Комерцијалните вакцини против грип од денеска достапни за граѓаните

 Во скопскиот Центар за јавно здравје од денеска почна вакцинацијата против грип. 

На скопјани им се достапни само комерцијални вакцини што ги набавува Центарот и кои годинава чинат 650 денари.

Прим.м-р д-р Билјана Даниловска, раководител на Одделението за епидемиологија при Центар за јавно здравје – Скопје истакна дека вакцината е четиритипна и штити од четири типа на вирус и дека на граѓаните им стојат на располагање во две работни смени од 7:30 часот до 18:00 часот.

-Вакцините се пастерови и содржат два типа на А вирус: Х1Н1 и Х3Н2 и два типа на Б: викторија тип и амагата тип. Од епидемиолошки аспект очекуваме дека ова време е погодно за развој на вирусите, бактериите, појава на вирусни заболувања, меѓу кои и грипот. Пикот го очекуваме некаде во февруари, што значи дека сега во овој момент вакцинацијата е сосема адекватна, бидејќи потребни се 15 дена за да се создаде имунитет, рече Даниловска.

Доктор Даниловска рече дека освен ризичните групи (лица постари од 65 гогини, хроничните болни, малите деца до пет години, здравствените работници), вакцинацијата им се препурачува и на лицата кои поради работата се во контакт со многу лица.

Директорот на Центарот за јавно здравје Арбен Зибери информира дека 28.000 бесплатни вакцини што ги набавува Министерството за здравство се уште не се стигнати и очекуваат да пристигнат до крајот на наредната недела.

За бесплатните вакцини за кои граѓаните, освен во ЦЈЗ, ќе имаат и дополнителни пунктови во три скопски поликлиники: Јане Сандански, Чаир и Букурешт./МИА

Глас за Македонија на средби со граѓаните на Битола

Во рамките на предизборната кампања, Избори 2020,ПП Глас за Македонија денес беше меѓу граѓаните на Битола, се наведува во партиското соопштение.

Нашата претседателка проф. Др. Солза Грчева заедно со носителите на изборните единици, уште еднаш потсетија на нашата програма и нашето залагање, дека народот треба да биде Гласот на оваа држава.

"Да ја направиме Република Македонија вистински демократска, правна и праведна држава со слободни и фер избори, демократски институции, демокатска контрола на власта, децентрализација на власта и почитување на човековите права и слободи. ", се наведува во соопштението на Глас за Македонија.

Стојаноска од Тетово: Намалување на правните бариери, институциите ќе работат во полза на приватните стопанственици

Носителката на листата од ИЕ 6 на  ВМРО – ДПМНЕ, Дафина Стојаноска попладнево заедно со заменичката министерка за финансии Гордана Димитриевска – Кочовска одржа средба со приватни стопанственици од Тетово и тетовско.

-Сите тие се пожалија на економските политики изминативе три години водени од страна на Владата на СДСМ. Затоа ние како ВМРО ДПМНЕ кои што ќе ја предводиме идната Влада на Република Македонија во нашата програма „Обнова" се обврзуваме дека ќе ги намалиме правните бариери при регистрирање на приватни фирми, дека ќе укинеме голем дел од пара и квази фискалните давачки дека ќе ги зголемиме капацитетите на инспекцискиот надзор се со цел да се намали сивата економија и корупцијата. Едноставно дека институциите ќе работат во полза на приватните стопанственици. Исто така ќе го споменам воведувањето на рамниот данок од осум проценти како и данокот од нула проценти за млади до возраст од 29 години. Со ова ВМРО – ДПМНЕ се обврзува дека ќе исправи економијата во Македонија дека ќе ги исправи приватните стопанственици и секако дека ќе ја исправи Македонија, рече Стојаноска.

Таа заедно со кандидатите за пратеници од тетовско во текот на денот остварија средби со жителите на селата Вратница, Старо село и Рогачево. /МИА

Мицкоски: ВМРО-ДПМНЕ се обврзува на 640 милиони субвенции и загарантиран откуп за земјоделците и 4 милијарди домашни и странски инвестиции

Претседателот на ВМРО-ДПМНЕ, Христијан Мицкоски денеска беше во посета на Петровец , се наведува во партиското соопштение. 

Тој истакна дека Македонија во моментов е окупирана од целосно неспособна и криминална власт предводена од аболицирани политичари до гуша вплеткани во криминални афери и политички криминал

Мицкоски истакна дека на овие избори граѓаните имаат еден избор бидејќи на една страна се наоѓаат неправда, криминал и понижувања предводени од политичари од транзицијата на СДСМ и Зоран Заев, а од друга страна се наоѓа правна држава со чесни политичари од ВМРО-ДПМНЕ чија главна водилка во работата ќе бидат честа и достоинството.

- Ветуваа буквално се, се сеќавате дека велеа ќе донесат живот во Македонија и едно општество за сите, ама излезе едно општество за едно семејство, некако само тоа семејство да живее се поубаво пораскошно и подобро а сите други живеат во беда разочарани да ја напуштаат државата, изјави Мицкоски

Претседателот на ВМРО-ДПМНЕ додаде дека наместо правда и реформи во правосудството СДСМ донесе „трас трас“ судски одлуки кога требаше да се тргува со честа и достоинството и на брутален го сменија Уставот, носеа закони по мерка на Заев, како и ослободителни пресуди за Поткуп каде што гледавме еден политичар како бараше евро за бате, евро за нешто друго.

- Кога станува збор за обвинителството тука ја проширија и ја надградија работата, донесоа уште поголем срам со куфер Луј Витон и неколку стотици илјади банкноти во евра. Таква реформа донесоа во обвинителството, го трансформираа во Луј Витон обвинителство, а во судството донесоа „трас трас“ реформи кои ним им донесоа слобода, а за граѓаните донесоа репресија страв и криминал, изјави Мицкоски

Тој посочи дека СДСМ наместо мир донесоа немир во душите на нашите сограѓани, сите се сеќаваат како СДСМ и Заев ги злоупотребуваа случаите на Младенов, Нешковски и да ја ветуваат вистината за да потоа се прават дека не го кажале тоа.

Мицкоски истакна дека тоа ВМРО-ДПМНЕ ќе го промени, ќе донесе вистински реформи во судството и обвинителството бидејќи правната држава е најважна за да може вистински да започне обновата на државата, обнова која ќе има над 1000 проекти со кои ќе се подобри животот на секој еден граѓанин во Македонија.

- Се обврзуваме на минимум 25% поголема просечна плата во рок од еден мандат, минимум 20% поголеми пензии за пензионерите и враќање на стариот закон кога 2 пати годишно растеа пензиите, најнизок данок во Европа од 8%, невработеност под 10%, за младите оние кои ќе вработат човек до 29 години 0% данок, за угостителите и хотелиерите кои се погодени од кризата ќе се намали ДДВ од 18 на 10% до крајот на 2021 година, рече Мицкоски.

Претседателот на ВМРО-ДПМНЕ се обврза и за студентите ослободување од партиципација во учебната 2020/2021, а нашите иселеници кои сакаат да инвестираат да тие инвестиции ги донесат и бидат безбедни и сигурни.

- Минимум 4 милијарди евра домашни, но и странски инвестиции, реформи во здравството каде што тоа ќе биде ориентирано кон пациентот, ќе најдете минимум 640 милиони евра за земјоделците субвенции, загарантиран откуп и пласман на производот, за да не ги фрлаат производите по реките и патиштата како што тоа го правеа досега, изјави Мицкоски.

На крај Мицкоски нагласи дека за сето ова да може да се случи потребно е да се излезе масовно на 15 јули и да се гласа за број 14 и да се поддржи Игор Јанушев кој ја предводи листата на ВМРО-ДПМНЕ, за да може уште веднаш да започне Обновата на Македонија.

Центар за комуникации на ВМРО-ДПМНЕ

er="0" allowTransparency="true" allowFullScreen="true">

притисни ентер