На 18 години основа компанија, денеска го продаде својот дел за 600 милиони долари

Кајли Џенер денеска го продаде својот дел во компанијата Kylie Cosmetics за 600 милиони долари на конгломератот Coty Inc.

Така, Коти, сопственост на европската компанија JAB Ltd., се здоби со контролен пакет од 51% бо компанијата што Кајли ја основа на само 18 години. Волстрит Џурнал пишува дека Кајли ќе продолжи да биде заштитен знак на марката, која ќе се преименува во Kylie Beauty.

Вредноста на марката се проценува на околу 1,2 милијарди долари. Во изјавата на Коти се вели дека марката се очекува да генерира продажба од околу 200 милиони долари оваа година. Coty ги опфаќа брендовите како OPI, Cover Girl, Clairol ...

Кајли оваа година ја доби титулата најмлад милијардер што сам го стекнал богатството.

Првата милијарда ја заработила на само 21 година, со што го надмина дури и Марк Цукерберг, која ја заработи својата прва милијарда на 23 години. Првата работа на Кајли и дојде со семејното реално шоу Keeping Up With Kardashians. Имаше само девет години кога шоуто почна да се емитува. Сега, на 16-та сезона од шоуто, Кајли го промовира нејзиното реално шоу „Животот на Кајли“, кое накратко се емитуваше во 2017 година.

pretty in pink 💓

A post shared by Kylie ♥️ (@kyliejenner) on

Во 2013 година, кога имала само 15 години, Кајли ја лансираше својата линија за облека PacSun со нејзината сестра Кендал. Брендот оттогаш се прошири на продавниците во САД и низ светот. Постојат 390 локации во САД и 975 локации низ целиот свет.

Потоа, таа ја основа Кајли Козметикс, нејзиниот најуспешен проект.

Марката најпрво се викаше Кајли Лип Кит, но кога Кајли призна дека ги зголемила усните, името на компанијата наскоро се смени. Компанијата продаде козметика во вредност од околу 630 милиони американски долари во првите две години.

Производството, амбалажата и продажбата се доставуваат до други приватни компании. За финансискиот и ПР аспект на брендот се грижи мајката на Кили, Крис Џенер, која добива 10% хонорар за управување.

Во 2018 година, приходите на компанијата пораснаа за 9 проценти, на проценетите 360 милиони американски долари, во голема мерка благодарение на договорот за ексклузивна дистрибуција со продавниците на „Улта“. За само шест недели од лансирањето на марката Кајли во Улта, козметиката доби вредност од околу 54,5 милиони долари.

Голем дел од промоцијата на Кајли за нејзиниот бренд се прави преку социјалните мрежи, особено Instagram, со повеќе од 150 милиони луѓе кои ја следат.

По половина век , догодина ќе полета првиот суперсоничен патнички авион

По повеќе од 50 години од првиот лет на Конкорд, се подготвува полетувањето на новиот суперсоничен авион, пишува Си-Ен-Ен.

Старт-ап компанијата од Денвер, Boom Supersonic, објави дека ќе го претстави прототипот XB-1, една третина со големина на новиот суперсоничен комерцијален авион Oversure, на 7 октомври, а тест-летовите ќе започнат во 2021 година.

Овој потег ќе помогне да се отвори патот за првиот комерцијален суперсоничен лет откако легендарниот Конкорд се повлече во 2003 година.

„XB-1 е првиот чекор за враќање на суперсоничното патување низ целиот свет“, се вели во соопштението на Блејк Шол, основач и извршен директор на „Boom Supersonic“.

„Летовите со двојно поголема брзина значат дека можеме да патуваме двојно подалеку, приближувајќи нè до нови луѓе, места и култури“.

Според „Boom“, прототипот XB-1 треба да ги покаже и докаже „клучните технологии“ на Overture, како што е сложената конструкција со јаглеродни влакна и високо-ефикасната компјутерска оптимизирана аеродинамика.

Компанијата објавила и фотографии од експерименталните авиони во хангар опишани како „најбрзи во историјата “.

„Побрзото патување ни овозможува да ги доживееме светските нации, култури и места. Со прототипот XB-1, покажуваме дека сме подготвени да се вратиме во суперсониката“.

Компанијата тврди дека резултатите од тест-програмата XB-1 покажуваат дека станува збор за сто проценти неутрален јаглерод и дека резултатите се такви што ќе овозможат да се финализира дизајнирањето на суперсоничниот авион Овертур.

„Тврдиме дека суперсоничната иднина е безбедна, еколошка и економски одржлива“, додаде тој.

Според него, побарувачката за суперсонични авиони расте побрзо отколку што се очекувало во компанијата.

Пред пандемијата, Boom имал најмалку 6 милијарди долари пред-нарачки за авионите од 200 милиони американски долари, а меѓу купувачите се и Virgin Group и Japan Airlines, кои инвестирале 10 милиони долари во компанијата во 2017 година.

Авионите во кои можат да се сместат 55 до 75 лица треба да започнат со комерцијални патнички летови во 2030 година, пред се на прекуокеанските дестинации каде што може да се користи нивната брзина од 2,2 Мах, како што е рутата Њујорк-Лондон. Тој лет би траел само три часа и 15 минути.

Авионот дизајниран со помош на најновата технологија за намалување на бучавата при суперсоничните брзини би летал претежно над океанот за да не ги загадува населените места.

Во мај само 838 туристи, 99,2 отсто помалку од лани

Во мај годинава земјава ја посетиле 838 туристи што е 99,2 отсто помалку во однос на истиот месец лани. Како што соопшти Државниот завод за статистика, реализирани биле вкупно 4.946 ноќевања што е 97,6 проценти помалку.

Според статистиката, бројот на домашните туристи во мај 2020 година во однос на мај 2019 година е намален за 97,8 отсто, а на странските за 99,7 проценти. Бројот на ноќевањата на домашните туристи, пак, е намален за 96,7 отсто%, а бројот на ноќевањата на странските туристи за 98 проценти.

Во периодот јануари – мај 2020 година, во однос на истиот период претходната година, бројот на туристите е намален за 63,2 отсто и тоа: кај домашните туристи има намалување за 58,2, а кај странските за 65,6 отсто.

Во периодот јануари ‒ мај 2020 година, во однос на истиот период претходната година, бројот на ноќевањата е намален за 62,3 отсто и тоа: кај домашните туристи има намалување за 56, а кај странските за 66 проценти.

Норвешка донира медицинска опрема за полската болница Rolle 2

Донација од еден тон медицински материјал од Норвешка, која се состои од медицински маски, маски за изолација, заштитни маски, заштитни наочари и термометри наменети за полската болница Rolle 2, во вредност од околу 200 илјади евра.

Донацијата,реализирана преку НАТО Агенцијата за поддршка и набавки и транспортирана од Алијансата, денеска беше предадена во касарната Илинден во Скопје.

-Со денешната донација уште еднаш се покажува значењето на нашето полноправно членство во НАТО. Донацијата од Кралството Норвешка што се состои од се она што е потребно во овој момент за справување со корона кризата се реализира преку НАТО агенцијата за поддршка и набавки со што нашите НАТО-сојузници ја покажуваат солидарнста и соработката со сите земји-членки, рече државниот серетар во Министерството за одбрана Драган Николиќ по предавањето на помошта.

Тој нагласи дека Министерството за одбрана и Армијата уште во првите моменти на пандемијата со КОВИД-19 во нашата земја дадоа комплетна логистичка поддршка во борбата и справувањето со ширењето на коронавирусот.

-Во тој контекст ги проширивме и капацитетите на Инфетивната килинка со посатавување на мобилната полска болница Rolle 2, која всушност е донација од Кралството Норвешка. Во секој момент сме подготвени за поддршка на здравствените институции со сите капацитети кои можеме да ги понудиме, рече Николиќ и додаде дека сорбатоката со Норвешка датира уште од 2007 година преку обуката на македонските хируршки тимови кои учествуваа во мисијата во Авганистан.

Заблагодарувајќи се за донацијата на Алијансата и Норвешка, посочи дека на овој начин уште еднаш се покажа соработката на сите земји-членки од НАТО со најновата земја која неодамна му пристапи на воено-политичкиот сојуз.

Николиќ најави дека по првата пратка од норвешката донација ќе следат уште транши за обезбедување на медицински средства кои ќе помогнат во идниот период во справувањето со пандемијата.

-Ќе имаме и нови фази, ќе се потпишат и нови договори со Кралството Норвешка преку поддршката од НАТО агенцијата за логистика и набавки што ќе се базираат на спецификациите од нашиот Воено медицински центар. Солидарноста и што значи НАТО-сојузништво на овој начин се покажува на терен, потенцира Николиќ.

Норвешкото воено аташе во земјава потполковник Егил Далтвеит посочи дека донацијата што норвешкото Министерство за одбрана ја предава денска на Армијата на Македонија претставува практична алатка која може да се исористи во борбата против КОВИД-19.

-Истовремено таа претставува само уште еден чекор во долгата и богата воено-медицинска соработка. Ние ги обучивме вашите доктори и медицински сестри и помогнавме во опремувањето на вашите воено-медицински капацитети како што е вашата теренска болница. Вие ги испративте вашите војници и војнички да служат во Авганистан во мисија предводена од Норвешка. Со нивните одлични и професионални операции вашите луѓе спасуваа животи на норвешки војници кога беа тешко повредени од Талибанците. Тоа не сме го заборавиле и нема да го заборавиме, рече Далтвеит.

Тој нагласи деака низ годините станаа многу блиски и пријателски релациите меѓу оружените сили на двете земји, а денеска, како што кажа, сме дури и побилски од пријатели и сме сојузници во најуспешната воено-политичка алијанса во историјата.

Шефот на Канцеларијата за врски со НАТО во Скопје, полковник Зоран Јанковиќ посочи дека норвешката донација не претставува билатерална, туку здружена активност бидејќи во неа партиципираше и НАТО агенцијата за поддршка и набавки и додаде дека во Алијансата не се зборува само за текнови, пушки и артилерија, туку и за областа на медицината која е многу важана.

-Донацијата е многу важна бидејќи се наоѓаме сред пандемија со КОВИД-19, а Норвешка е многу активна на медицинско поле на целиот Балкан. Медицинската опрема е со двојна намена може да се користи во операции низ целиот свет, но може да се користи и за потребите на земјата, рече Јанковиќ. /MИА

притисни ентер