасна борба против климатските промени и загадувањето на животната средина и заштита на биодиверзитетот.

ДОМ – Канцеларија за односи со јавност

Комитетот за финансиска стабилност: Банкарскиот систем е и останува стабилен и сигурен

И по укинувањето на дозволата за основање и работење на „Еуростандард банка" АД Скопје, граѓаните треба да бидат спокојни – банкарскиот систем е и останува стабилен и сигурен. 

Стабилни и сигурни се сите други банки, како и штедилниците.

Финансиската стабилност постојано јакне и за тоа клучен е придонесот токму на стабилноста и сигурноста на банкарскиот систем. Тој е еден од најцврстите носечки столбови на македонската економија, на којшто секогаш можат и ќе можат да се потпрат граѓаните и компаниите, и економијата во целина. Укинувањето на дозволата за основање и работење на „Еуростандард банка" АД Скопје е влог во натамошно одржување на стабилноста на банкарскиот систем и на финансиската стабилност во целина.

Со укинувањето на дозволата за основање и работење на „Еуростандард банка" АД Скопје се штити стабилноста на банкарскиот систем и финансиската стабилност во целина. „Еуростандард банка" АД Скопје имаше исклучително ниско учество во најзначајните активности на банкарскиот систем (1,3% од вкупната актива, 1,7% од вкупните депозити и 1,6% од вкупните кредити), а истовремено остваруваше значајно влијание врз нефункционалните кредити на системот.

Укинувањето на дозволата за работа на „Еуростандард банка" АД Скопје не влијае на стабилноста на ниту еден сегмент на финансискиот систем.

Остварувањата на банкарскиот систем, со состојба на крајот на првата половина на оваа година се подобри споредено со мартовските податоци, кога корона-кризата сѐ уште не беше посилно присутна во нашата економија.

Од исклучително големо значење за постојаното јакнење на финансиската стабилност е што солвентноста на банкарскиот систем е во рамки на историскиот максимум. Најголемиот дел од добивката на банките, во изминатиот период беше реинвестирана, во согласност со препораката на Народната банка. Високата ликвидност на банкарскиот систем, заедно со неговата солвентност се главни показатели коишто потврдуваат дека системот има висока отпорност на шокови, но и капацитет за натамошна кредитна поддршка на реалниот сектор.

Добивката на банките е намалена во изминатиот период, но показателите за профитабилноста на банкарскиот систем се исклучително солидни. Со изземање на „Еуростандард банка" АД Скопје од системот, според податоците на Народната банка со состојба на 30 јуни 2020 година, кај финансискиот резултат на системот се забележува подобрување за речиси 21%.

Притоа, од членовите на Комитетот беше констатирано дека со ваквите перформанси, банкарскиот систем, во секој момент може во рамки на максимумот да одговори на потребите на клиентите и ефикасно да им овозможи користење на банкарските услуги и производи, вклучително и квалитетна и соодветна кредитна поддршка и клучно – безбедност за нивните депозити.

Во завршницата на седницата на Комитетот уште еднаш беше споделена заедничката констатација дека соработката и координацијата меѓу финансиските регулатори е од исклучително значење за одржувањето на финансиската стабилност, а дека здравиот, сигурен и стабилен банкарски систем е главен стожер на финансиската и макроекономската стабилност, во којшто доверба може да имаат сите економски субјекти во земјата.

Комитет за финансиска стабилност

ГИС – Платформата за Карпош повторно достапна за граѓаните

 Во интерес на зголемување на транспарентноста и достапноста на јавни податоци, Општина Карпош, на својата веб страница повторно го воведе системот на ГИС (географски информационен систем).

-Оваа услуга не беше достапна повеќе години наназад, па затоа отсега граѓаните ќе можат брзо и ефикасно да пристапат до бараните информации. Имено, со само неколку клика на официјалната веб страница на Општината, корисниците ќе имаат увид во фактичката состојба со ДУП-овите и градежните парцели како и фактичката состојба, т.е катастарската ситуација и детален преглед со сателитска снимка од Карпош. Практично, на овој начин заинтересираните странки ќе можат да дојдат до бараната информација по електронски пат, без притоа физички да ги посетат просториите на општинската администрација, наведуваат од Општината.

Таканаречената „паметна електронска карта" ја изработи реномираната софтверска фирма GDI (со претставништво во Скопје). Платформата нуди просторни податоци кои се распоредуваат во неколку тематски нивоа во т.н слоеви во форма на дигитални карти. Подетално разгледано, тоа претставува низа од планови нацртани на проѕирна хартија – транспарент, која содржи одреден вид информација (на пример: патна мрежа, сателитска снимка, просторен план, детални урбанистички планови, катастарска подлога, итн.).

Секоја од просторните податоци на платформата е придружена со координати. Со помош на системот на овој начин, граѓаните имаат моментален увид на предвидената состојба (преклопувајќи ги детално, урбанистичките планови). Технологијата на Географскиот информационен систем може да се користи за научни истражувања, управување со ресурсите, управување со имоти, планирање на развојот, просторно планирање, картографија и планирање на инфраструктурата. ГИС – порталот на Општина Карпош може да се посети преку директниот линк.

притисни ентер