Поранешен НБА играч настрада во сообраќајна несреќа

Поранешниот НБА играч и член на најдобрата петорка во 2004 , Маркус Даниелс доживеа сообраќајна несреќа.

Кошаркарот е тешко повредени пренесен во болница во Бирмингам , во американската држава Алабама.

Не се објавени детали за несреќата или колку сериозно е повредена кошаркарот, но локалните медиуми објавија дека не е добро.

Даниелс беше sвезда на универзитетот Обурн, па затоа беше големо изненадување кога не беше избран во 2003 година. Сепак, во Летната лига истата година, Далас Маверикс му даде шанса и имаше договор на три години.

По Далас, тој играше за Индијана, Бостон и Милвоки и мина вкупно 10 години во НБА-лигата, одигра 548 натпревари со просек од 7,9 поени. Тој играше со Селтикс во финалето во НБА во 2010 година, во кое Бостон загуби од ЛА Лејкерс.

Неодамна дипломира на Обурн и започна да работи на универзитетскиот тим како директор за развој на играчи.

Почина кичевскиот муфтија Хаџи Мурат Ефенди Хусеини

Шеесет и осумгодишниот муфтија на кичевското муфтиство, Хаџи Мурат Ефенди Хусеини почина од Ковид-19.

– Тој целиот свој живот го посвети на исламот и организацијата на религиозниот живот во Кичево и низ целата територија на ИВЗ. Тој беше учител на исламот, мудар, претпазлив, паметен, праведен, дарежлив, близок до луѓето, солидарен во секој момент и ситуација. Тој почина кога сè уште ја имаше религиозната и интелектуалната моќ да придонесува уште во служба на верата, а денеска отиде на другиот свет. Останува на нас да се молиме на семоќниот Аллах да го помилуваме со својата бесконечна милост, истакна секретарот на Муфтиството во Кичево, Ќамил Рушити.

Погребот ќе се изврши денеска со посебен протокол во гробиштата на родното кичевско село Шутово. /МИА

Грција ја продолжи забраната за авионско, железничко и копнено поврзување со Македонија

Пандемијата ги затвора вратите на соседите, па поради бројот на заразени и починати од коронавирисот во земјава, дополнително се стега граничниот обрач околу Македонија. 

Јужниот, а и источниот сосед на земјава, ни забранија да одиме кај нив, а одлуките важат до крајот на месецов. Ова стои и во грчкиот службен весник, со што и официјално стапи на сила продолжението на ограничувањето на сите авионски, железнички и копнени поврзувања со Македонија.

-Ограничувањата се „од превентивни причини за заштита на јавното здравје од дополнително ширење на коронавирусот Ковид-19 на грчка територија за временскиот период од 16 јули 2020 година до 31 јули 2020 година, се наведува во одлуката.- Грчки службен весник.

Оваа забрана има исклучоци, па не се однесува на оние луѓе кои имаат дозвола за престој или живеат во Грција. Доколку станува збор за транспорт на стоки, ќе може да се влезе на грчка територија, а границата ќе ја минат и луѓе од Македонија поради неопходни професионални причини. На граничниот премин ќе се пропуштаат и болнички возила кои од Косово преку Македонија влегуваат во Грција за хоспитализирање на пациенти, а припаѓаат на дипломатскиот, воениот или административниот персонал на земјите членки на ЕУ и EULEX на Косово.

За истиот период, односно до 31 јули, важи и привремената забрана за влез во Бугарија за сите лица од Македонија, без оглед на нивното државјанство.

Исто како и грчката, и бугарската одлуката се однесува на сите гранични премини, воздушни, железнички и копнени патишта. Претходно кај источниот сосед можевме да патуваме само со двенеделен карантин.

Исклучок од забраната е дозволата за македонските државјани да транзитираат преку Бугарија со цел нивно враќање во државата.

Освен соседите, и Италија не ги прима македонските граѓани. Од авиокомпанијата „Визер“ информираа дека се суспендирани сите летови помеѓу Италија и Македонија до 31 јули, како резултат на рестрикциите за патување од страна на италијанските власти наменети за летовите до земјава.

Мицкоски: ВМРО-ДПМНЕ го има најголемиот кредибилитет да се бори за состав на новата влада

ВМРО ДПМНЕ изгуби со 10 илјади гласови разлика од коалицијата на СДСМ и БЕСА, но има најголем кредибилитет да формира нова Влада, смета лидерот на партијата Христијан Мицкоски. 

На неговата прва прес конференција по изборите, најавивнатрепартиска анализа на резултатите за да увидат зошто граѓаните се разочарани од ВМРО ДПМНЕ, но и обвини дека исходот е резулутат на предизборни злоупотреби на власта, како и на пребројувањето на гласовите додека системот на Државната изборна комисија е нефункционален. Иако пред изборите неколкупати рече дека доколку изгуби ќе си поднесе оставка, денеска Мицкоски вели бројките покажуваат оти СДСМ е во предност, само поради гласовите на БЕСА.

-ВМРО ДПМНЕ освои и повеќе гласови од СДСМ. ВМРО-ДПМНЕ, без Беса во редовите на СДСМ, освои повеќе пратенички мандати. Победивме во 41 општина. Сето ова ни дава за право да кажеме дека ВМРО-ДПМНЕ го има најголемиот кредибилитет да се бори за состав на новата влада.Овој резултат е постигнат во тешки околности, со силни притисоци и многубројни нерегуларности. Власта спроведе масовен поткуп. Сајтот на ДИК денес не работи, а добиваме различни информации дека сомнително се броени и внесувани податоцитевели Христијан Мицкоски – претседател на ВМРО ДПМНЕ.

ВМРО ДПМНЕ нема да соработува со СДСМ за формирање на Влада, а за евентуална коалиција со ДУИ вели дека за него е неприфатливо да падне договор покрај испорачаниот услов за премиер Албанец, дециден е Мицкоски. За принципот на коалиција победник со победник, вели дека е прекршен уште на претходните парламентарни избори.

-Преговорите допрва ќе почнат. Сум кажал во минатото ќе кажам и сега дека јас под диктат не работам, вели Мицкоски.

Претседателот на ВМРО ДПМНЕ вели дека информации за постизборна колиција ќе има наскоро, но не откри дали откако беа објавени резултатите, има контактирано со лидерите на помалите партии.

притисни ентер