Битиќи : СДСМ ја стабилизираше економијата и обезбеди раст, заклучоците на ММФ се потврда, на прав пат сме

Економијата влегува во период на стабилност и солиден раст, рече на прес конференција, Фатмир Битиќи, претседател на Комисија за финансии на СДСМ.

Ова го потврди и ММФ, кој проектира дека економскиот раст ќе забрза следната година.Фондот истовремено ги поздравува реформите во насоките на сузбивање на сивата економија и посочуваат дека тие се на високо место на владината агенда.

Во заклучоците на ММФ нотирано е дека:

Системите за пензии и социјални давања се зајакнати.Реформите ќе помогнат во подобрување на деловната клима и ќе ги заштитат работниците, а ќе имаат и потенцијално големи придобивки во смисла на приходи. Се очекува растот дополнително да зајакнува во текот на следната година.

Невработеноста покажува одржливо намалување, поддржано од значително креирање на нови работни места.Пониските даноци и повисоките пензии и плати се дополнителен стимул за потрошувачката.Економскиот раст се проектира на 3,4% што е подобрување за 0,3 процентни поени во одност на пролетната проекција.Заклучоците на ММФ јасно покажуваат дека одговорните домаќински политики на СДСМ се поттик за економскиот раст.Минималната плата ја зголемивме од 9.000 на 14.500 денари.

Сега месечната потрошувачка кошница од 32.000 денари се покрива со 2,3 минимални плати, а пред две и пол години беа потребни 3,5 минимални плати.

Невработеноста е намалена на историски најниско ниво од 17,5 насто, од 23,6 пред 2,5 години.Зголемувањето на платите и намалувањето на невработеноста стабилно го полнат пензискиот фонд и затоа пензионерите ќе добијат зголемување на пензиите од 700 денари, кое со усогласување со трошоците за живот до крајот на идната година ќе изнесува 900 денари.

Ако ја продолжевме пензиската политика на ВМРО-ДПМНЕ, пензискиот фонд ќе беше во колапс и ниту еден пензионер немаше да добие пензија на први.

Ние годишно отвораме по 15 илјади работни места, а ВМРО-ДПМНЕ градеше по стотина споменици.ВМРО-ДПМНЕ даде 250 милиони евра поддршка за 15 компании, кои отворија 15 илјади работни местаНие со 50 милиони евра поддржавме 180 компании, кои отворија три пати повеќе работни места.

Но не е разликата само во бројот на работните места, туку и во висината на платата.ВМРО-ДПМНЕ им велеше на странските инвеститори дека тука има квалификувана и евтина работна сила. Компаниите земаа финансиска поддршка од владата и на работниците им плаќаа срамни 8.000 денари плата.

Ние им даваме поддршка на инвеститорите, но само ако им понудат најниска плата на работниците, која е за 50% повисока од минималната.

Покрај зголемувањето на платите во сите сектори, целосно го реализираме концептот за враќање на парите кај граѓаните.Сите граѓани заслужуваат да живеат достоинствено.

СДСМ продолжува со мерките и политиките што обезбедуваат економски раст и повеќе пари кај граѓаните.На прав пат сме!, рече Битиќи.

Израелската армија го потврди убиството на висок функционер на Хезболах

Израелската војска потврди дека го убила Али Абед Асан Наим, заменик командант на ракетната дивизија на Хезболах. Тој бил убиен во напад со беспилотно летало во либанскиот регион Базуриех, објавија британските медиуми.

Израелската војска соопшти дека Наим насочил ракетен истрел со тешка боева глава кон израелска територија од Либан. Според израелските воени претставници, убиениот висок функционер на Хезболах бил одговорен за планирање и извршување на напади врз израелски цивили.

„Хуавеј“ минатата година со двојно поголем профит

Кинескиот телекомуникациски гигант „Хуавеј“ денеска соопшти за значително поголем профит во 2023 година, благодарение на силните резултати од неговите оддели за обработка заснована на Интернет и софтвери за автомобили.

Приходите на компанијата се зголемија за 9,63 отсто минатата година, на 704,2 милијарди јуани (99,4 милијарди долари).

Нето добивката се зголеми повеќе од двојно и изнесуваше 86,9 милијарди јуани.

Главниот столб на компанијата минатата година беше неговиот оддел за опрема за ИКТ инфраструктура, со приход од 362 милијарди јуани, што е за 2,3 отсто повеќе од 2022 година. Голем број западни земји забранија инсталирање на опрема на „Хуавеј“ во мобилните мрежи, повикувајќи се на националната безбедност.

Бајден: Постојано работиме да издејствуваме ослободување на Гершкович

Белата куќа објави изјава од претседателот Џо Бајден по повод навршувањето на една година руски затвор на новинарот на Волстрит џурнал, Иван Гершкович.

-Новинарството не е злосторство и Иван замина за Русија да ја врши својата работа на известувач со ризик за неговата безбедност за да се открие вистината за жестоката агресија на Русија против Укаина. Веднаш по неговото неправедно и незаконско задржување тој од затворот испрати писмо до своето семејство, изјави претседателот на САД.

Во писмото новинарот напишал дека „не губи надеж“.

-Како што им кажав на родителите на Иван, јас исто така не губам надеж. Ќе работиме секојдневно да издејствуваме негово ослободуање, рече Бајден.

Тој вети дека САД и понатаму ќе ги осудуваат и ќе воведуваат мерки „за обидите на Русија да ги користи Американците како монети за размена“.

Гершкович беше задржан лани во март. Оттогаш е се уште во притвор и чека судење по обвинение за шпионажа, што е категорично отфрлено од него, неговиот работодавач и владата на САД.

Во случај да биде прогласен за виновен, тој може да биде осуден на 20 години затвор./МИА

притисни ентер