Мајкрософт ќе ги чува податоците во бункер заштитен од апокалипса на Земјата (ВИДЕО)

Покрај познатото Свалбардско глобално складиште на семиња , во Норвешка се наоѓа и напуштен рудник на јаглен , каде Мајкрософт ќе го чува од апокалипса целиот ГитХубов софтвер со отворен код.

GitHub е во сопственост на Мајкрософт , кој го купи минатата година за 7,5 милијарди долари. Доколку се случи апокалипса или крај на светот, оној што ќе преживее , ќе може да го отвори и да го користи софтверот што е основа на денешната модерна технологија.

Поточно, од 2017 година, Арктичкиот светски архив е отворен за чување на разни дигитални записи; вклучувајќи ги архивите на Ватикан, филмови или што било друго што се смета за вредно за чување, пишува Futurism.

На овие вредности наскоро ќе им се придружи придонесот на GitHub, односно копија на практично целиот софтвер со отворен код во светот, кој може да се гледа само со лупа.

Заедницата со отворен код често се смета како одвоена група на измами или техно идеалисти, но голем дел од дигиталната структура што ја користиме секој ден се потпира на овој јавно достапен софтвер. Фејсбук, Гугл и Амазон, на пример зависат од него.

Некои можеби се потсмеваат на идејата на GitHub за складирање на податоци, но ако еден ден има природна непогода што ќе ги уништи сите хард дискови, таа архива ќе се покаже како многу корисна.

GitHub треба да почне со чување на архивите со отворен код во светскиот Арктички архив на 2 февруари 2020 година. Податоците ќе бидат зачувани на ролни со филмови во должина од 3.500 метри. Тоа се специјални материјали и технологија и животот на овие ролни треба да биде 500 години, пренесува Cnet.

Компанијата дури тврди дека „симулираните тестови за стареење покажуваат дека ролните на филмот на Пикл ќе траат двапати подолго“ и дека податоците би можеле да бидат зачувани со милениуми.

Николовски од Крива Паланка: На Истокот одржавме лекција како се делува патриотски, како може да се работи од срце, да се градат патишта, да се градат мостови

„Овде во Крива Паланка и на целиот Источен регион му одржавме лекција на ВМРО-ДПМНЕ како е да се делува патриотски , како работиме за секој граѓанин, како да бидеме достапни за сите. 

Како може да работиме со срце, да градиме мостови и да градиме патишта. Да создаваме безбедна и извесна иднина и затоа на 15 јули победата овде, победата во ИЕ 3 ќе биде огромна", порача Љупчо Николовски, генерален секретар на СДСМ и носител во ИЕ " на Коалицијата „Можеме", на трибината што вечерва се одржа во Крива Паланка.

Тој нагласи дека Изборната листа на СДСМ и Коалицијата „Можеме" во ИЕ 3, што тој ја предводи нема ниту еден скандал, нема ниту една афера, нема ниту една дамка.

„Истокот беше регион кој целосно беше запоставен, 11 години. Истокот даваше поддршка на Влатко Ѓорчев, на Илија Димовски, еве сега се кандидира Игор Јанушев. Но, тие немаат една чешма направено во Крива Паланка. Немаат ништо направено за Истокот. Денеска немаме конкуреција на тоа кој ќе понуди подобри проекти, кој ќе понуди подобра и извесна иднина, тоа е така затоа што имаме кандидати и кандидатски листи на на истото нереформирано ВМРО-ДПМНЕ. Имаме кандидатска листа која е напишана во Будимпешта", рече Николовски.

Тој потсети дека станува збор за луѓе кои не се радуваа и не аплаудираа кога Северна Македонија стана членка на НАТО, не гласаа за Законот за јавно обвинителство, кое е темел на реформите во правосудството, не поддржаа ниту една добра мерка, не гласаа за зелена нафта, за повисоки пензии, за сголемување на минималната плата.

„Тие се научени на Субрата рој политики, на Белизе политики за да ги изнесат парите надвор од државата. Истиот Јанушев со 20 афери зад него, кој удира боксови на жени, го слушавме како се местат избори, како се исклучуваат лифтови. Тие сакаат да не вратат назад во стравот, во неизвесноста, партизирани судии, во мрак и темнина. Тоа е понудата на фејк-њуз ВМРО-ДПМНЕ", рече Николовски и нагласи дека 15 јули ќе биде не само убав и светол ден, туку ден кој ќе донесе победа за граѓаните, се наведува во соопштението на СДСМ.

Николоски во Прилеп : Семејството на власт нарачувало на кого да му се запали колата во Македонија, со такви бандити имаме работа

Три години пропаганди, прикаски, вака било, така било. Но, на крај им се врати како бумеранг тоа што за други го зборуваа, кај нив го гледаме. 

Еве денеска стигнале дотаму коли да нарачуваат да се палат. Семејството на власт нарачувало на кого да му се запали колата во Македонија, со такви бандити имаме работа и затоа ние потребна масовна референдумска излезност на 15 јули за ние, вие, сите заедно да ја одредиме иднината на Македонија, изјави денеска потпретседателот на ВМРО-ДПМНЕ и носител на листа во изборната единица 4 Александар Николоски, на средба со граѓаните во Прилеп.

Николоски посочи дека има одлична атмосфера помеѓу граѓаните, истакнувајќи дека секојдневно се приклучуваат над десетици илјади граѓани за обнова на Македонија.

Имаме одлична атмосфера, десетици илјади луѓе ни се приклучуваат секој ден, десетици илјади луѓе ја одбираат обновата, десетици илјади луѓе сакаат Македонија да се исправи после 15 јули да ги направат промените, да дојдат промените и заеднички да си ја градиме Македонија, тоа е порака која стигнува од целата четврта изборна единица, вели Николоски.

Николоски пред прилепчани рече дека не само во Прилеп туку и во цела држава три години колку што се СДСМ на власт се случува само пустош.

За Прилеп гледате и самите, пустош во овие три години колку што овие неработници се на власт. Денеска разговаравме со луѓето од културата, разговаравме со доктори, разговаравме со пензионери, со млади луѓе, и сите истото го кажуваат. Имаше повисоки плати, но сега ги нема, имаше дневници за работа на терен сега ги нема, имаше подобри услови, а сега ги нема, растеше пензијата на секој шест месеци а сега не растат, младите добиваа поддршка за само вработување а сега ја нема. Па ми се поставува едно логично прашање, каде се парите? Буџетот е ист, односно не само што е ист, туку расте од година во година, стигна на рекордни 4 милијарди евра. 4 милијарди евра има Македонија а камен не е ставен три години. Па затоа каде се парите, односно кој ги стопи парите? Одговорот е јасен, семејството, фамилијата на власт, тоа го гледате сите, тоа може да го почувствувате сите, вели Николоски.

Јас дојдов во четворката, затоа што глуми најголем локал патриот, го гледам шета од место на место и зборува како три години да бил во опозиција а не три години да беше на власт. Камен нема ставено во четворката, една работа немаат направено, додаде тој.

Николоски додаде дека кога ВМРО-ДПМНЕ предупредуваше дека СДСМ ќе го промени името на државата, ќе воведе двојазичност и ќе ја продаде историјата, тогаш многу малку веруваа во тоа. Но, како што рече тој еве после три години успееја да го променија името на државата, воведоа двојазичност и каде што треба и не треба, ја продадоа историјата и економски ја уништија Македонија.

Нашата опција е Христијан Мицкоски за премиер на Македонија, ВМРО-ДПМНЕ на власт со најстручниот тим до сега, реформирано, подмладено ВМРО-ДПМНЕ, со најдобрите кадри од Македонија и со најдобрите кадри од дијаспората кои што уште сега ги контактираме и веруваме дека ќе сакат да дојдат за заеднички да ја градиме Македонија, нагласи Николоски.

Николоски повика на масовна поддршка, обединување и масовна излезност за ставање на крај на понижувањата, повикувајќи ги граѓаните заеднички да ги направат промените.

Победуваме на 15 јули со масовна излезност, огромна референдумска излезност за да ставиме крај на ова понижување и да ги направиме промените, порача Николоски.

Центар за комуникации на ВМРО-ДПМНЕ

Левица отвори канцеларија на локалниот огранок во Гевгелија

Задоволни сме од одѕивот на граѓаните кои одлично не примаат и покрај отежнатите услови на кампањата поради здравствената криза, нагласи вечерва во Гевгелија носителот на кандидатската листа во ИЕ 4, Бранко Ристов.

– Мислам дека народот конечно е подготвен да го скрши овој бипартизам кој што триесет години не тоне се подлабоко во дупката и конечно да почнеме да создаваме функционална држава, рече Ристов.

Откако „Левица" ќе влезе во парламентот, носителот на кандидатската листа во ИЕ 4, на гевгеличани им вети дека партијата ќе се залага за бесплатно здравство и високо образование, за укинување на извршителите, за воведување систем на надворешна контрола на МВР, за носење Закон за потекло на имот, скратено работно време од осум на шест часа и за поништување на Преспанскиот договор и двојазичноста.

Тој ги повика гевгеличани без двоумење да го заокружат бројот 4 на гласачкото ливче на предвремените парламентарни избори на 15 јули.

притисни ентер