Балашевиќ сепак е задржан во болница , семејството се плаши од секое ѕвонење на телефонот

Секој пат кога ќе заѕвони телефонот , се стресуваме ,напиша ќерката на познатиот музичар Ѓорѓе Балашевиќ , Беба , која вели и дека им била забранета посета во болницата.

Во петокот се појави информација дека Ѓорѓе Балашевиќ завршил во болница по срцев удар , што неговиот син Алекса го демантираше тврдејќи дека станувало збор само за рутински преглед. Неговата сопруга Оливера , објави денеска фотографии на Инстаграм без да го спомне сопругот , а потоа ќерка му Беба напиша статус во кој објасува дека татко и е задржан во болница.

"Значи ... тато е добро. Тоа е без сомнение најважната работа. Човекот кој веројатно најмногу пати го спомнуваше срцето во своите стихови, сега е во ситуација кога токму срцето го загрижува ... И сите ние со него. Иако се пишуваше дека на семејството му е забрането да го посети , сакам да ви кажам дека го видов и дека му ги пренесов вашите пораки, поздрави и желби за брзо закрепнување ... Не знам, тато што точно ти кажаа лекарите како си, но судејќи според поддршката на твојот тим тогаш имаш многу големо срце ... “, напиша Беба. Потоа им се заблагодари на илјадниците обожаватели.

"Благодарам на сите за добрата енергија што ја праќате овие денови. Секако, тоа е важно и значи многу, не ме прашувајте како знам, но сигурно знам ...

Беба , која управува со профилите на нејзиниот татко на социјалните мрежи, напиша и дека телефонот непрекинато ѕвони и дека секогаш се сепнуваат , иако постојано се во контакт со докторот .

Тајланд воведува данок за богатите пензионери од Западот

Според новиот тајландски даночен закон, сите даночни резидентни кои ги остваруваат своите приходи во странство, а трошат пари на Тајланд, во иднина ќе мора да плаќаат данок.

Овие одредби важат не само за тајландските граѓани, туку и за илјадници странски пензионери кои ги поминуваат пензионерските денови на Тајланд. Меѓу нив има и многу пензионери од Европа, а пред се од Германија.

Пензионерите живеат удобно на Тајланд од заштедите и приходите што ги заработиле додека работеле во своите матични земји.

„Ова е многу тежок удар за германските пензионери“, вели даночниот советник Мартин Либенов од меѓународната ревизорска фирма Мазарс во Бангкок, пренесува Тпортал.

Пензионерите не се единствените што се погодени. Ова е тежок удар за секој што ќе се пресели во Тајланд и ќе живее од своите заштеди и приходи од странство, без разлика дали се пензионери или е некој од многубројните дигитални номади, вели Либенов. /МИА

ДЗС: Струјата во второто полугодие лани поскапела за 8,2 отсто

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Според податоците на Државниот завод за статистика, во второто полугодие од 2023 година, просечната цена на електричната енергија за домаќинствата во земјава изнесувала 7.289 денари по KWh, што претставува пораст од 8.2 % во споредба со првото полугодие.

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Просечната цена на природниот гас без данокот на додадена вредност за крајните потрошувачи, освен домаќинствата, се движи од 36.858 до 48.300 денари по нм3 по групи на потрошувачи.

Просечната малопродажна цена на природниот гас за домаќинствата е 51.257 денари за nm3.

Девет лица приведени во Таџикистан поради поврзаност со нападот во Москва

Државниот комитет за национална безбедност на Таџикистан уапси девет лица за кои верува дека се поврзани со осомничените за нападот во концертната сала во Москва.

Светските агенции повикувајќи се на извори во безбедносните сили на Таџикистан, денеска наведуваат дека осомничените се уапсени и поради нивните врски со огранокот на терористичката организација Исламска држава во Хорасан (ИСИС-К).

Според нивните информации, сите девет лица биле приведени на 25 март во градот Вахдат и се одведени во Душанбе.

Истражниот комитет на Русија вчера соопшти дека е уапсено уште едно лице осомничено дека учествувало во финансирањето на нападот во Москва. /МИА

притисни ентер